¹ Nde Melsisedeki, totolo Salemi, nganga Nzaami u Nzaami ku zulu, u monini yi Abalmi buka vutiki wu ye nde aka musa kimini, ku nimi ku kari ibu wa wu aka zeengi malaka ma ba totolo. ³ Abalami aka mu gée kitini ki ndaama kumi ki bimi biani ka zioti. Zini diani «Melsisedeki» disongini «totolou masongo», ye dikaka «totolo u salemi», ku soongi «totolo ngeeme.» ² Nde kakari i taata ka, yi maama ka, yi ba kaaka ka, kaka zayi kini kulumu ki ku butu kuku, to buka fihi maansi nde nde kakari nganga Nzaami u konso taanga bonso muana Nzaami. ⁴ Bu twebu, lu mono ki ndenge mutu wunu kaka unene kaa keete Abalami aka ku gée ndaama kitini ku kumi ki bimi biani bi mboti ka boongi mu mviti. ⁵ Idini ba tekele ba Levi ba boongi mu kisala kinii kiki nganga Nzaami ba baki lutumu lu musiki u ko boonga wu bitini bi kumi ku bahata, ku kw" bibuti biawu ba Isaele, ka ani ku kwé ba tekele ba Abalami. ⁶ Kaansi milsisedeki we kakari mutekele u Levi ki nde akaboongi bitini kumi ku kwé Abalami yi ku musakamana, nde u kari yi ba lusili. ⁷ Ka kwé upâa kaka mutu u keeke ka kala u sakamana ku mutu u mbutu u musakimini. ⁸ Mu diadi, bahata baba fweti fwa baba boongo awu bitini bi kumi, kaansi kwé, mutu u boongi kitini kikumi nde ka fwete kala u, moyo bonso Melsisedeki. ⁹ Ku mokimi di kaka, Levi buka boongi wu bitini bi kumi, nde siki ka ye futa wu ku wé Abalami. ¹⁰ Diama Levi kakari mu kaati ki nimi yi kivumu kaaka ani Abalami mu taanga ka monini yi Melsisedeki. ¹¹ Bu twebu, gôo ku kitiki bu mboti kwé mu nzili kisala kiki nganga Nzaami ki Levi (diama bahata ba kari ku tsi musiki), kwé di kaka imfumu ka tuku dikaka nganga Nzaami mu ndoongo Melsisedeki, ka mu wu terimi mu ndoongo Aloni? ¹² Diama goho ba sobi kisala kiki nganga Nzaami musiki siki ka fwete kala u sobo. ¹³ Kaansi mutu u ba mokini maama ma nde ke mutu kaana di kaka, ubu mu kaana dini ke nde kaatu mutu kaka mana sala kisala ki nganga Nzaami a mese ba yoka wu mikayili. ¹⁴ Butwebu, kwe kibeni ibu u vo u beete mfumu nde ke mutu kaana di Yuda, kaana dié Moïsi ka mana zonsolo ba nganga Nzaami ki. ¹⁵ Betesiki tu moki dikaka kulutu, nganga Nzaami u kaka tuki u fwanikini yi Melsisedeki. ¹⁶ Nganga Nzaami upâaw u kaké mutu sari nganga Nzaami ki bonso musiki kaana di ki mutu, kaansi mu nzili kimfumu ki moyo u kuhunu beebe (ku fwa). ¹⁷ Diama kisono ki mutele ki mbangi : «Nge we nganga Nzaami u ki makulu mu ndoongo Melsisedeki.» ¹⁸ Diama ku wesene ku kuhulu, ku kaatiki diama ku kari ngolo kaata yi mfumu kaata. ¹⁹ Musiki kaka tomini mutu ku, kaansi kwé iki vufu ki mboti ki kwisi mu kiawu beete tupusene a mbele Nzaami. ²⁰ ki vufu ki mboti ki i kie mu nzili ku diandefe. Diama bahata bakaka ba kitiki ba nganga Nzaami ku kohono ku dia ndefe kaani mosi. ²¹ Kaansi didi tari wawu, Yesu, nde u sari nganga Nzaami i ndefe i musi mutu u mu mokini: «Mfumu u zeengi ndefe ye nde kaka lene balala ka: «Nge we nganga Nzaami uki mukulu.» ²² Idini, Yesu usari nga kuwisene ku mboti. ²³ Mu diama, lufwa lukari lukanga nzili ku ba nganga Nzaami ba bahata mu ku salala Nzaami kimakulu idini, kwé i ba nganga Nzaami babungi mosi ku nimi u kaka aka ihingini. ²⁴ Kaansi bukwé Yesu ka zinga wu ki makulu kisala kiani ki ki nganga Nzaami kaki lene soboko ye ka ki lene kata kaka yi kifwa. ²⁵ Ndesi keyi ngolo muku wuhulusu kibeni bahata ba pusini ku mbele Nzaami mu nde Yesu muku savo ba zingi kimakulu nde sa kasa mana mudiama di ba wu. ²⁶ Kwé bu mboti ku beete tukala i nganga Nzaami u bwabunu. Nde ka ke i disumu ku, kaata kifu u peemi, u gahamisini yi bahata ba masumu yinde usari u nene ku lutu mazulu. ²⁷ Yesuke bu kaka yi ba nganga Nzaami ba bahata, nde kake i nzala ku gaha koonso kilumu mikayili mu diama di masumu, teete mudiama di masumu ma nde kibeniki, ku nimi masumu ma bahata Yesu ka ki gehe i kusala mu kahala mosi mu nde kibeni ki. ²⁸ Idini musiki isi wu ba nganga Nzaami ba bahata kari sari u leme, kaansi ndingi i ndefe i tuki ku musiki, a isi mwana Nzaami nganga Nzaami u nene u mboti i kieri u kooni disumu u wé ki ma kulu yi mvu yi mvu.