¹ Ndambu ya lumbu yaluta, Yesu wayiza vutuka kuna Kapenawumi, bawa vo wakala muna nzo, ² Ye wakutakesa ndonga ya yabidi ya bantu ye fulu kakiakala diaka ko vana n'tuala a kielo ye walongela mambu ma Nzambi. ³ Bantu bayiza kua yani banata muntu watila mianzi. Wanatua kua bantu baya. ⁴ Wuwu kina vo mpuasika kayakala ko mu kota ye mokena ye Yesu, mudiambu dia ndonga, bamona vundu vana ntandu a n'ludi'a nzo ye bakulumuna muna kati kua nzo, muntu watila mianzi wakala waleka vana mfulu. ⁵ Yesu wamona minu kiawu, wavova kua watila mianzi: "muana amu masumu maku malolokolo." ⁶ Muakala ndambu a minsoniki, bavuanda muna ye bavovana yawu ye yawu: ⁷ Nkia muntu ndondo vovele mpila yoyo e? Wuta tiaka. Nani lenda loloka masumu vo ka Nzambi kaka ko e? ⁸ Wuwu kina vo Yesu wabakusa, mu kimpeve kiani, mana bakala yindula muna min'tima miawu, wabatela: " mu nkia kuma lunina ye ngindu za mpila yoyo muna n'tima mieno e? ⁹ Nki kilutidi wete, yi mu vova kua watila mianzi vo telama ye bonga mfulu'aku ye wenda e? ¹⁰ Kiongolo, mpasi luazaya vo muana a muntu wuna ye lendo va nza kialoloka masumu , ¹¹ Mvene luve kua watila mianzi: " telama, bonga mfulu aku ye wenda kuna nzo'aku." ¹² Vanavawu watelama, wabonga mfulu ani ye wavayika vana n'tuala a bantu bawonso. Ye bantu bawonso bayitukua ye batonda Nzambi, bavova: "Katuateka mona mambu ma mpila yiyi ko." ¹³ Yesu wavayika diaka kuna ndambu a m'bu. Ndonga yawonso yakala kuizanga ye wakala kubalongelanga. ¹⁴ Muntangu kakala luta, wamona Levi, muana a Alafayi, wayakala, wavuanda munna nzo a kisalu ya mim'vakudi. Wan'tela: " undanda" Levi watelama ye wa n'landa. ¹⁵ Kina Yesu kavuanda vana meza muna nzo ya Levi, bantu ba bidi bankua masumu ye bankua zingu kiambi bavuanda yani vana meza ye n'lonkoki miani. ¹⁶ Kiokio n'soniki ye m'falisi miamona vo wadia ye bankua masumu ye zingu kiambi, bavova kua n'longoki miani: " Mudiambu dia nki kafete dila ye nuina ye bankua masumu ye zingu kiambi e?" ¹⁷ Kina Yesu kawa wo, wabatela: " Ka bantu banitu zamavimpi ko basosanga dokotolo kansi zimbevo. " Kiayizidi sosa bankua lunungu ko, kansi bankua masumu." ¹⁸ N'longoki mia Yowani ye min'falisi bamina n'soki. Bayiza vova kua Yesu: " mudiambu dia nki n'lngoki mia Yowani ye m'falisi mimininanga n'soki, kansi n'longoki miaku kamimininanga n'soki ko e? " ¹⁹ Yesu wabavutudila: " Nga n'kundi mia toko dia n'sompi balenda mina n'soki mu ntangu yakala kakinu yawu e? Kabalendi mina n'soki ko mu ntangu toko dia n'sompi kakinu yawu. ²⁰ Lumbu siyiza kiokio toko dia n'sompi sikazamunua va kati kuawu ye sibamina n'soki mu ntangu yina. ²¹ Kavena muntu ko tunganga n'lele wa mfukila wampa mu wankulu. N'lele wa mfukila wampa siwanatumuna ndambu ya wankulu ye kiasuka kulenda toma saka. ²² Ye kavena muntu tulanga vinu ya mpa muna m'vungu mia nkulu ko; wana vinu siyawula mim'vungu. Ye mim'mungu ye vinu sibia beba. Kansi lufete tula vinu dia mpa mu m'vungu mia mpa. ²³ Mu lumbu kia lumingu, muntangu Yesu kakala vioka muna mpatu ya ble. Muna nzila, n'longoki miani miayantika vela m'butu mia ble. ²⁴ M'falisi mia yiza mian'tela: " tala, mudiambu dia nki beta vangila makanukunua mu lumbu kia lumingu e?" ²⁵ Yesu wabavutudila: "Kaluatangidi eti nkutu mavanga Davidi ko e? Muntangu kakondua lekua , wafua nsatu, yani ye bana bakala yani, ²⁶ Neyi kakotela muna nzo a Nzambi, muntangu ya Nganga a Nzambi Abiatali, ye wadia mampa ma n'kayilu, mana mena ye luve luadiwa kaka kua Nganga za Nzambi, ye nkutu wavana mo mpe kua bawonso bakala yani e? " ²⁷ Bosi wabatela:"Lumingu luavangua mudiambu dia muntu, kansi ka muntu ko mudiambu dia lumingu. ²⁸ Mpasi vo muana a muntu kakala mfumu a lumingu."