1 Mu lumbu yina, n'kangu wabidi wakutakana diaka ye wakondua kia ndia, Yesu wabokela n'longoki miani wabatela: " 2 nzele kua kiadi mudiambu dia n'kangu wuwu, kadi tala lumbu tatu bena ye mono, ye bakondolo kia ndia. 3 Vo yikuavutudi muna nzo zawu ye nzala, sibakondua ngolo mu zila; kadi ban'kaka vakati kua yawu batukidi kua nda." 4 N'longoki miani miam'vutudila: " neyi tufeti kubayukutisila mu mampa, vava, va nsi ya nkatu e?" 5 Yesu wabayuvula: " mampa kua mena yeno e?" bavutula nsambuadia. 6 Ikuma wavuandisa n'kangu va ntoto, wabaka mampa nsambuadia, ye kiokio kamana tonda, wabukuna mo, ye wavana mo kua n'longoki miani mpasi bakayanesa mo; ye bakayanesa mo kua n'kangu. 7 Bakala diaka ye findambu fiambizi za fioti fioti za maza, ye Yesu, kunima vutula matondo, wakayanesa zo diaka. 8 Badia ye bayukuta, ye banata yitunga nsambuadia yazala ye ntini zina zasala. 9 Bakala tezo kia mafunda ya. Bosi Yesu wabavutula. 10 Vanafulu wakota muna n'lungu ye n'longoki miani, ye wayenda kuna zunga kia Dalamanuta 11 Min'falisi bayiza diaka, bayantika filana mpaka ye Yesu,ye, mu kun'tungulula ban'lomba sinsu kituka kuzulu. 12 Yesu wavumuka mu kati kua mpeve ani, wavova: " Mudiambu dia nki mbandu yiyi yitalombela sinsu e?" Yilutelele dio mu kieleka, kavena sinsu kivewa kua mbandu yiyi ko. 13 Bosi wabasisa, wakota diaka muna n'lungu, mu kuenda kuna simu dian'kaka. 14 N'longoki miavilakana bonga mampa; dimosi kaka bakala diawu muna n'lungu. 15 Yesu wabavana ntumunu eyi: " lukikeba mu kieleka mu lufunusu lua min'falisi ye lufunusu lua Helode. 16 N'longoki miakala yindula yawu ye yawu, bakala vova: " yi mudiambu dia katuna ye mampa ko e?" 17 Yesu, kina vo wabakusa dio, wavova: " Mudiambu dia nki lutayindudila kondua kua mampa e? Nga luakinu kaka luakondua ngangu, ye kalutabakusa ko e? Nga luna ye n'tima miakangama e? 18 Luna ye meso, kalutamona ko e? Luna ye makutu,kalutawa ko e? Ye kaluna ye Ngindu ko e? 19 Kiokio yabukuna mampa matanu mudiambu dia mafunda tanu ma mayakala, ntalukua ya yitunga yazala ye ntini luanata e? Yawu bam'vutudila: "Kumi ye zole" 20 Ye kiokio yabukuna mampa nsambuadia mudiambu dia mafunda ya ma mayakala, ntalukua ya mbangu zazala ye ntini luanata e? "Nsambuadia" : bavutula. 21 Yani wabatela: " Kinu kalubakusi eti kaka ko e?" 22 bayenda kuna Betesayida, ye banata kua Yesu mpofo ndondo ban'lomba kan'simba. 23 Wabaka mpofo mu koko, ye wannata kuna nganda ya vata; bosi wan'tula mate mu meso, wan'tula moko, ye wan'yuvula keti wuta mona kima. 24 Watala ye wavova: " ngita mona bantu, kansi ngitakubamona bonso n'ti, ye mita kuenda. 25 Yesu wan'tula diaka moko mu meso, ye mu ntangu mpofo katomatala, waniaka, ye wamona biawonso bonso bina. 26 Ikuma Yesu wam'vutula kuna nzo ani, wan'tela: " kukoti mu vata ko". 27 Yesu wayenda, ye n'longoki miani, mu mavata ma Kayisali dia Filipo, ye mu nzila wabadia kiuvu eki: " mono nani ngina bavovanga e? " 28 bavutula: " yowani m'boteki; ban'kaka, Eliya; ban'kaka, mosi mu mim'bikudi." 29 Bosi beno, kabayuvula: " nani lutele ngina e?" Petelo wam'vutudila: " ngeye i Klisto." 30 Yesu watoma kubakanikina mu lembi dio vovela kua muntu a n'kaka. 31 Mudina, wayankika kubalongela vo muana a muntu kafeti mona mpasi zabidi, kafeti tubua kua n'kuluntu, kua ngudi za Nganga ye kua min'sonoki, kafeti vondua ye kafeti futumuka kunima lumbu tatu. 32 Wakala kubatela mambu mama mu kia kuawonso . Ye kiokio Petelo kannata vana mbela, wayantika kun'semba. 33 Kansi Yesu, wabaluka, ye watala n'longoki miani. wabamina Petelo, ye wavova: " wunkatukila satana! Kadi kuta yindula mambu ma Nzambi ko, wuna kaka ye mabanza ma kimuntu." 34 Ye kiokio kabokela n'kangu ye n'longoki miani, wabatela: " vo muntu zolele kundanda, kakivilakana yani kibeni, kanata kuluzu diani ye kandanda. 35 Kadi, nduna zolele vuluza muela ani, sikavidisa wo, kansi konso nduna vidisa muela ani mu kuma kia mono ye nsangu za mbote sikavuluza wo. 36 Ye nki kina ndandu kua muntu mu baka nza ya m'vimba vo vidisi muela ani e? 37 Nki muntu kalenda vana mu sobanesa ye muela ani e? 38 Kadi konso nduna kumfuila nsoni ye malongi mamu va kati kua mbandu yiyi ya zumba ye ya masumu, Muana muntu mpe sikakala ye nsoni mu yani, kiokio kakuiza mu n'kembo a Se diani ye mbasi zan'golo