¹ Bunu, nde aka ba mokini kingana kitari kihi mutini ba fwete samana wu koonso tahanga ye ku koono leme. ² Nde aka moki : «Ku kari ku vulu di mosi zusi di mosi u kuhuni tini Nzaami ye ku kuuhunu zitisi mutu ku. ³ Bunu mu vulu dini kukari yi mukehete mu fwiri ye nde u yisi wu koonso kuhumu ku kwe nde, ku mu mokono : «Tsala sa-me i baka lumungu ku kwe mbeni'ama.» ⁴ Diama tuku tahama nde ka ke i luzolo lu ku mu salasaka, kaansi ku nimi, nde aka ki mokini nde ki beni ki : " Kaansi iti na Nzaami ki kani izitisa mutu ku, ⁵ Mboti vo mu kehete mu fwiri wu u tungusu, me i mu salasa kabaka luy nungu, mu kusa vo kaka busu nde mese mu kwisi kwisi kw'ani ku kooni tsuku."» ⁶ Bunu, mfumu aka moki : «Luwa maka moki zusi di kohoni masongolo. ⁷ Bu twebu, Nzaami kaka gâhaka lu nungu ku kwe baata ba'ani kasori babo ke ma wu pihibi yi mwini? sa ka naan gasa mu diama di ba wu? ⁸ Me i lu mokini vosaka gaha kibeni lumu ngu kitese ki mosi, bu ka kwisi mwana mutu sa ka wanese kibeni lukwisi a tsi mutoto?» ⁹ Di kaka, nde aka moki kingana ki ku baata baba kisiri mbunu kuba kibeniki ba kari baata ba lunungu yi ku mwese pahasi ku bahata ba kaka: ¹⁰ «Baata bolo a beni ku nzô Nzaami mu kwe samana (wuhunu kakari mufarisi u mosi mufutisi pahaka.) ¹¹ Mu farisi aka terimi yi kusamana Nzaambi, me i ku tohoni muku sa vo me ka ngieke boonso baata ba kaka be ba ziota wu bimi bi baata, baata ba mbi (masumu), baata ba bi zizumu keti boonso mufutisi pahaka wu. ¹² Me ikuhumu dia madia mikahala miolo mu lumingi yi gâha kitini ki kumi mu biabiso ngie biawu. ¹³ Kaansi mufutisi pahaka, terimi kinana, ka meki ku mokoko keti ku zaangana mese m'ani katala ku zulu kaansi nde ka beeti tulu aka moki: "Nzaami, u nguili kiari, me ngie mutu masumu." ¹⁴ Me i lu mokini mutu uhunu ka vuti ki kuku nde u ki nungisi wu bu kaka ku mu kwene, diama koonso mutu u kikumusu nde kibeni ki kulutu, nde ka fwete kulumu ku nde kibeni ki, kaansi koonso mutu u ki kulumusu nde ka fwete tohomomo.» ¹⁵ Baata ba nati wu bana bawu dikaka mukusa vo nde kaba simi muku ba sakamana kaansi milongoki buba moni bwabunu aba ba mangihi. ¹⁶ Kaansi Yesu aka bateri ye kuba mokono : «Luyamene bana baba leke beese ku kwe me, ka lu ba ma ngahaka, diama kimfumu ki Nzaami kie ku baata be boonso bawu. ¹⁷ Mu kieriki me i lu mokini, koonso mutu u kohono yama ki mfumu ki Nzaami boonso mwana, nde kaka lene kohoto ko kuzulu.» ¹⁸ Mfumu mosi u ba yudu aka mu gehe kwiufu aka moki : Mulongi mboti, kihi me isâa muku baka moyo u mvu i mvu?» ¹⁹ Yesu kamu mokini : « Mu diama di kihi me u teeri u mboti? Kahata we u mbotiu ka tala Nzaami kaka. ²⁰ Nge zayi misiki : ku taka bizumu, ku gohono ko, ku yibi ki, ku taka kimbangi ki mapia, zitisi taa'aka yi ngudi'aka.» ²¹ Mfumu mosi u bayudu aka moki : «Me i zitisa wu maama mana tuku bunu ikari muleke.» ²² Yesu baka wi bwabunu, nde aka mu moki : «Nde kimi ki ku kohoni kimosi. Nge u fwete teke biab iso we biawu yi ku bi kaba ku ba kohoto, nge sa u baka kimvuama ku zulu, ku nimi u ndaana me.» ²³ Kaansi mvuama buka wi bwabunu aka sari kiari kiari kulutu, diama kakari mvuama nene. ²⁴ Bunu Yesu bu ka mumoni sari kiari kiari aka moki : «Kwe pahasi ku baata be ba mvuama muku kohoto mu kimfumu ki Nzaami! ²⁵ Diama kwe pahasi kahata ku shamoka kohoto mu uhunu di tuhumu ki Nzaami.» ²⁶ Baata baba mwi aba moki : «Bunu naa uhuluku?» ²⁷ Yesu aka vutiri mvutu : «Maama me ka ma lene salamaka ku baata ma fwete salama ku Nzaami.» ²⁸ Pieri aka moki : «Bu mboti, beete tu sisi biabiso bié bi beete, atu kulaani.» ²⁹ Bunu Yesu akaba mokini : «Mu kieriki me i lu mokini kahata mutu sisi Nzwani keti mukehet'ani, k'ani bi buti biani, ka baana ba nguriani, kaani bana bani mu diama di kimfumu ki Nzaami, ³⁰ Ka kuhunu baka ku lutu mutsi mu ye tsi i kwisi, luzingi lu mvu yi mvu.» ³¹ Ku nimi ka vukisi ba kumi yi zolo a mbele nde, aka ba mokini : «Lu tala, beete atu tomiki ku Yerusalemi, maama-mamaso masonimi ku mibikiri mu diama di mwana mutu ma fuete lungu. ³² Diama nde sa kakabama ku moko ma mipahani, ba museye, ba mu mwese tsooni yi ku muloso mate. ³³ Ku nimi ba mu bete fimi, ba mu gohono, ku nimi bilumu bi taata, nde sa ka futumuku.» ³⁴ Ba wu ka ba zayi kimi ki mu maama ma ye buka moki nde ku bawu ku kari ku ba swamini wu, buba basamini. ³⁵ Buku turi vo, Yesu aka pusini a mbele Yeriko, kimfwa mese mosi nieki a mbele nzili mu ku loomo, ³⁶ U kihingini ki buki ki baata ba lutu, nde aka uhuri maama maluti wu. ³⁷ Aba musamini vo Yesu u Nazareti u luti wu gaha-gaha. ³⁸ Bunu, ki mfwa mese aka bokini, muku moko: «Yesu mwana u Daviri nguli kiari.» ³⁹ Baata ba yini ku ndumi aba ngaanini ki mfwa mes vo kaanga munwa. Kaansi nde aka bokimini kibeni ngolo-ngolo : «Mwana Daviri, nguili kiari me.» ⁴⁰ Yesu aka terimi yi akatumi vo luisi i mutu wunu. Dikaka, tahanga ka pusini ki mwa mese, Yesu aka muuhuri : ⁴¹ «Kihi zori vo me i ku sa mu diama di nge?» Nde aka vutiri : «Mfumu, me nzori i mono di kaka.» ⁴² Yesu aka mu mokini : «Boongo ku mono kwa-ka. Lukwikili lwaka lu ku guhurisi.» ⁴³ Mu nu kahala mosi, nde aka yantiki ku mono yi ku lana Yesu, ukumusu Nzaami. Buba moni bwabu, baata babaso ba kumisi Nzaami.