¹ Wana, yamona Mbasi ya n'kaka ya lendo yikulumukini ku zulu. Yakala yafikua ku nsi a tuti, ye vakala lukongolo va zulu a n'tu ani. Zidi kiani kiakala bonso ntangu ye malu mani makala bonso malunzi ma tiya. ² Wakala ye fin'kanda fia zingumuka mu koko kuani ye watula kulu kuani kualunene va zulu a m'bu ye kulu kuani kua lumonso va n'toto. ³ Bosi wakaya mu ndinga ya ngolo bonso yoyo ya nkosi yita goka ye kiokio ka kaya, mbandanu nsambuadia zabula. ⁴ Kiokio mbandanu nsambuadia zabula mu mazu mawu, yazola yasonika, kansi ya wa ndinga yatuka kuzulu ya vova: " Lunda mansueki momo mbandanu nsambuadia bavovele. Kusoniki moko." ⁵ Bosi, Mbasi yoyo yamona yitelama va zulu a m'bu ye vazulu a n'toto, watombola koko kuani kua lunene kuzulu. ⁶ Wadia ndofi mu ndondo wuzinganga m'vu ya m'vu, wavanga zulu ye bia wonso bina diawu, n'toto ye bia wonso bina mu wawu, ye m'bu ye biawonso bina mu wawu, ye Mbasi ya vova: " Kakukaladiaka ntangu ko. ⁷ Kansi lumbu Mbasi ya nsambuadia sikakala wakubama musika mpungi ani, mansueki ma Nzambi simalungana bonso kavoveladio kua n'sadi miani Mim'bikudi." ⁸ Ndinga yoyo yawa kuzulu ya ntela diaka: " Wenda, baka nkanda wazingumunua wowo wuna mu koko kua Mbasi yatelama va zulu a m'bu ye vazulu a n'toto." ⁹ Wana, yayenda kua Mbasi ye yan'lomba ka mvana fin'kanda fia zingua. Wantela: " Baka fin'kanda fia zingua ye dia fio. Sifiakala ndudi mu vumu kiaku kansi mu nua aku, sifiakala ye n'zenzo bonso wiki." ¹⁰ Yabaka fi n'kanda fia zingua mu koko kua Mbasi ye ya diafio. Yakala n'zenzo mpila mosi ye wiki mu nua amu, kansi kiokio yamanisa fio dia, vumu kiamu kikumini ndudi. ¹¹ Wana, muntu mosi wantela: " Fete bikula diaka va min'kangu, zi nsi, zi ndinga ye min'tinu."