¹ Diadia dia mvewa musadulua bonso m'fimbu. Yatelua :" Telama, ye baka tezo kia tempelo kia Nzambi ye zikua mpe ye bobo beta vokundila. ² Kansi kutezi belo kia kunganda tempelo ko kadi kiavewa kua bobo kabena bayuda ko. Sibadiata mu mbanza a nlongo mu makumaya ye zole mangonda. ³ Siyavana lendo kua mbangi zamu zizole zavuata ngoto, mpasi babikula mu 1260 ya bilumbu." ⁴ Mbangi zozo i n'ti mimiole mia Olive ye bi minda - minda bibiole biakala va n'tuala Mfumu a n'toto. ⁵ Vo muntu solele mukubavanga mambi, tiya situavayika mu nua miawu ye situa yoka zimbeni zawu. Konso nduna zola kubavanga mbi sikavondua mu mpila yoyo. ⁶ Mbangi zozo zina ye lendo kia bindika zulu, mpasi vo kamvula mosi ko yifuete noka kiokio beta bikula. Bena ye lendo kia kitula maza menga ye zuba n'toto mu bivuku konso ntangu bazolelediovanga. ⁷ Kiokio sibamanisa kimbangi kiawu, bulu kitomboka mu yenga dia tombe kia ngolo sikiabanuanisa. Sikiabanunga ye kuba vonda. ⁸ Nitu zawu siza yungana mu bala bala za Mbanza ya n'nene, (yoyo yibokodoluanga mpe, Sodomo ye Ngipiti, momo mua komonua Mfumu zawu. ⁹ Mu lumbu tatu ye ndambu, ndambu a bantu mu mi n'kangu mia wonso, bizunga, ndinga ye zi nsi sibatala mvumbi zawu . Ye kabakubavana luve muzikua ko. ¹⁰ Besi nza sibayangalala mu diambu diawu ye sibakembela ye filana n'kutu mi nkayilu bawu ye bawu kadi M'bikudi mimiole miomio mia kuamisa bobo bakala zinga va n'toto. ¹¹ Kansi, kunima lumbu bitatu ye ndambu, mupepe wamoyo wutukidi kua Nzambi siwakota mu bawu ye sibatelama mu malu mawu. Wonga wangolo siwabuila bana bakubamona. ¹² Wana, sibawa ndinga yangolo muzulu yivovele:" Lutomboka kuku." Ye sibatomboka kuzulu mu tuti va meso ma mbeni zawu. ¹³ Muntangu yoyo, sikuakala nzakamu ya ngolo ya n'toto ye ndambu ya kumi ya Mbanza siyawongomoka. Nzakamu ya n'toto yoyo siyavonda mafunda nsambuadia ma bantu ye bobo bakala moyo sibazakama kua wonga ye sibakembela Nzambi a zulu. ¹⁴ Mpasi za n'zole zilutidi. Tala, mpasi za n'tatu zita yantika mu nsualu. ¹⁵ Wana, Mbasi ya nsambuadia yasika mpungi ani ye zindinga za ngolo zawakana muzulu ye zavova:" Kimfumu kia nza kikumini Kimfumu kia Mfumu eto ye kia Klisto diani. Sikayala mu ntangu zawonso." ¹⁶ Wana, ngudi za bantu zanuna za vuanda va bikiti bia kitinu va n'tuala Nzambi ba bua zidi biawu va n'toto ye bakunda Nzambi. ¹⁷ Bavova:" Tukuvutudidi matondo, Mfumu Nzambi yaluta zangama, ndondo wuna ye wakala kadi kuete lendo kiaku ye yantikidi yala. ¹⁸ Zi nsi zakala ye nganzi zasaka kansi nganzi zaku zizidi. Ntangu yifuene yoyo ba fua bafuete fundisa yekua ngeye mu vana nsendo kua bisadi biaku Mimbikudi, ba nlongo ye bana bazitisi nkumbu aku, bakuluka m'funu ye bankua lendo. Ye ntangu yifuene kua ngeye mubunga bana betabebisa n'toto." ¹⁹ Ye nzo a Nzambi yazibulua mu zulu ye nkela luwawanu luani yamoneka mukati kua nzo ani. kuakala n'temo wazinsemo, mi ndudumu ye mazu mazimbandanu, ndikukunu a n'toto ye mvula yangolo ya matadi.