¹ Ku nimi maama mana, Yesu akeni ku ndaama nzari nene yi Galileyi dikaka ba tela wu Tiberiyadi. ² Ki buki ki bahata ki nene ki mu lana diama bahata kari ba mono bidinu kasari nde kuba mbefe. ³ Yesu akeni ku lweke lu lama aka nieki yi milongiki miani. ⁴ Paki, mu kinsi ba Yudu kakari Fitiki ni wu. ⁵ Bu nu kari, Yesu aka zaangi mese aka moni kibuki ki bahata ki yisi wu ku kwe nde, aka moki ku Filipi : A kue tu ke sumu mapa, muku dikiki buki ki bahata ba? ⁶ Kaansi Yesu ka moki bwabunu muku meke Filipi diama nde kibeni ki kari zayi maka fwete sala. ⁷ Filipi aka mu vutiri : Kahama zolo yi bibene ka ifwanaka muku sumu mapa mukusa vo konso mutu ka bongo keti ndaama. ⁸ Mosi u milongiki, nderi mu lekeu simoni Pieri, aka moki ku Yesu: ⁹ Gaha gaha kwe i mwana yakala mosi we i mapa matana (5) yi ba mbisi bolo (2), kaansi keti sa kufwana i ki buki ki nene-nene ki? ¹⁰ Yesu aka moki : Luniekiese bahata cakifulu kini ku kari bititi biingi idini bahata aba nieki, bakari miri mitaana. ¹¹ Bunu Yesu aka bongi bitini bi mapa, ku nimi ka vutiri matono ku Nzaami, nde aka kabisi ku bahata ba kari ba nieke. Nde aka kabi di kaka kitese kimosi ba mbisi ku bahata baba zori. ¹² Bunu bahata kari ba wukiti, nde aka moki ku milongiki : Luvu ku bitini bi mapa bisari muku sa vo ka bi bebe ke. ¹³ Bawu aba toti yi ku fulese bitungu kumi i biolo bi mapa bisari buku di bahata. ¹⁴ Bunu, bahata buba moni bi dimi bini kasari nde, bawu aba moki: Mutu wu ke kibeni kieri mubikiri u kwisi mu tsi. ¹⁵ Bunu Yesu buka lungisi bwa bunu vo ba wu kayisi mu ku mukaanga mu ngolo muku kitili totolo, nde aka tini kw'ani mu kahala u zori nde kaka, ku laama. ¹⁶ Bunu ko kolo bu ifuani, milongoki a mi kurimi ku ku ndama nzari nene. ¹⁷ Ba wu aba nati mubwata, abasa bi nzari abeni ku Kapernaum. ku kari pihibi mu tahanga, Yesu kaka yisi ki ku kwe ba wu. ¹⁸ Mupepe mosi ungolo aka terimi, nzari nene ayi nikini. ¹⁹ Ku nimi milongoki a mi turi a mbele tseke nzari, ba moni Yesu ukwisi a taana masa ku ndaama ku kari bwata diawu, bawu aba moni moyo. ²⁰ Kuhumu ya yiso, nde kaba mokini: Kwe me! luka kahata moyo. ²¹ Bazori ba mukotosomu bwata kaansi mbala mosi bwata abu terimi mu tsi kufulu bayini wu. ²² Kilumu kilani, kibuki ki bahata kisari simi nzari nene aki moni vo kahata bwata bu kaka bu kari, kaka bunu ku kari Yesu yi milongongiki miani, kaansi milongi ki mi yini mia kaka. ²³ Kihingi, ku kari yi ma bwata makaka maturi ku tiberiabi a mbele kifulu bawu badi mapa ku nimi ubu mfumu kavutiri matono. ²⁴ Bunu ki buki ki bahata buki moni ubu kaani Yesu kaani milongiki miani ka mi kari ki gaha gahana, bahata bana a ba mati mu mabwata, abeni ku Kapernaum mu ku dingi Yesu. ²⁵ Ku nimi ba mu moni ku lueke nzari nene aba mu mokini : Mulongi, kihi tahanga nge wisi gaha-gaha? ²⁶ Yesu aka ba vutiri mvutu ako moki : Mu kieriki, mu kieriki, beene lu ndingi, kahata ka ubuku kari lumoni bimaanga kaansi kulu di mapa ubu alufuri. ²⁷ Luyamene mu kusala mu diama di ma dia ma beba ka, kaans lusala wu mu diama di madia ma zingisa wumu idiama di luzingi lu mvu i mvu ubu mwana mutu ka lene lu gaha, diama Nzaami taata u si kidimi ataana nde. ²⁸ Bunu bawu aba munokini : Bwe tu fwete sala mukusa vo beete tusala kisala ki Nzaami? ²⁹ Yesu aka ba vutiri mvutu : Lutala kisala ki Nzaami : kwe beene lukwuikili ku we mutu katumi nde. ³⁰ Bunu bawu aba mu mokini : Kihi ki maanga usala-nge mukusa vo beete tu mono ubu beete tu kwikili mu nge? kihi usala-nge? ³¹ Ba taata ba beete ba di mani mu tseke yumu, bonso buku sonimi : Nde aka ba gehe mapa matuki ku zulu ba dia. ³² Bunu Yesu aka vutiri mvutu : Mukieriki kieri, ku kari Mose ulu gehe mapa matu ki ku zulu, kaansi taat'ama ulu gaha mapa makieriki ki matuki ku zulu. ³³ Diama mapa ma Nzaami e mutu u kulumu ku ku zulu, u