¹ Kuma bukuakia kaka, Ngudi za nganga zambuta bavuanda fongo ye bambuta ye min'soniki, ye mbazi a n'kanu yawonso. Kiokio bamana kanga Yesu, bannata, ye ban'yekola kua Pilatu. ² Pilatu wan'yuvula: " Nga ngeye yi n'tinu a bayudayo e?" Yesu wavutudila:" Ngeye vovele wo." ³ Ngudi za Nganga zam'fuda mu mambu mabidi. ⁴ Pilatu wan'yiuvula diaka:" Kutavutula diambu ko e? Tala mu mambu kua betakufundila." ⁵ Ye Yesu kavutula diaka kani diambu ko, diodio dia yutukisa Pilatu. ⁶ Mu konso kua n'kembo, bayambulanga muntu a boloko mosi, nduna n'kangu kalombele. ⁷ Muna boloko muakala muntu mosi Balaba ye bakuayani, mukuma kia muntu bavonda mu mpukumunu. ⁸ Ndonga, kiokio ya tomboka, yayantika kun'lomba mana kayukua kubavangila. ⁹ Pilatu wabavutudila: " nga luzolele yaluyambudila N'tinu a bayudayo e? ¹⁰ Kadi wazaya vo yi mu maketo ma Ngudi za Nganga za mbuta ban'tekela. ¹¹ Kansi Mfumu za Ngudi za Nganga balongesela kua ndonga mpasi vo Pilatu kabayambudila nkutu Balaba. ¹² Pilatu, wavutukila m'vovo, wabatela: " nki luzolele yavanga mu ndondo luta bokelela N'tinu a bayudayo e? ¹³ Baboka diaka: " Wu n'koma!" ¹⁴ Pilatu wabatela: " Nkia mbi kavengidi e?" ye baboka diaka mu ngolo: " Wu n'koma!" ¹⁵ Kina vo Pilatu wazola yangidika n'kangu, wabayambudila Balaba; ye, kiokio kamana zubisa Yesu min'zuangi, wan'yekola mu komua vana kulunsi. ¹⁶ Makesa banata Yesu kuna kati kua yanzala, disongele muna zo ya mfundusulu, ye bakutakesa buka kiawonso kia makesa. ¹⁷ Bam'vuika m'vuatu mia tinta ya mbuaki fioti ye bavuika va ntu ani mpu ya nsende bakubika. ¹⁸ Ye bayantika kun'kunda: " Mbote, n'tinu a bayudayo!" ¹⁹ Ye ban'zuba diaka vana n'tu, bantubila kololo, bafukama mu makungunu ye bakala kunda va n'tuala ani. ²⁰ Kiokio bamana kum'vueza, bakatula m'vuatu wa tinta a mbuaki, bam'vutudila m'vuatu miani, ye bannata mu kun'koma vana kulunsi. ²¹ Banatisa mu kingolo kuluzu dia Yesu kua muntu watuka ku zimpatu, Simoni muisi Kilene, Se dia Alekisandele ye Lufu; ²² ye banata Yesu kuna fulu kiayikua Ngongota, disongele fulu kia konzongolo kia n'tu. ²³ Bam'vana kanua malavu ma sangua ye mile, kansi kanua mo ko. ²⁴ Ban'koma vana kuluzu ye bakayana, yinkutu yani, mu ta wadi, mpasi bazaya kina muntu muntu kafete baka. ²⁵ Yakala wola ya n'tatu, kina ban'koma. ²⁶ Mambu masonama mu songa nzengolo ani, makala ebu: " N'tinu a bayudayo." ²⁷ Ban'koma ye yimpumbulu yole, mosi ku lunene luani, ye wan'kaka ku lumonso luani. ²⁸ Mu mpila yoyo masonukua malunganena: " ban'tula fulu kimosi ye yimpumbulu." ²⁹ Bana bakala vioka ban'finganga ye nikunanga n'tu, ye bavova:" He! ngeye buisanga nzo a Nzambi ye tungulula yo mu lumbu tatu, ³⁰ wukivuluza ngeye mosi, mu kulumuka vana kuluzu! ³¹ Ngudi za Nganga zambuta mpe, vakimosi ye min'soniki, ban'seva yawu ye yawu, ye bavova: " Wavuluza bankaka ye kalendi kukivuluza ko!" ³² Bika Klisto, n'tinu a Isaeli, kakulumuka wuwu vana kuluzu, mpasi vo tuamona ye tuakuikila! Bakomua ye yani ban'levola mpe. ³³ Tuka mu wola ya sambanu, tombe kiabua va n'toto wa m'vimba, nate mu wola ya vua. ³⁴ Ye mu wola ya vua,Yesu waboka mu ndinga ya ngolo: " Eloi, Eloi, lama sabakatani? " disongele: " Nzambi amu, Nzambi amu, ekuma wungiambudi e?" ³⁵ Ban'kaka mu bana bakala vana, kiokio ban'gwa, bavova: " tala, wuta bokela Eliya" ³⁶ Ye Mosi mu yawu walemoka , wayenda tula vinu ya nsa mu diniuka, ye watoma dio kanga vana nsongi a diadia, wan'vana kiandua, wavova: " luyambula, tuatala keti Eliya sikeza kun'kulumuna." ³⁷ Kansi Yesu, kina kaboka mu ndinga ya ngolo kibeni, wazenga muela. ³⁸ N'lele wa kin'longo wakiazuka mu ndambu zole, tuka ku zulu nate ku n'dimba. ³⁹ Mfumu a makesa nkama, ndondo wakala van'tuala a Yesu, kiokio kamona mpila Yesu kazengela muela, wavova: " Kieleka muntu ndondo wakele Muana a Nzambi." ⁴⁰ Vakala mpe bakento bakalatadila kua nda. Vakati kua yawu vakala Malia muisi Mangadala, Malia, Ngudi a Yakobo wa toko, Yose ye Salome, ⁴¹ bakala kun'landa ye kun'sadila mu ntangu kakala kuna Ngalili, ye babidi ban'kaka batomboka yani kuna Yelusalemi. ⁴² Kina nkokila yabua, kina vo kiakala kia nkubameno, disongele: mu n'kielo a kia lumingu, ⁴³ valuaka Yosefi muisi Alimataya, n'luengisi wanene, ndondo yani mosi wavingilanga mpe kimfumu kia mazulu. Wateza kuenda kua Pilatu, mu lomba nitu a Yesu. ⁴⁴ Pilatu wayitukua vo wafua mu n'sualu; watumisa mfumu a makesa nkama ye wan'yuvula keti ntama kafuidi. ⁴⁵ Kiokio kawa ludi kua mfumu a makesa nkama, wavana nitu kua Yosefi. ⁴⁶ Ye Yosefi, kiokio kamana sumba n'lele wanzikila, wa kulumuna Yesu vana kuluzu, wan'zinga n'lele wa nzikila , ye wan'tula muna ziami kiazokua mu tadi. Bosi watula tadi vana muelo a ziami kiokio. ⁴⁷ Maliya, muisi Mangadala ye Maliya, ngudi a Yose, bakala tala vana ban'tuala.