¹ Kiokio bafinama ye Yelusalemi, ye bakuma lukufi ye Betefange ye Betania, ku mbela mongo wa olive, Yesu wafila babole mu n'longoki miani, ² wabatela: " luenda kuna vata dina va n'tuala eno; kiokio lukota mo, siluamona muana mpunda wakanagama, ndondo kayavuendo eti kua muntu ko; lun'kutula ye lunnata. ³ Vo muntu wuluyuvudi: " mudiambu dia nki lutavangila wowo e?" Luvova: " Mfumu wum'vuidi m'funu. Vanavawu sikan'yambula keza kuku. ⁴ Kiokio n'longoki miayenda, miamona mwana mpunda wakangama vana nganda vana mbela kielo, va nzietomoka a nzila ye ban'kutula. ⁵ Ban'kaka mu bana bakala vana, babayuvula: " nki lutavanga e? Ekuma lutakutudila muana mpunda ndondo e? " ⁶ Bavutula: " bonso Yesu kabatela ye baba yambula benda. ⁷ Banata muana a mpunda kua Yesu, batuba m'vuatu miawu vana zulu ani, ye Yesu Klisto wam'vuandila. ⁸ Bantu babidi bayala m'vuatu miawu muna nzila, ye bankaka ntayi za n'ti zozo bazenga muna zimpatu. ⁹ Bana bavita ye bana balandanga Yesu, baboka: " Ozana! Kasakumunua ndondo wuta kuiza mu nkumbua a Mfumu." ¹⁰ Bika luyalu luta kuiza luasakumunua, luyalu lua Davidi Se dieto! Ozana muna kayengele! ¹¹ Yesu wakota mu Yelusalemi, muna nzo a Nzambi. Kiokio kamana tala biawonso, ye kina vo ntangu yasaka, wayenda kuna Betania kintuadi ye kumi ye zole. ¹² Lumbu kialanda, kina kavayika mu Betania,Yesu wafua nsatu. ¹³ Kiokio kamona kuanda n'ti wa mungiengie wakala ye makaya, wayenda tala keti lenda mo wana kima; ye kiokio kafinama vo, wamona makaya mampamba, kadi kayakala nsungi a mingiengie ko. ¹⁴ Wabaka mpova, wan'tela: " Kavena muntu sala dia mbutu aku ko!" Ye n'longoki miani mian'gwa. ¹⁵ Baluaka kuna Yelusalemi, ye Yesu wakota muna nzo a Nzambi. Wakula bana bakala teka ye bakala sumba muna nzo a Nzambi; wabuisa meza ma n'sobi mia mbomgo, ¹⁶ Ye fulu yan'teki mia mayembe; Ye kayambula muntu kanata kana kima mu nzo a Nzambi ko. ¹⁷ Ye wakala longelanga, ye vova: " kadiasonama ko vo: nzo amu siyabokololua nzo a lusambulu mukuma kia nsi zawonso e? " Kansi yeno, luakitudi yo mpaka ya mivi. ¹⁸ Bangudi zanganga zambuta ye min'soniki, kiokio ban'gwa, basosa neyi bafete kum'vondesela; Kadi bakala kummona wonga, kadi n'kangu wawonso wayangalala mu ndongolo zani. ¹⁹ Kiokio nkokela yabua,Yesu wavayika mu mbanza. ²⁰ Mu n'suka, kiokio bakala vioka, n'longoki miamona n'ti a mungiengie wayuma nate muna mianzi. ²¹ Petelo, wabambuka moyo mu mana maluta, wavova kua Yesu: " N'longi, tala, n'ti wa mungiengie wasingidi wayumini." ²² Yesu wabaka mpova, ye wabatela : " lukala ye minu mu Nzambi. ²³ Yilutelele dio mu kieleka, vo muntu vovele kua mongo wuwu: " Katuka vovo ye wukituba mu m'bu, ye vo katudidi ketiketi mu n'tima ko, kansi kuikidi vo dina katele ditavangama, sikamona dio divangamene." " ²⁴ Ikuma yilutelele: " konso dina lulomba mu sambu, lukuikila vo lutambudi dio, ye siluamona dio dilungane. ²⁵ Ye, vo luna luatelama luta sambila, vo luna ye diambu ye muntu, lun'lemvokela, mpasi vo Se dieno dina muna mazulu kalulemvukela mpe masumu meno. ²⁶ Kansi vo kalulemvukanga ko, Se dieno dina muna mazulu kakuluyambudila masumu meno mpe ko. ²⁷ Bayenda diaka kuna Yelusalemi, ye kiokio Yesu kakala zieta muna nzo a Nzambi, Ngudi zanganga za mbuta, n'soneki ye n'kuluntu bayiza kua yani, ²⁸ Ye ban'tela: " mu nkialendo sadilanga momo, ye nani wavana lendo mu vanga mo e?" ²⁹ Yesu wabavutudila: " nzolele mpe kuluvana kiuvu; lumvutudila, ye siyalu zayisa mu nkialendo yivangilanga mambu momo. ³⁰ Mbotokolo ya Yowani yatuka ku zulu yevo kua bantu e? Lumvutudila. ³¹ Kansi bayindula yawu ye yawu ewu: " vo tuvutudi: "ku zulu", sikavova ekuma lualembi kuikidila mu yani e ? ³² Ye vo tuvutudi: "kwa bantu..." Bakala mona wonga wa n'kangu, kadi yawu a wonso bazayila vo Yowani yi nkati kua m'bikudi. ³³ Wana bavutula kua Yesu: "katuzeye ko." Yesu wabavutudila: "mono mpe , kikulutela mu nkia lendo n'sadilanga mambu momo ko."