kwisi nata luzingi a tsi mutoto. ³⁴ Bunu aba mumokini : Mfumu, tuu gaha beete mapa -mana. ³⁵ Yesu aka ba gehe mvutu : Me ngie mapa matuki ku zulu, mutu ndeso wisi ku kwe me ka kala nzala ka, konso mutu kwikiri mume kawa nzala masaka. ³⁶ Kahala ya yiso, me i lu mokini : Beene me lu mbono kaansi ka lu kwikila ka. ³⁷ Babaso ubu taata u pee ba kwisi ku me, me i ba losoko kibeni, kosno unu u kwisi ku me. ³⁸ Diama me tuhuki ku zulu, ka muku sala lu zolo lwama ka, kaansi luzolo lu u n'tuhumi. ³⁹ Lutala luzolo lu n'tuhumi, vo kamvirisi ki kaani mutu mosi ku bahata ba ka pee, kaansi iba futumu ki tsi ku. ⁴⁰ Lualunu lu zolo lu taata, vo konso mutu moni mwanakwikiri mu nde ke i lu zingi lu mvu i mvu bunu me sa i mufutumu kilumu ki tshuku. ⁴¹ Ba mbutu baba Yudu aba yantiki ku bokoto mu diama di nde buka moki : Me ngie mapa matuki ku zulu. Ba wu aba moki: ⁴² Ka nde ke Yesu, mwana Yozefi, ubu beete tu zayi taat'ani yi gudiani? kihi mutini nde ka moki : Me tuki ku zulu? ⁴³ Yesu aka ba vutiri ku ba mokono : Luyamana ku boko akahati ki beene. ⁴⁴ Kahata mutu lene kwisi ku me vo taata u tuhumi me u mukoki, me saa i mufutumu mu kilumu kitsuku. ⁴⁵ Ku sonimi ku mibikiri : Babaso si baka bolongoko ku Nzaami. Mutu ndeso wi ye laani ku taata kesi ku kwe me. ⁴⁶ Kahata mutu u moni taata, kaka u mu zayi mutu u tuki ku Nzaami; nde u mu moni. ⁴⁷ Kieriki kieriki, mutu kwikiri nde ke i luzingi lu mvu i mvu. ⁴⁸ Me ngie mapa ma moyo. ⁴⁹ Ba taata ba beene ba di mane ku tseke yumu, bawu bafii. ⁵⁰ Diadi die dipa di tuki ku zulu, mukusa vo, goho mutu di dipa di kaka fwaka. ⁵¹ Me ngie dipa di moyo di tuki ku zulwe goho mu di dipa di, nde ka zingi bilu mu bia biso. Dipa ilu gaha me kwe niti me mu diama di tsi mu toto. ⁵² Ba Yudu abesi ngansi bayi-bawu aba yantiki kusa paaka yi kumoko : Ki mutini mutu wu ka fwe te tu gaha ni t'ani tu dia? ⁵³ Bunu Yesu akaba mokini : Mu kieri-kieri, kaani vo beeni kaludiki niti mwana uba ka lu nuiki menge ma'ani, beene ka lu kala kayi lu zingi mu beene-kibeni ki. ⁵⁴ Konso utu u dia niti me ye u nua menge ma me kaba luzingi lu mvu i mvu, me saa i mufutumu mu kilumu kitsuki. ⁵⁵ Diama niti me ye madia ma mboti, menge ma me malafu makieriki. ⁵⁶ Mutu di niti me ye nui menge ma me kazingawu mu me, me mu nde. ⁵⁷ Bonso kwe taata u moyo u tuhumi me, me i zinga wu mu diama di taata, idini konso mutu di niti me ka zingi siki mu diama di me. ⁵⁸ Diadi die dipa di tuki ku zulu, ka die ke bonso i kudi ba taata beene ba wu bafi. mutu u dia dipa di ka zingi ki maso. ⁵⁹ Yesu ka moki maama-ma mu nzô Nzaami, buka longi wu ku Kapernaum. ⁶⁰ Bunu milongiki miana bu mi wi bwa bunu, a mi moki : Malongi ma me ngolo, na u lene matamene? ⁶¹ Yesu, bu kazayi mu nde kibeni ki vo milongiki miani mibokoto mu bwabunu, nde aka moki : Yayini i lu betisi kia? ⁶² Goho beene lu moni mwana mutu tohomi aka kari teeke? ⁶³ Kwe pehefe i gaha wu luzingi niti i baka kimi ki. Ma ndingi ilu mokini me, mawu me pehefe yi moyo. ⁶⁴ Kaansi, kwe mu kahati kibene kwe i bahata ba kuhunu kwikili. Diama Yesu zayi tuku lu yantiki bahata ba kuhuni kwikila wu ye ba ba zori ba mu teke. ⁶⁵ Nde aka moki : Idini diana me i lu mokini vo kahata mutu lene kwisi ku me goho taata ka mutumi ki. ⁶⁶ Ku nimi ya yini, milongiki miani mingi mi mu laani ki ye miyini nzili mosi ki nde. ⁶⁷ Yesu aka moki ku ba kumi i zolo (12): Luzori-beene siki lwene kwene siki? ⁶⁸ Simoni Pieri a ka muvutiri mvutu : Mfumu, ku nâa, beete tukwe? Nge we yi mandingi me yi moyo lu mvu i mvu lukohoni tshuku. ⁶⁹ Beete tukwikiri ye beete tu zayi vo nge we mu sante u Nzaami. ⁷⁰ Yesu aka ba mokini : Keti ka me ke ulu sori beene kumi i zolo, bunu mosi u beene ke mefu? ⁷¹ Nde ka moki bwana ku Yudasi, mwana si moni Sikarioti, diama nde mosi u kuni i zolo uzori ku teke Yesu.