¹ Idini, koonso nganga Nzaami nene ndeso ba sari a kahati ki bahata ke mutu nde ba musi muki sala ki Nzaami, mukusa ka gâha wu makaba yi mikayili mu diama di masumu. ² Nde leene kala i pili mboti ku bahata baba kuhunu zaya yi baba viri nzili. ³ Diama nde kibeni kesi mutu kohoni ngolo, ka fwete gaha teete mikayili yi makaba mudiama di masumu ma nde kibeni ki, boonso buka gaha mu diama di bahata. ⁴ Kahata mutu u ki saa wu akifulu kiki sari ki Nzaami, goho Nzaami nde kibeni kamu teriki boonso bu kukari Aloni. ⁵ Kitese kimosi, Klisto kaki geheki nde kibeni ki lukumu luku kitiki nganga Nzaami nene, kaansi nde ka simimi ku wu moki : «Nge wé mwana me, me i ku buti leleki.» ⁶ Boonso buka moki a kifulu ki kaka : « Nge we nganga Nzaami uki makulu mu ndoongo Melkisedek.» ⁷ Bu kakari a tsi mutoto, Yesu aka samini Nzaami mu ndingi ngolo yi ku tukusu matsanga ma bi sama yi ku samene ku Nzaami mubu lenfe ku nde u lene mu guhulusu mu lufwa, bunu Nzaami aka mu wisi mu diamadi luziti lwani. ⁸ Kaani nde kakari mwana Nzaami, muma paasi mamaso ka moni nde kari songini luziti luani ku Nzaami ⁹ Nde ku nimi kari Nzaami u mu tomini muku guhulusu bahata babso bazitisi Nzaami muku baka pulusu yi mvu yi mvu. ¹⁰ Nzaami u mu si nganga Nzaami mu nobongo Melkisedek. ¹¹ Beete twé i mengi muku moko atana maama kaansi kwé i maama ma paasi muku tenene, diama beene lusari yi bu molo mukusa luzaya. ¹² Beene tuku taama lu kaa kala milongi mi bahata ba kaka, kaansi lwé i nzola dikaka ba lu loongo malongi ma teete mu maama matari Nzaami. Beene ka lufwani ki muku dia bidia bu ngolo kaansi fwasi kaka balu gaha mayene. ¹³ Mutu ndeso u nua mayene ke mwana ndeene, kaka leene zayaka maamama kieriki yi mapia kahata. ¹⁴ Kaansi bidia bi ngolo to bi kubu bie mu diama di bahata ba yele ba fuete dia biawu, diama ba wu ba zayi ma mboti yi ma mbi.