¹ A ba kuene nzori yi lu samene di kaka tsanga mboti yi longi ku kue behene, yi lu tamini behene, ya siki lu sianimini ti leleki. ² Mu diama di tsanga yi nde lu biki, ho lu kangini yi mu hôho yi lu longi, okaata, la ndimi kuene mu pahama. ³ Tsanga yi luti nfunu yi lusamini, e kibeniki iyi baki: Kristo wu fi mu diama di masumu ma behete, buesi bunu masonimi mu mikana. ⁴ Ba muziki, bunu masonimi mu mikana. ⁵ Wu monikini ku kue Cephas, ku nimi ku kue batuhumu ba kumi izolo ba baso. ⁶ Wu monikini siki ku kuene ba kaka ba kakama tana (500) mukumi ya mosi. Ba bengi a kaati baa be bamoyo tii, lele kansi banankaka ba fi. ⁷ Bunu wu yisi monokono di kaka ku kue Jaki, ku nimi ku kue ba tuhumu ba baso. ⁸ Ku nimi ba bao, wu monikini ku kue-me, buesi ku muana ma tsombe. ⁹ Mu diama yi yisi kunimi ba tuhumu ba baso, ye ka mfuaniki ba tehele tuhumu, mu diama tahama ikari mutu iniokimi dibunu di Nzaami. ¹⁰ Kansi ongie kingie leleki mu kene Nzaami kaka, bunu kene yini ku kue-me ikari yi paamaka. Bunu, isari buingi ku lutu batuhumu ba baso; ka meke, kansi kene Nzaami ye yi-me. ¹¹ Dini diama, kukala me to bawu, yayi ye tsanga tulonga behete ya siki yi lu ndimi bene. ¹² Buku tobu, ho tulongo ni Klisto ufutumiki, ki ndenge bahata bana nkaka a kati kibene bazonsola ni bahata bafi, balenesa futumukuku? ¹³ Kansi ho bahata bafi ba lenisa futumukuku, Klisto siki ka futumikiki. ¹⁴ Ho siki Klisto ka futumikiki, malongi ma behete me ma pama, yi ku ndimi ku betekue ku pama. ¹⁵ Buana tusari tu hununu Nzaami mapia, mutiana tu samana ni nde wu mu futumini Klisto; kiiti ka mu futumini kuaniki. ¹⁶ Ho bahata bafi ba futumikiki, se ke Klisto siki ka futumikiki. ¹⁷ Ho Klisto ka futumikiki, kundimi ku bene kue ku poma bunu lue mu kaati masumu. ¹⁸ Bunu ba bafimu Klisto, ku sangi balari kimvimi. ¹⁹ Kansi ho tu mu sila Klisto mbunu mudiama di luzingi lu tsimu toto wu, si tu kala bahata ba kiari ku lutu ba baso. ²⁰ Kake buanaka, Klisto wu futumiki, nde ke mutu teheti ufutumiki akati bahata ba fua. ²¹ Mu diama, bukue lufua luyisi ku mutu mosi, kukue mutu mosi siki lufutumuku lu bafua. ²² Bu kue bahata ba baso bafuila mu diama ba tuki munzili Adam, ndenge mosi, bahata ba baso ba futumuku m diama be mu nzili Klisto. ²³ Kansi konso mutu ke ye taangani Klisto nde we mutu teheti, bahata ba Klisto ba mu lalana, kilumu ka vutuku nde. ²⁴ Bunu kilumu kitsuku inga ki kuisi; Klisto si ka bebese lukumu lua luso, kimfumu kiakiso, yi kikese kiakiso. Nde si ka vutulu kimfumu a moko Nzaami tata. ²⁵ Mu diam Klisto ka feti kala mu kumfumu tii ikunu Nzaami kasili ba mbeni bani ba baso ku tsi mala mani. ²⁶ Lufua lue mbeni tsuku ufua. ²⁷ Buesi bunu ba soniki << Nzaami usi biabiso kutsi kutsi mala mani>>. kabasaminiki ni, Nzaami wu muhê kimfumu ke nde kibenii ku tsi mala ma Klisto. ²⁸ Mu taanga Nzaami kasa bimi biabiso ku tsi mala ma Klisto, muana Nzaami nde kibeniki si ka kisa ku tsi Nzaami wu muhe kimfumu. Mu buana Nzaami sika kala mfumu ma maso. ²⁹ Lu yinini dikaka. Ku bene bahata banankaka badinga babaka mbotoko, akifulu ki bibuti bia bifi ba teheti mukusa ba baka . Bahata bana kii, ba dingi kibeni? ho makeriki, bahata bafua ba leni futumukuku, kii nfumu ba dingina mbotoko aki fulu ki-baa? ³⁰ Bunu mu diama di kii tu ki dingini konso taanga maama? ³¹ Keriki a ba kuene bama, konso kilumu ikala a mbele lufua. idini yi bula tulu mu diama di bene, mu kimvuki ki mfumuene Klisto Yesu. ³² Mulutu-me kii-nde kakala ho kaka mu maama ma ki mutu, mukini nene nduuani yi ba mbisi efefe ha, ho ba fua ka ba futumukuku? tusa kaka buesi bu basamini << tudia, tu nua, mu diama mbasi tufuafua.