¹ Mono, Paulu, ngita kulusiamisa, mu kukikulula ye wulembami wa Klisto. Ngina yalembama kiokio n'kalanga va meso meno, kansi n'kalanga ye kiyakala vo ngina kua nda. ² Ngita kululomba, kiokio ngina va kati kueno, kikadi ye m'funu wakala ye kiyakala mu vuvu ko. Kansi mbenze vo siyakala ye m'funu wakala kiyakala kiokio siyanuana ye bana babanzanga vo beto tuzingilanga mu kin'suni. ³ Kadi kanele vo tutadiata mu nitu, katulendi nuanina mu kin'suni ko. ⁴ Kadi bianduanina biawonso tunuaninanga kabina bia kin'suni ko; kansi nkutu bina ye ngolo za kinzambi mu tengola nzo zangolo. Zifukisanga mpova za luvunu. ⁵ Tubebesanga mpe konso tezo kitelamananga nzayilu a Nzambi. Tunatanga konso mabanza ma kutukanganga ku ntumamanu kua Klisto. ⁶ Ye tuna tuakubama mu tumba konso vangu dia nkolamanu, kiokio kaka ntumamanu aku yilungana. ⁷ Lutoma tala kiokio kitatoma moneka va n'tuala eno. Vo muntu kuikidi vo yani vuilu kua Klisto, kabambuka moyo vo bonso kavuidilu kua Yesu, yeto mpe tuna wo. ⁸ Kadi kanele vo ngita kukikembesa kuayingi fioti mu momo matadidi lendo kieto, kiokio Mfumu katuvana mu kulutunga kansi ka mu kulubebesa ko, kimona nsoni ko. ⁹ Kizolele ko vo diodio diamoneka bonso vo mono ngita kulumuesa wonga mu n'kanda miamu. ¹⁰ Kadi, ban'kaka bavovanga: " n'kanda miomio mina mia ludi ye mia lendo, kansi mu kin'suni, wuna wayoya ye mambu mani kamena mafuana mu wakana ko. ¹¹ Bika bantu ba mpila yoyo bazaya vo tuvovanga muna min'kanda mieto kiokio katuna vo ko, yi momo situavanga kiokio tuwawana. ¹² Katuayenda mukuma kia kukitula va fulu, yevo kitezanesa ye bana bakisanisinanga bawu mosi. Kansi kiokio beta kitezanesa mosi ye wan'kaka ye beta kifuananesa mosi ye wan'kaka, kabena ye ngangu ko. ¹³ Kansi katukukisana lutila ndilu ko. Kansi nkutu, tufete kala muna ndilu, zina Nzambi kasila, ndilu zina lambuka mpila mosi ye kuna nuna. ¹⁴ Kadi, katuayele lutila ndilu zeto ko, kiokio tuakululuakila. Tuakala bantete mu luaka kuanda bonso beno mu nsangu zambote za Klisto. ¹⁵ Katuakisanini lutila ndilu a kisalu kia ban'kaka ko. Kansi nkutu, tusidi vuvu vo, wuwu kina vo minu kieno kita kula, zunga kia kisalu kia beto kibeni sikiakuma kia nene beni ye sikiakala kaka muna ndilu zani kibeni. ¹⁶ Tuta dio sila vuvu mpasi tualongele nsangu zambote kana nate kuna tini ya nsi yina lutila kuna luna. Katukukisana mu bisalu bivangamanga muna n'toto mia ban'kaka ko. ¹⁷ "Kansi bika nduna kukisana kakisanina mu Mfumu." ¹⁸ Kadi ka ndondo kukivananga yani kibeni ko wuna watondakana. Kansi nkutu, yi nduna tuminu kua Mfumu.