¹ Yesu aka koti kaluti ku Yericho. ² Bunu ku kari yi mutu mosi zini diani Zaché kakari mutu wu fitisi paaku kakari mvuama. ³ Ka dinghi komono Yesu kaansi kakaleniki diama baata bakari benghi nde kakari wu kuufi buingi. ⁴ Ka yetikiri ku ndumi baata aka mati mumuti musa kamumoni mu diama Yesu kalutiri ahana. ⁵ Tanga kakumi Yesu akifulu kini bukatari kuzulu akamu samini: «Zaché kulumuki kisasi diama lele yi leke ku kue nge.» ⁶ Aka kurimiki aka mu yami yi kiesi. ⁷ Buba moni buana aba yantiki kumoko keni katala mutu masumu.» ⁸ Zaché akaterimi andumi Yesu akamusamini : «Tala, fuumu, yi aha ndama kimvuama kiama ku ba kooto oho tsari mbi kimi kumutu yimu yiki mikkala miya.» ⁹ Yesu aka musamini ma mboti ma kooto lele mu nzô yi diama wawu ke siki muana Abalayama. ¹⁰ Diama muana mutu kesi dingi yiku uhulese baba lari.» ¹¹ Yesu aka dikaka kingi ku baata bawi mama mana diama bonso bukakari ambele Yelusaleme baata bengi ba kiitiri Nzaami kasa ki fuumu kiari kunu taangha yini. ¹² Mutu mosi wulukumu kozori kene mukusaba muna fuumu ahâta diani. ¹³ Andumi kaka kue akateri bisari biani kumi akaba ehe nzimi yani mutuyimutu akabongi buki di wolo. Aka basamini : "Luta kikiiti munzimi yi tii kunu yi vutuku. ¹⁴ Kaansi baata ba ahata diani kari bamu yungu Abatumi ba tumi ba tumu kunimi nde ku ahaata dini diama basamana nimutu wunu kakari fuunu beete. ¹⁵ Buka luti kuni ki baata ki fuumu, aka luti ku bisari biana kasisiri nzemi mu kusa ka zaya mosimosi kene kii ndenge kasi mu bikiti bini. ¹⁶ Wu teeti akesi andumani akamusamini, fuumu mini miaka miyiki mini kumi ataana. ¹⁷ Mvuama akamusani bumboti kisari ki mboti diama we wu mboti wu bongho ki fuumu kima ahaata kumi. ¹⁸ Wu kaka aka moki fuumu mini miaka miyiki mi tana. ¹⁹ Mvuama ka musamini "bongo ki fuumu ku mahaata matana." ²⁰ Wunu akesi musama : "fuumu tala mini miaka yi sueki mboti mu kaati ki kuutu. ²¹ Diama kari yi moyo nge we mutu ngasi wu bonga ki koono sa wu tsumuna ki koono kunu" ²² Mvuama aka musamini : "Yi ku samasa mu nzonsolo yaka kisari ki ngasi kari sayi ni ngie mutu ngasi yi bonga ki koono kuunu. ²³ Mu diama diki wu koono sa nzimi yama ku nzo basueka nzimi mu mvutukulu yama yi bongo miluti?" ²⁴ Mvuama aka samini ku baba kari ahana lubongo mini lu ahâ ku mutu we yi mini kumi. ²⁵ Aba musani fuumu ke yi minikumi" ²⁶ Yi lusamini mutu ndeso we yi bimi bingi ba feti muyiki kaansi wuwe ba bineeke ba feti muzioto. ²⁷ Bu tuebu lunata ba mbveni ba me babaso yi baba koono zolo me yi baka luba ohono andumi me. ²⁸ Kunimi kumoko buana ake ku Yelusaleme. ²⁹ Bukesi tulu kumbele bethphagé yi betani kulama di Olive aka tumi bisari biani biolo. ³⁰ Aka moki : «Luene ku mbele ahata bulu kooto lu mono muana di meme di mosi kaata mutu wu lumono lukutulu lu ndatana. ³¹ Omutu wu lu uhuri kindenghe lumukutiri lumusama fuumu ke yi nzala nde.» ³² Baka tumi abeni aba mu wani bunu kamoki Yesu. ³³ Nga nde akaba moki bue lumukutiri?» ³⁴ Aba musamini «fuumu ke yi nzala diawu.» ³⁵ Aba dinati ku Yesu abasi bikuutu biawu ataana muana di meme abamumatisi Yesu. ³⁶ Bu ba yantiki ku kue ba mono bikuutu biawu mu nzili. ³⁷ Bu ba turi ku mala, kumivili, bisari biabiso abi yanti ku kumusu Nzaami mu ndingi zulu mu diama di bisala binene ba moni. ³⁸ Ba moki buabu : « Kasakamaka fuumu wisi musini di Yesu! ngeme kuzulu kiesi mubifulu bi zulu.» ³⁹ Ndama bafalasayi ba bifulubini abamusami : «Mu longi yantakala bisari biaka.» ⁴⁰ Yesu aka ba vutiri : «Yilusamini oho bamanghi ku ngimini matari ma ngingimisi!» ⁴¹ Bu kue Yesu aka pusini ku mbele ahata, abayantiki ku mu dilili. ⁴² A ka moki : «Oho kari nieki mubilumu bi bimibi kaakala mu ngeme yaka! kaansi bisuekimi ku mese maka.» ⁴³ Bilumu bikuisi ba mbeni baka batimi bulu dinene ba tunghu nzô nene mu diama di kuku manasa. ⁴⁴ Buku tiakese ngeso siki bafeti mana baata baka mu kaati nge ka basisi tari di mosiki akifulu kiani.» ⁴⁵ Yesu aka koti mu nzô Nzaami aka yantiki kukulu baba tekuwu. ⁴⁶ Muku basamana : «Kusonimi, nzô me ye nzô bisama kaansi bene luyi kumisi kifulu ki befi.» ⁴⁷ Siki Yesu ka longhi bi lumu biabiso mu nzô Nzaami ba fuumu baba ngangha ba Nzaami yi banbutu ba misikiyi baata ba nene baba yuda bidinghi nzili kumu ohono. ⁴⁸ Kaansi kaka zayiki kii ndenghe ka leni sadiama baata babaso bamulani yi ngeme yayiso.