>> ³³ Ka lukihunuku: " ba kuene bambi, ba bebesa bikalala bi mboti bi banankaka." ³⁴ Lu vutukulu makansi ma mboti, mukusa ka lusala masumuku. Tsamini buana mukusa yi lumuese tsoni bahata bana akaati bene ba zayiki Nzaami. ³⁵ Kansi bana ba yiulu: " kii ndenge bahata ba fua ba futumuku? " kii niti ba kala ya? ³⁶ Lue ngangaka! ho kuni keni mu tsi fuani ifeti fua mu kusa yi tuku. ³⁷ Mu tohomo wu tuku wunu, ka nge wu mukuniki. Nge wu kumi keheni kaka yi loso to yi kimi ki kaka. ³⁸ Nzaami wu butusu keheni yini, bunu kazori nde. nde wu butusa konso yi ndengani. ³⁹ Misuni mia miso mie ndenge mosiki. Bahata be yi musunia; ba mbisi be yi musuni kaka, ba nuni musuni kaka, ba ngolo siki-be yi musuni wu ndenge kaka. ⁴⁰ Bimi bi zulu bie ndenge kaka yi bibi tsi. Mutmo bimi bi zulu ka fuaniniki yi mutomo bimi bi tsi. ⁴¹ Taanga ke yi ki toko kiani, ngoni siki yi kitoko kiani, ba bietete siki-be yi ki toko kia kindenge kaka, konso bietete ke yi ki toko kiani. ⁴² Bahata ba futumuku ba kala siki bunu buana . Kuziki niti mutu kue ndenge mosi yi ku kunu bunu muti: Niti yi feti bolo beheti mu tsi, ansi niti yi tuku ka yifua dikakaka. ⁴³ Ba kuna mu kiari kansi niti yi futumuka mu kiesi, bazika niti yi koni kikese kansi yi futumuka mu ki kese. ⁴⁴ Ba kuna niti ki nsuni, kansi yi futumuka yi kala yi niti kipehefi ho kue yi niti ki nsuni, zaya siki niti ki pehefi yi ya. ⁴⁵ Dini diama ba soniki mu diama di Adama mutu teheti kasari Nzaami "Nde wu kumi mu luzingi" kansi Klisto nde we Adama wu tsuku, kumi pehefi yi ha luzingi. ⁴⁶ Luzingi lu kipehefi lu yisi lu tehetiki, kansi luzingi lu kinsuni lu teheti, ku nimi lu zingi lu kipehefi. ⁴⁷ Adama mutu teheti Nzaami ka sari mu mutoto, nde ke mutu tsi yi. Kansi Klisto, Adama wu zori ka tuki ku zulu. ⁴⁸ Bahata banza bafuanini yi Adama, hu sarimi mu mutoto; Bahata ba zulu ba fuanini yi Klisto tuki ku zulu. ⁴⁹ Teheti bete tukari buesi mutu wu sarimi mu mutoto, ndenge mosi tu fuana kana yi mutu utuki kuzulu. ⁵⁰ A ba kuene bama, niti bete yi kinsuni ka yi leni kotoko mu kimfumu ki mazuli ki Nzaami, niti ibolo ka yi lene ba kaka luzingi lu mvu-yamvu. ⁵¹ Izori yi lusamene ma tsuekeme ma mosi: bete baso ka tufuaka, kansi behete baso tu so-soboko. ⁵² Mana ma salama mu kidibi, kilumu ki tsuku, taanga kelelo di tsuku di bulu. Mudiama kelelo bu dibulu bahata bafi ba fufutumuku, bunu si sa baka niti ikono bola di kaka; bunu bete bahata ba moyo tu kaka mu taanga yini, tu sosoboko. ⁵³ Mu diama niti behete yi, yi yirimi mu kusa yifua siki yi bolo, fuani yi soboko, mu kusa ka yi fua di kakaka ka yi bolo si kiki. ⁵⁴ Kansi niti yi beba taanga yi vuata yi kohono beba, bunu nitiyi yi fua taanga ivuata yi kohono fua, mu taanga yini si ku fuanakana maama ba soniki ni: " lufua lu sikimi mu kaati lunungu" ⁵⁵ "Alufua, a lue lu nungu lu nge? lufua, aye tumu-nge?" ⁵⁶ Tumu lufua ye, di sumu, bunu kikese ki kese ki di sumu musiki. ⁵⁷ Kansi tu vutulu Nzaami ma tono, u tuhe lu nuhu munzili mfumu mete Yesu Klisto ⁵⁸ Dini diama, ba kuene bama bazolo, lu sa ki kese mukusa ka lu buaka, lu kiha tanga ya yiso mu kisala ki mfumu. Luzaya ni pahasi yi lu moni muki sala ki mfumu ka yi kue pahamaka.