¹ Bunu lutuehi ku ndumi mu kudindinghi malonghi maba mbutu katu vutikiliki malonghi mu nzili Yesu. Katu lene vutikiliki nzili yi malonghi mana : tu yamana bisala bitunatana mu lufua; yi mu kukuikili Nzaami. ² Mu kuzaya ki ndenghe balene botiki bahata ye mukuba sili moko. Ye muku zenghe maama mabawu kuakuso. ³ Tu sala maama ma buana te kunu kazolo Nzaami. ⁴ Mu diama kue yi pasi mubabaki muteheme, makaba makuzulu, ba sari kisala mu kipehefe, ⁵ Mu ndinghi nde, yi mungolo yi bakingini, ⁶ Kansi ku bababui, yi pasi mukubanata mu kubatukisi muluzinghi. Mudiama buana bamu gohoni muana mu kirusi tshoni ku mese mabata. ⁷ Mudiama mutoto wunokona mvulu kabuta miti mi mboti ku ba bakuni, babaka lusakumunu lutuki ku Nzaami. ⁸ Kansi o mibeti ma tshene, mutoto wunu ke wumbi, kusari ba keheke Nzaami kamiha ndolo. Ba fuete miyoko ku mbawu. ⁹ Ba kuene kana tulusamini buabu, behete tue yi mini yi maama ma mboti mama tala kubene. mu kubiki ku beene. ¹⁰ Mu diama Nzaami kaviriki bisala bi beene muzolo lu songhi muzini lulana kaka mu kuba salala. ¹¹ Bunu tuzori mutu ndeso mu kahati beene kasa ndami ti yi kunu tshuku, diama maama lusili mbunu masalama. ¹² Tu zoriki beene lukitiki bamolongati lukala balani ku ba baka balusilu munzili lukuikilu ye kukanga ku mbunu. ¹³ Mu diama Nzaami kari siri lusilu ku Abalayami, kari di ndefi mu zini di ndekibeniki, diama kahati mutu wu muluti. ¹⁴ Nde kasamini: " Ye kusalakamana makieriki, bunu yi kuhaa kana dinene kibeni." ¹⁵ Mungaha mboti, Abalayami di kabaki ma mboti bamusiri kunimi ku kangaha. ¹⁶ Mutangaha bazengaka ndefu bamonaka zini didiluti bawu mubunene, ye mu buana bamanisa pahaka yayiso. ¹⁷ Nzaami kazori kusongoho makieriki kabalalaka ngini nde kana bukeke, idini kazengihi ndefu mu diama pahaka kayikalaka ku baba fuani babaka ma mboti kaba siri. ¹⁸ Maama ma molo mazengihi ndefu kue mu diama di taangaha ya yiso mu diama Nzaami kalene hunu piaka. Buana beete tu kumi yi ngolo kibeni, tuyamana mamaso ye tusili mbunu diama tubakiri ma mboti mana. ¹⁹ Makieriki kivufu kini kie bonso kimi kikangaha nzansa (Masuwa), bunu dia disimi ma mbunu ma beete, butuebu tukue tii kifulu kusua Nzaami, kunimi kiviki kizuani. ²⁰ Yesu ukituriri kuana mu kutuyiriki nzili, wu sari ngaaha nene wu Nzaami kuakuso, mu ndongoho Melekisedeke.