¹ Yesu aasamini ku milonghiki miani :«Kue yi maama makaka mutunatana masumu, kaansi kiari kinghi ku maama ba kuisili! ² Kue ku mboti bamu kangha tari di nene mutshinghi bunu baluso mu nzari nene, akifulu baka buisi mutu mosi wu kohono zaya maama ma meghi. ³ Lukebe beene! o kibuti kiaka wu kusari ndinghi mbi, musonghono mbi yini kasari nde o ndimi ku bunghunu mbunu, mulisi ku nde. ⁴ O kasarimbi mikala tshambuari mukilumu moko bunu o wesi vutuku mu diama dikuku samini : " ku nge nguili kiari" bunu wu mulimisi!» ⁵ Batuhumu abasamini ku mfumu : «Yerisi ku ndimi ku beete.» ⁶ Mfumu akaba vuturi : «Luyini kundimi kue bonso keheni yini batela Seneve, o ku ndimi ku beene ku kari yi ngolo, bonso keheni yi keheke, nga lumokeni kumuti katajka akifulu ki ndawe peme ku nzari" bunu nga yi lukatoso ku toso. ⁷ Kaansi lu yinene te, o mutu mosi mukahati beene ke yi mutu yi mutu ani wu kisala wu sala ku biala biani tio kakenghena ma meme, nki ndenghe bakala we nde yi mutu ani wu kisala? mutangha kutuka mutu kisala ku biala, kamusamana ke ya wisi kisasa, wu nieke wu dia? ⁸ Kaansi kamusamuna, ume nzori yi dia, ndamana bimi, vuata milele miki sala ye ngirikiri mese. bunu kunimi ngisi lene dia ye kunua?" ⁹ Nde kari wu muhée merci ku mutu kisala mu diama kari tosi mandinghi mande? kahata kimi. ¹⁰ Kue ndenghe mosi yi beene, mutaangha lusala maama maso kulu tuhumi, luzonso : " beete baso tue baata bakisala, tusari kisala kibetikibeki."» ¹¹ Bonso kayini ku yilusalemi, ka lutu a kati kati ndama tshi yi samarie yi galile. ¹² Mutaangha kakato mu ahaata di mosi, baata kumi kari yi kimbefe ki maba abesi mu diama ba monene yinde; bawu abaterimi kundama tahama nde. ¹³ Bunu aba yantiki ku bokene, «Yesu, mulonghi, tufuili kiari ku beete!» ¹⁴ Akaba moni ye akamoki; «lue luki songhono ku kue bangaaha Nzaami.» Bunu batala niti beene, mutangaana ba kue bakala babiki. ¹⁵ Mu kahati bawu mosi bawu bu kamoni ke akabiki, akayantiki, ku kumi Nzaami mu ndinghi ngolo. ¹⁶ Akafukumi ku mala ma Yesu, ye akamuhée matondo. kakari mosi wuSamari. ¹⁷ Bunu akavutiri mvutu, Yesu akamoki : «Babaso ba kumi kababa biki ke? abe baata vua bakaka? ¹⁸ Kaka wawu wesi mu diama di kuvutule munbzesi wu?» ¹⁹ Kunimi nde akamusamini : «Teleme nge bunu ndawe; kundimi kuaku kua kukubikisi.» ²⁰ Babakaka ba Falisayi aba huiri ku Yesu ki taangha ku kuisi ki mfumu ki Nzaami, Yesu akaba vutiri ye akabasamini : «Ki mfumu ki Nzaami kikuisi kahata kidimi kisongho mu diama di kuisili nde. ²¹ Kabaleneke kana kuzonso. " ke tala buabu!" to tala kuana!" mu diama lutala, ki mfumu-ki Nzaami ku mukahati beete.» ²² Akasamini ku milonghiki : «Mu bilumu bikuisi beene lukala yi ku mono muana mutu, kaansi lumumonoko. ²³ Kunimi akabasamini luyantaka ku samana nde a wu! to awuna akuna! " kaansi kalueke kuana ye kalu banaka bawu; ²⁴ Mu diama, bonso ku tuka nzasi ku zulu ye kamonisa muteme bifulu biabiso bunu muana mutu ka kuisi bunubuana mu kilumu. ²⁵ Kaansi teete, kafuani kamono pahasi yinghi bunu baata ba taanghi yi bafuete mu mangha. ²⁶ Bonso ku kuisi kilumu kimowa bunu ku kala bunu buana kilumu ku kuisi muana mutu. ²⁷ Bakari badia, ye bakari banua, ye kari bakuele bunu kari babutu bana ye ba kuerisi, yi kunu kilumu kukoti mawa mu nzasa bunu masakari mesi tebe mutshi yayiso ye baata babaso kari ba fihi. ²⁸ Kukala bonso mutaanga Loti, baata bakari ba dia, ye kari banua; kari ba sumu, kari bateke ye kari ba kunu bunu kari ba tunghu yi manzo. ²⁹ Kaansi kilumu kutuki Loti ku Sodomo, nde kari nokisi mvulu mbawu bunu baata babaso kari bahi? ³⁰ Kukala ndengehe mosi mu kilumu ku kuisi muana mutu. ³¹ Mu kilumu kini, mutu wu kala ku tsheke kakoto mo nzô, mu diama dikubongho bimi bunu mutu wu kala ku biala ka vutuku ku ku nzuani. ³² Luyinine te mukehete Loti. ³³ Mutu wu dinghi ku bikisi moyo ani kafete larise moyo, kaansi wu larisi moyo nde kamu bibikisi moyo ani. ³⁴ Me yi lusamini, mupibi leleki; goho baata bolo baleki kiana kimosi, mu pibi munu babongho mutu mosi ye mutu wu kaka kasasala. ³⁵ Kukala yi ba kehete bolo baniki Mudre kifulu kimosi, ba bongho mu kehete mosi ye basisi mu kehete mosi. ³⁶ (Kukala yi bayakala bolo bakala kubiala babongho yakala mosi ye wu kaka bamu sisisi.) ³⁷ Bawu aba mu huiri : «Okue, mfumu?» akue kulutili maama mana : «a kifulu kue mvumi, kuana dikaka mvumi.»