¹ Lufulu mu zolo, lukala yi kikese mu kudingi makaba ma kipehefi, ma mengi mukusa ni lu sakala tsanga ituki ku nde. ² Madiama, mutu wu zansi mudingi ngese, kazansi ku bataka, kansi ku Nzaami. Kahata mutu lenisa wa maama mande, mudiama kazonsi matsuekene ma ki pehefi. ³ Kansi mutu wu bikuri mateyi matuki ku pehefi, nde kazonsi ku bahata, mukusa ni kayelese kundimi ku baa, ku ba lenese yi ku ba katala kuari. ⁴ Mutu wu zonsi mu ndingi nzese, ka yerisi kundimi ku nde kuani ku dibunu dia diso. ⁵ Me nzori beene baso luzansa ma ndingi ma nzese kansi nzori bungi lu bikilaa, mu diama mutu wu bikiri luti wu zansi ndingi nzese. Ndingi nzese ye yi mboti hô kue yi mutu fuani ku yi bangana. ⁶ A ba kuene bama baba kehete yi ba yakala, hô mu mbana me ngisi ku kue beene yi luzonsolo mu ndingi nzese maama mana muki fuani ma lusungu? yi lu sungu hô mu mbama yi luteyi maama ma tuki mu ki pehefe, to yi lu samini ma tsuekene ma nde, to yi lunatini maama ma nganga to malongi. ⁷ Hô mu mbama, bi salala bi miziki buesi piololo to kidari, ni bi tukisi ndingi mosi, kii ndenge wu zayala mukungu wyimimi? ⁸ Ho kelelo basiki, ki purisi ukiyili mu ku muana kiimi? ⁹ Ndenge mosi siki yebeene, ho beene lu zonso ma ndingi ma nzese, kii ndenge muku kazayala tina di maama mabene? maama mana malutu kuani mu mupepe. ¹⁰ Ma ngingi ma bahata me ndenge yi yingi, bunu kaata ndingi yi koni ntina. ¹¹ Kansi ni mutu zonsi mu ndungi kono nzaya-me, meku ndumi mutu wunu tuki munzese, nde siki kukue me ka tuku munzese. ¹² Ndenge mosi yi bene, ba lu nuanini makaba ma ki pehefe, lu yi kikese, ludingi bungi makaba ma ma fuani kuyelese kundimi ku dibunu. ¹³ Dini diana, wu zansa mu ndingi nzese, a samana Nzaami mukusa songo ndenge fuani ka ba ngana ngingi yini. ¹⁴ Mu diama ho yisamana mu ndingi nzese, pehefi me yi samana siki, kansi ngini me ka yi saminiki. ¹⁵ Abu bue yisa? fuani mu taanga yi bonini to yi yimini mu kipehefe, fuani yi bonono to yi yimina siki mu ngini me. ¹⁶ Ho wu kumusu Nzaami kaka mu pehefi nge, ki ndenge ba kuene ba sili << Amen>> kono kuzaya ntina di ma wu zansi nge? ¹⁷ Kana kusamana ku nge ki ndenge kue kitoko, ka ku leni sa yeleseke kundimi ku mutu aka. ¹⁸ Pee Nzaami mersi mu diama yi lu luti bene baso mu ku zonso ma ndingi ma paa. ¹⁹ Kansi mu dibunu, yi zola yi zonso maama ma tana ma fuani ku sungu ba kuene, keyi zonso mafunu kumi ma maama mu ngingi nzese. ²⁰ A ba kuene bama ba yakala yi ba kehete, ka lukalaka bana ba ndene mu nguilene. Kansi lukala utu bana ba ndene mu ma mbi. Kansi lukala ba mbutu mu ngini. ²¹ Ma sonimi mu misiki ''si yi zonso ku bahata ba mu mandingi yi bivari bi ba nzese, ba si ba banatana tsanga me, kansi kana buana ka ba nguiliki.'' ²² Lu moni? kaba di ku zonso ma nding ma nzese die mu diama di bahata ba ndimaka, kansi mudiama di bahata ba koono ndima, kansi kaba diku bikili die mu diama di bahata ba koono ndimaka kansi mu diama di ba ndimi. ²³ Kansi ho dibunu dia diso di vukini, mutu ndeso mu di bunu yantiki ku zonso ma ndingi ma nzese, bunu bahata ba kunzili yi ba ba koono zaya Kristo bu bakoto mu dibunu ba bumono bibawuke? ²⁴ Kansi ho behene baso mu dibunu luyantiki ku bikili, bunu mutu mosi koni ku ndimi, to ka zayi Kristoko koti mu dibunu, kafeti mono ni ke mutu masumu mu maama ka wi. Maama ma kawi ma feti mu sango ni nde fuani mu ndolo; ²⁵ Ma suekeme ma mbunu nde ma feti monokono mu kipense, bunu ka feti fukumunu Nzaami kizisi mu tsi, bunu ka feti ha ki mbangi ni "Nzaami ke mu kaatiti bene" ²⁶ A ba kuene, ii ndenge lu fuani kusala? mu taanga lu kutukuna, ho mutu ke yi mukungu, dilongi, mbikululu yi ma tsuekeme ma Nzaami, ku sonsa ndingi nzese, to ku ba ngana ndingi nzese. ²⁷ Lusala ma maso mu diama di ku yele ku ku ndimi ku dibunu. ²⁸ Baata ba zori ku zonso ma ndingi ma nzese, ba kala bolo to ba tata ka ba lutu ba tata ka. Konso mutu ka zonsa mu taangani, mutu kaka ka bangana ma ba zonsi ba. ²⁹ Bahata bolo to ba tata ba fuani ku bikili, mu kusa ba lusari behene baso lu tala ma ba bikiri keti ma makeriki. ³⁰ Kansi ho mosi a kaatiba ba nieki Nzaami wu mu songi diama, mu taanga yini mutu wu kala zonso ka kanga munua ka yamana ku zonso. ³¹ Mutu yi mutu a kaati behene fuani ku bikili ho taangani yi fuani, mukusa mutu ndeso ka yekele ye ka baka ki kese. ³² Mu diama pehefi mibikuri yi tuarisama ku mibikuri. ³³ Mu diama Nzaami ka ke mutu mvalakanaka, kansi Nzaami ngeheme, buesi mu ma bunu ma maso ma ba santu. ³⁴ Ba kehete fuani ba kala na pili mu nzo Nzaami, mu diama ka ba baheki nzili ba zonso, kansi ba kala yi bulemfe buesi bunu ku samini misiki. ³⁵ Kansi ho bazori ba zikisi diama, ba fuani ba yiulu ku ba yakala bawu ku nzo. Mu diama kue diama di nsoni mu diama di mutu mukehete ku zonso mu nzo Nzaami. ³⁶ Lu kietiri maama ma Nzaami ku bene ma yantiki? Ku bene kaka mesiri? ³⁷ Ho mutu ndimi ni ke mu bikiri, kana mutu kipehefi, kazaya ni maama ma yi soniki me mu siki mfumu, ³⁸ Ho mutu siki wu ma virikini, ndesi Nzaani ko mu vilikini. ³⁹ Dini diama a ba kuene, lu welele teteti kubikili, kansi ka lu pekeseke siki kuzonso ma ndingi ma nzese. ⁴⁰ Ma mas masalama mu ndenge yi fuani yi mu kiantiki.