¹ Yesu wakota diaka muna nzo a lusambulu. Muakala muntu wa koko kuasioka. ² Bakala talanga Yesu, keti sikanniakisa mu lumbu kia lumingu: Mpasi balenda kun'fuda. ³ Yesu watela muntu wakala ye koko kua sioka katelama va kati kuawu. ⁴ Bosi wabatela: " Keti dina luve, mu lumbu kia lumingu, mu vanga mambote yevo mambi, mu vuluza muntu yevo mu kum'vonda e? Kansi bakala na pi. ⁵ Wazietesa meso mani kua n'kangu, mu mfietokoso a n'tima ye kiadi kiayingi mudiambu dia m'balu a n'tima miawu, wavova kua muntu: " lambula koko kuaku." Walambula koko ye kuaniaka. ⁶ M'falisi mia vayika ye miakutakana ye bantu bakala ku nima ya Helode mu sosa nzila ya kum'vondesa. ⁷ Yesu wayenda kuna mbela m'bu ye n'longoki miani , n'kangu wabidi wan'landa tuka kuna Ngalili, kuna yuda, ⁸ kuna Yelusalemi, kuna Idume ye kuna simu dia n'kaka dia Yolodani, muna mbela mbela ya Tilo ye kuna Sidoni. N'kangu wabidi, kiokio bawa mana kavanga, wayiza kua yani. ⁹ Watuma n'longoki miani mian'kubikila n'lungu wafioti, mpasi vo kalembi fietokosua kua n'kangu. ¹⁰ Kadi, wuwu kina vo waniakisanga bantua babidi, bawonso bakala ye yimbevo bayiza kituba kua yani mu kun'simba. ¹¹ Mpeve za sumuka kiokio zammona, zan'kunda ye zaboka: " ngeye i muana a Nzambi." ¹² Kansi watoma kuba kanikina mu lembi kun'songa. ¹³ Bosi watomboka kuna mongo, wabokela bana kazola, ye bayenda kua yani. ¹⁴ Wakubika kumi ye zole bakalanga yani, ye mu kubafila mu longela ¹⁵ ye lendo kiakula mpeve za diabulu. ¹⁶ Tala kumi ye zole di kakubika: Simoni, ndo kavana nkumbu ya Petelo; ¹⁷ Yakobi, muana Zebedayi ye Yowani, mpangi a Yakobi, kua yawu kavana nkumbu ya Boanenge, disongele vo bana ba mbandanu; ¹⁸ Andele; Filipo; Batolomayi; Matayi; Toma; Yakobi, muana Alafayi; Tade; simoni, mwisi kana; ¹⁹ ye yuda Isikalioti, ndondo wayekula Yesu. Bayenda kuna nzo. ²⁰ Ye N'kangu wakutakana diaka, kabalenda nkutu kidila madia ko. ²¹ Wutu ya Yesu kina bawa mana makala vioka, bayenda mu kum'baka kadi bamona vo wuna ye mazengele. ²² Ye N'soniki miatuka kuna Yelusalemi, miavova: yani wuna wayalua kua belezebuli; Yi mu nkumbu a n'kuluntu a ma diabulu keta kudila mpeve zambi. ²³ Yesu wababokela ye wabatela mu ngana:" Neyi satana kalenda kudila satane? ²⁴ Vo kimfumu kivambane kiawu kibeni, kimfumu kiokio kakilendi sikila ko; ²⁵ Ye vo nzo yikayane yawu kibeni, nzo yoyo kayilendi sikila ko. ²⁶ Vo satana wukinuanisi yani mosi, wana kayane, ye kalendi sikila ko, kafete suka. ²⁷ Kavena muntu ko lenda kota mu nzo yankua ngolo, ye baka mu kingolo mvuilu ani yawonso, Kondua kualembi teka kun'kanga, tekela baka bima biobio. ²⁸ Mukieleka yilutelele vo masumu mawonso simalolokua kua bana ba bantu ye ntiakulu zawu sibavova, ²⁹ Kansi konso sikatiaka Mpeve a N'longo, kalendi lolokua ko. Yani zengolo n'kanu a sumu dia m'vu ya m'vu. ³⁰ Yesu wavova mpila yoyo kadi yawu bata vo yani wuna wayalua kua mpeve yambi. ³¹ Ngudi ani ye mpangi zani bayiza na biu , bakala kuna nganda, bam'bokelesa. ³² N'kangu wawonso wan'zugidila, ye wan'tela: " tala, ngudi aku ye mpangi zaku bena kuna nganda ye betakubokela." ³³ Wavutula: " nani i Ngudi amu ye mpangi zamu e?" ³⁴ Bosi watuba meso kua bawonso bakala bavuanda vana kinzungidila kiani. Wavova: " tala ngudi amu ye mpangi zamu." ³⁵ Kadi, konso yuna vanganga luzolo lua Nzambi, yani yi mpangi amu ya yakala, ya n'kento ye Ngudi amu."