¹ Kunimi maana, kukari i fete di bayuda bunu Yesu akato miki ku Yilusaleme. ² Yelusaleme dikari, ambele mbele dikiviki ki ma meme, kukari yi kiza kimosi kimasa mumu nua ba Ebolo batewu Bethesda bunu kukari yi mavanana matana. ³ Kibuki kibahata bakari ba malari, baba fi mese, bi tohomo, yi baba toriki mala bakari leke mu vanana dini bunu ba kingi wu yi kunu kunikene masa. ⁴ Mu diama wanzio mfumu kakurumiki tanga yi kaka mudiama di kuniekese masa. Konso mutu wu kulumuku mukiza mutu teeti à taanga ku niekene masa, ka bibiki, kana malari mamnde me ki ndenge. ⁵ Kukari, yi mutu yakala mosi wu nongi yi malari kasari mvulu makuma tata yi nâana (38). ⁶ Mutaanga ku moni Yesu leki bunu bukue kari wu muzayi ke nangi buingiyi malari, aka mu hiuri: Zori wu biki? ⁷ Mutu yakala malari akamu vutiri : Mulongi ngie yi mutu fuaniki ka kulumunu mu kiza aho masa manikini, mutaanga yi zolo yi kulu muku mutu kaka aka kurumiki. ⁸ Yesu akamusamini : Teleme nge, bongo kiana kiaka, bunu ndawe. ⁹ Mumbala mosi mutu yakala malari akabiki, akabongi kiana kiani bunu akeni. Mama mana masarimi mukilumu kilumingi. ¹⁰ Bayuda abasamin ku mutu wunu wu biki : Leleki kilumu kilumingi bunu lene nata kiana. ¹¹ Nde akavutiri : Mutu wunu umbikisi, katshanimi bongo kiana kiaka ndawe. ¹² Bawu aba muhiuri : Ma mutu wu kusamini bongo kiana kiaka bunu ndawe ? ¹³ Kaansi mutu wu wubiki kazayi mutu wu mubikisi ki mudiama Yesu kari koti akahati bahata ba kari ahâa. ¹⁴ Kunimi maana Yesu akamonini nde mu nzô Nzaami bunu akamusami : Tala, butuebu nge abiki ! kusala dikaka masumu ku, diama dimbi kadikulutiki. ¹⁵ Mutu wunu akeni ku kue Bayudu akasamini Yesu wu mbikisi me. ¹⁶ Mudiama ibuana, ba Yudu abayantiki kumulungisi kuyusu mu diama kasari diama dini mukilu ki lumingi. ¹⁷ Yesu akasamini ku bawu : Taata me kasala taanga yayiso bunu me dikaka yisala bonso nde. ¹⁸ Mudiama buana, bayuda badingi nzili mudiama di ku mu hôono ka mudiama kakano toso kulumu kilumingi ki, kaansi kamoki dikaka ke Nzaami ke taata ni libeni, bonso ke ndeso kafuanini ndenge mosi yi Nzaami. ¹⁹ Yesu akaba vutire : Miyilusami ; makieki le muana kasala kimiki mu ngolo nde kibeniki kaansi kasala maama makamona kukue taata ani, mudiama mamaso kusala taata muana sika wu sala. ²⁰ Mudiama taata zori muana idini kamuso ngona wu maama so kasala nde, diama kamusongono maama mama kaka mama luti mawu mubu nene, bunu luyiyi tiki mu diama dibuana. ²¹ Mudiama bonso kuvutula taata luzingi lu bahata bafi, bunu buana dikaka muana kahaa luzingi ku bakoziri nde. ²² Mu diama taata kasamasa mutu mosi ki, kaansi wuhe ki mfumu kiakiso ku moko ma muana musa kasamasa bahata. ²³ Kunimi taata kazori bahata babaso bakumisi muana bonso ndenge bakumisa taata. Mutu ndesowu kohôono ku isa muana ye ka mukumisiki taata wu mutumi. ²⁴ Me yilusamini makieri, bahata babaso bawa ndingi me, bunu baba kuikila ku mutu wu tuhumi ku me, be yiluzingi lumvuyi mvu. baba zengene ndoloko, kaansi baba kateri mu lufua ye babaki luzingi lumvuyi mvu ²⁵ Makieriki, miyilusami, taanga yi kuisi, bunu butuebu, bahata bafi bafete wa ndingi muana Nzaami bunu babawa ndingi nde bakala ye luzingi. ²⁶ Mu diama bonso kue luzingi lualuso lue ku moko ma taata, bunu nde wu masi ku moko ma muana. ²⁷ Bunu taata aka hêe ki mfumu ku muana mudiama di kusamisi Bahata mudiama ke muana mutu. ²⁸ Kaluyitiki ki, mudiama kue taanga yi kuisi bahata babaso baziki ku manziama a wawa ndingi nde bunu ba tutuku. ²⁹ Bahata babaso basari ma mbote bafufutumuku bakala mu luzingi, kaansi bahata babasari mbi ba fufutumuku mu diama di ku basamisi. ³⁰ Me lene tshala kimi kimosi ki mungolo me. Ndenge katshamini, me ye zinge wu maama ma bahata mundenge katshamini nde mu diama kayisalaka mu ndenge ama nzori. ³¹ Ohôo yi zonsi mu diama di kimbangi ki me kibeki, kimbangi kime kikala kipama. ³² Kaansi mutu kaka ka moka wu kimbangi mu diama di me bunu me nzayi ke kimbangi kini bamoka mu diama dime kieki makieriki. ³³ Beene lutumu bahata ku kue Yoane, bunu nde kasamini maama makieriki mu diama di me. ³⁴ Me yidingi ki ke bahata ba tshili kimbangi me tshamini buabu, kaansi me tshami buana mu diama me lubiki. ³⁵ Yoane kakari bonso muini wu periye kulemene, bunu beene lundima ku mono kiese mutaanga keheke lu kala yi muteme. ³⁶ Kaansi kimbangi ki me kiluti maama kusamini Yoane mudiama di me, mudiama bisalabi sari taata nde wupe ngolo musa vo yi fuanese, kua kusongini ke taata wu tuhumi. ³⁷ Taata wu tuhumi ku me ndekibeniki wu moki kimbangi mu diama di me. Kalusana waka ndingi nde lusana monoko luse lunde. ³⁸ Ma ndingi mande ikini kamalukotiri ki mu diama lumangi ku kuikili mutu wu katumi nde. ³⁹ Beene lutaanga mikana taanga yayiso lukitiri ke luyi bongono luzingi lumvu yi mvu, bunu diawu di lusamini mabasoniki mu diama diki mbangi ki me. ⁴⁰ Bunu beene luzori kukuisi ku ngie me mudiama di kubongo luzingi. ⁴¹ Me yi ndinga lukumu kukue bahata ka. ⁴² Kaansi nzayi ke beene lukaka yi luzolo di Nzaami ki ku ma mbunu ma beene. ⁴³ Me ngisi muzini di taata me, bunu beene luzori ku ngiamaka. Kaansi ohôo mutu wesi muzisi di nde kibeniki, beene ka lumuyama. ⁴⁴ Mu diama diki luzola ku kuikili ba kuene beene, beene luzola kukumisi ba kuene beene, kaansi kalumisi lukumu lulutuki ku Nzaami? ⁴⁵ Kaluyi yinini ke me yi lufufunu. Beene ku kue taata me, kukala yi mutu kaka wu lufunu ku beene, Mose nde ke mutu lusila beene mbunu. ⁴⁶ Kansi ohôo lukuikila Mose makieriki, ngasi luka zozolo ku kuiki ku ngi me mudiama kasoniki maana matari me. ⁴⁷ Kaansi bukue ke luzori ku kuikili ki maama kasoniki, ki ndenge lulene kuikili maama ma me?