¹ Kunimi mama mana Yesu akasabiki ku Galileyi diama kakazoriki kikue ku Jude diama bayudu ba dingi bamu ohono. ² Bu tubu feti di bayudu yi tabernakele adi fuani. ³ Bunu bibuti abimusamini : Kaataka kifulu kini ndawene diama bisari biaka bizaya bisala wu sari. ⁴ Kaata mutu wusari mu diama di nde kibeniki kazori kaki songi boso bisari bisala binene zori bakuzaya yisongho ku mese ma bahata babaso. ⁵ Diama keni bibuti biani kabi mundimiki. ⁶ Yesu aka basamini taanga me kayi fuaniki kaansi yi beene ayi fuana. ⁷ Bahata ba tsi kaba luyiniki kaansi me ba ngingini diama yisamini mama mambi basala. ⁸ Lutomiki ku feti me nzoriki feti dini diama taangama yi kini kayi fuaniki. ⁹ Kunimi kuba samene buana asari ku Galileyi. ¹⁰ Kaansi bu kwini bu buti buani ndesiki akabalani kaansi bahata kabamu moniki kayini muki tsueke. ¹¹ Ba Yudu akamu dingi kufeti, akamusami : Awe nge? ¹² Ku kari yiki nzonsi akibuki mudiama di nde bana bamoki mutu mboti babakaka kaata ka nuanasa bahata. ¹³ Kaansi kaata mutu wu zonsi bu mboti mudiama di nde diama di moyo ba Yudu. ¹⁴ Ku kaati feti Yesu aka koti ku nzô Nzaami aka yantiki kuteye. ¹⁵ Ba Yuda aba yantiki ku moko : kii ndenge mutu wu kazayi bwingi? kaka mwana longoko. ¹⁶ Yesu aka moki : Fumumu kawu me kakaka kaansi yi wuwu tumi. ¹⁷ Oho mutu kazori kasala luzolo luani, kazaya malongi ma oho matuki ku Nzaami, to yi zonsi me kibeniki. ¹⁸ Wu ki zonsola ndeki beniki ka dinga lukumu luanawuwu dinga lukumu luwumutumi ke mutu mboti mu nde kaata ku ehe ngeme. ¹⁹ Mose kaka lu ehe misiki? kaata mutu mukaati bene wu sueka musiki mu diama di kii luzori lu poono? ²⁰ Bahata abamu vutiri we yi mufu mosi wu zori ka ku ohono. ²¹ Yesu aka ba vutiri mvutu akamoki : Me atsari kisala ki nene beene aluyitiki mamaso mu diaa di buana. ²² Mose kari wu lu ehe kuzenge ngenge ka Mose kaka kaansi yi bambutu ba taana siki kilumu kilumingi luzenge ngenge yakala. ²³ Oho mutu bangengi musutu kilumu kilumingi mukusa musiki moyisi Mose kaka berbeke mudiama di kii lukala yi kaansi ku me : diama mbikisi bumboti mu kilumu ki lumingi? ²⁴ Lu yeke kutala mama mu ndenge lumoni beene ku mese katala mu ndenge makieriki. ²⁵ Ndama bahata ba yelusaleme abamusamini : Nge we ka wu ba dingiki ba ohone? ²⁶ Tala aka moki : Makieriki ka ba musamini kimiki. Biki ka kue paasiki ni bambutu bazaya kekibeni Klistu. ²⁷ Tu yuri kueka tuki mutu wu. Kaansi buku kuisi Klistu kaata mutu wuzaya kue ka tuki. ²⁸ Buka koti mu nzô Nzaami akayantiki ku teye aka ba u yuri ndingi zulu lunzayi me? Luzayi kue tuki? Nga ngisi meki benikiki mutu wu tuumi yi nde mekieriki ka lumuzayiki? ²⁹ Yi muzayi tuki ku kue nde nde wu tumi. ³⁰ Abameki bamu baka kaansi kaata mu wuleni kumusa koko diama taangani kafuaniti. ³¹ Ba benge muki buki aba yantiki ku ahata bamoko: Taanga ku kuisi Klistu ku kala yi bi dimi kii ndeenge wawu ka koono songo? ³² Bafalasayi aba wi kii buki ki nguinikini mama ma mu diama Yesu yi bafumu yi bafalasayi abatumi abatumi bahata balete baba baka. ³³ Bunu Yesu aka moki: Bunu ngie yi bene mu ndama taanga kunimi ayi kue kuwu tumi. ³⁴ Lu ndingi kaansi kalu mbonoko, kuyi kala ka lu kala yi ngolo ku kumuku. ³⁵ Ba Yudu bamoko bawuyi bawu kue ka kaka mutu wu? tu koono lene beete kumu mono? kakala mukaati besi Greki mudiama lu longo bawu Greki? ³⁶ Kii kusongini mundingi yi : Lu ndingi kalumbonoko ku yi kaa kalu kala yi ngolo ku mbonoko? ³⁷ Bunu kutsuku kilumuki nene kifeti Yesu aka terimi muku ngata : oho mutu ke yi nzala kunuakese kume siki kanua. ³⁸ Wuwe yi lu kuili mu me bunu ku moki bisoni mitana mi Nzaami mie masa makunua. ³⁹ Kamoki buana mudiaa di pehefe Nzaami bahata baba mutamene si babaka mu taanga yini pehefe kayikiyisiriki diama Yesu kaka bakiki lutumu luani. ⁴⁰ Ndaama kibuki buba wi mama mana aba moki : Wawu ke keriki ki beni Klisto. ⁴¹ Kaansi babakaka bamoki : Kiki beeni Klisto. Baba kaka aba moki ku Galileyi ka kwisi Klisto? ⁴² Bisoni ka bi mokiki ni Klistu ka kuisili mu nzili Daviri, wu beteleme ku gahata ku kari Daviri vo Klisto ka kwise? ⁴³ Ku kari mudiama di nde kibuki ki bahata aki kabini . ⁴⁴ Bahata ba kaka akahati bawu bazori ba mubaka kaansi kahata mutu oleni ku sa koko mu nde muku mubaka. ⁴⁵ Bunu bahata balete avutuki ku ba mfuumu yi ba falasayi gaha basamene mu diama di kii lu koono mu natawu? ⁴⁶ Bahata ba lete aba moki kaata mutu mana zonso bonso nde. ⁴⁷ Ba falisayi aba mu vutiri : Beene siki kari lu hunimi? ⁴⁸ Kue siki yi ba mfumu to ba falisayi ba kwikiri mu nde? ⁴⁹ Kaansi kibuki ki bahata koono zaya misiki kie ki lokomo! ⁵⁰ Nikodeme Mosi wu ba falasayi mu mono ndumi akamoki: ⁵¹ Mumisiki mi beete katuleni ahaka mutu ndolo okatumu wiki diama tuzaya yi kasari? ⁵² Aka mu vutiri akamo : We siki mutu Galileyi? dingi umono kaata mubikiri wu tuki ku Galileyi. ⁵³ Bunu mutu yi mutu aka vutiki ku nzo'ani.