¹ Yesu akasamini ku ba ntumu : «Mutu mosi ukari ye ki mvuama, kakarisi ye Kapiti mosi, abesi ku mu funu kapiti ndee ka pebisi wu bimi biaani paama-paama. ² Ibunu mvuama aka muteri Kapiti aka musamini : " ki maama yiwi basamini mu diama di ngee? yawisi paa kimbangi kiakiso tukuleleki ngee kisala a kifi." ³ kapiti aka yantiki ku aonso ndee kibeniki : "ki feti sala mee mulongi mee aka kateri mu kisala ki Kapita? mee ngie yi ngoolo ko yi ku timi ma bulu yi wawu nsoni mu kualomawu bimi. ⁴ Aa! nzayi kini yisala. ifeti sepirisi baata mukusa ndee bawu ba mbaka ku mboti mu ma nzô mawu taanga sayikata mukisala." ⁵ Ibunu akateri baata ba baaso bakari yi ma mfuku ma mfumu. Akayuri kumutu wu teete buabu : «Ngee we ifuku iku kuwe mfumu? ⁶ Mutu wunu akavuturi : " ma tono nkama ma maasi ma Olive.» a ka musamini: " bongoo kilapi kiaaka nieke agaaha ngee mutini, soniki makumatana." ⁷ Kapiti akasamini kuwe mutu kaka : 'kua wu feti mu gaaha" aka musamini : "ma tono nkama ma masisi" aka musamini" boongo mu kaua sobo kumi yi naana. ⁸ Mulongi a kayantiki ku kumisi Kapiti wunu samini Kapiti wunu wumbi, mu diama di ngaaha ni yini, akasamini : baata ba sosawu kimvuama kinsimu toto, ba salawu maama mawumu ngaaha, baluti kutu baata babi tabuisawu mukierike. ⁹ Yesu akayiki, mee yi lusamini kuwe beene : nzimi kayiwunu baata beengihi kaansi beene lusalawu mu kisadisi, ba kuene, taangaha ku wua, bawu sa balu yama beene mu gaahata di mvulu yi mvu. ¹⁰ Mutu ba sila mbunu mu maama ma keeke deesi wu basila mbunu mu maama ma nene, mutu ba nkoono sawu mbunu mu maama ma keeke, ba musilakasi mbunu mu maama ma nene. ¹¹ Go kabalusile mbunu ku mu nzimi yi wu naawu baata, naa wulu gaa beene kimvuama kikierike? ¹² Go ka balene kusiki beene mbunu ku mu bimi bi baata baakaka bue Nzaami kalene kulugaa kimvuama kikalusue keri ku beene? ¹³ Mutu mosiki leene sarili ba milongi booba mbala mosi, u mue, u magaaha mosi utamene u mosi, kaluleene sarili Nzaami ki go lukike buengi mu maama ma nzimi.» ¹⁴ Ba falisayi bawi maama mana, ba zoriwu nzimi buengihi, bawu abayatiki kuseye Yesu. ¹⁵ Yesu aka basamini : «Beene lu kisongooko amese ma baata ke lue baata ba mboti kaansi Nzaami zayi ma mbunu ma beene luzaya maama ba mona baata maama ma nene Nzaami ka mona maama ma keheke. ¹⁶ Nzaami kagaawu baata baani misiki mi Mose malongi ma ba mibikiri kaansi tu ku taangaha Yoani mu botiki ba sakiri wu nsaangaha yi mbote yi Nzaami, kazori kasa ki mfumu kiani, kaansi mutu nde so usaki kikese ka kumu mutu udee mu kusa kakotoo. ¹⁷ Kaansi kue paasiki zulu ye mutoto kilutu kifulu ki mukue i minsiki kamifuaneneke. ¹⁸ Mutu ndeso gooni loongoho yi mu keet'ani wini we kuele u kaka kate bizumu, mutu ndeso kueri mu keete gooni longoho ku yakala diaani kateewu bizumu. ¹⁹ Kukari ye mutu mosi wu mvuama ka vuatiwu milele mi lukumu ka seperi wu koonso kilumu mu ki mvuama kiani. ²⁰ Ku kari yi mutu mosi zini diani Lazari kakari lekiwu a muele niti'ani ikari mbasi-mabasi. ²¹ Kakari sosos bimi bikudia, bibi buiwu ku nsi mese di mvuama, kukari yi ba mbua ba mu heuiwu ma mbasi. ²² Kuisi ku mu mutu Ululomo a kesee fua, aba mubati ku ba wanzio ku gaahata di Abalami. mvuama si akafi aba mu ziki. ²³ Mu kilumu kiba fua, kari ba mu tungihisi. Akaterimisi mesee, akamoni ku ntaama Abalami yi Lazari a ntulu dee. ²⁴ Aka bo keri a ka moki: "Tata Abalami wu mfuili kiari ku me, wu mutumu Lazari, ka ndongoo no di tosidi masa mu muleme ani, yi lemisilulaka, mudiaama me ngie ku mbawu. ²⁵ Kaansi Abalami, akamuvutiri: "Muana mee, kaniseete taangaha u kari kimoyo, ngee ukari ye bimi bimboti yi Lazari u kari mu luzingi lu mbi. Butuebu de kemu kiese agaaha, yi ngee we mu paasi. ²⁶ Abu ngee monike, di bulu di mosi di ndaa di ka bisi beene yi beete idiadini, baata ba sori kukataka ku ntue beete mu kukuisi kua kunu kuwe beene. ²⁷ Mvuama aka basamini : «Taata gookue bua bunu, yi lu dodod kolo, lu mutumu Lazari kuwe kaana di mee, ²⁸ Mu diama isisi bibuti bimee biabi taana, bawu ka beese ke ku wemee me ngiee kifulu ki paasi."» ²⁹ Kaansi Abalami akavutiri : "Bibuti biaka ba zayi minsiki mi mose yi malongi ma ba ngusu ba zitisi mawu. ³⁰ Muama akasamini : " Nkata taata Abalami, maamana kama fuaniniki, kaansi goo kue yi mutu mosi goofi owini ku weni kuwe bawu, sa babalala mbunu. ³¹ Kaansi Abalami aka mu vuteri dee: Kaansi, goo kabazori ku wiliki mose yi ba ngusu, ka baleene ku taamene di kaka ka kana mutu fua leene futumuku."