¹ Mu ma matariri nzimi lu zori lu vuku mu diama di bahatabu Nzaami be mu hata di yeluzalem lu sala kaka buesi bunu yi lutumi ku ma bunu ma ngalati. ² Konso ki lumingi kia kiso, konso mutu akaati bene ka katala ndami nzimi yi fuani kuani mu-nde ka lukingi meke mu ku vuka nzimi yini. ³ Mu taanga yi kumu ku kue bene, si iha mikana ku bahata ba lu solori bene, bunu si ba tumu ba ba natana bakuene ba Yeluzalem makaba ma bene. ⁴ Ho fuani mesiki ngiene, atuini nzili mosi inge. ⁵ Si ngisi kukue bene ho tsabiki maseduane, mu diama nzori ilutu maseduane. ⁶ Nzati ifeti nanga buingi ku kue bene, kana mangani ma maso ma kiosi. Mukusa ni lu tsungu kua kuso ikuene. ⁷ Nzori ku kala tiniki ku kue bene, kansi ho Nzaami upé nzili, ngati ifeti nieke bilumu binda ku kue bene. ⁸ Kana buana ikala haka efeze ti ikunu kilumu ki pantekoti. ⁹ Mu diama Nzaami ukutiri nzili nene, mu kusa isala kisala ki nfumu kimboti, kana ba mbeni bengi. ¹⁰ Ho Timote kumi ku kue bene, lu muyama bu mboti mu kusa ni kaka bangkaka , mu diama ndi siki ka sala kisala ki nfumu buesi-me. ¹¹ Kamutuku ni ka mumuene, kansi lu musungu mungeme mu mubemani, mukusa kese kukue-me; mu diama imukingi ku kue ba kuene bete. ¹² Mu diama di mukuete Apolos, yi mu kongi buingi mukusa kese lutala ibakuene ba nankaka, kansi akamangi kuani ku kuisi buku tobu. kakuisi kinikazolo nde kibeniki. ¹³ Lu kala indienge, ka lu yamanaka kundimi, lu kala bahata ba makerikieriki, lukala siki ingolo. ¹⁴ Lu sala bisala bene bia biso yi zolo. ¹⁵ A ba kuene, lu mu zayi Stephanas yi libata diani, ba kari bahata ba teheti mu ku ndimini Klisto mu tsi yi Akaya, bunu ba kihe siki mu ku salasa bahata ba kaka ba Nzaami. ¹⁶ Ilu lomi a ba kuene, lu tosa bahata ba ndenge yini yi ku mutu nde-so u mona pahasi mu kisala kifulu kimosi yi ba. ¹⁷ Tseperi buingi mu kumono Stefanas, Fortunas yi Akayikus. Mu taanga mboni-ba kukari buesi me mboni bene-baso. ¹⁸ Mu diama, a ba tsikiri mbunu, buesi bunu ba kurumini bene siki mbunu. Dini diama, luzaya ku kumusu bahata ba ndenge yi. ¹⁹ Mabunu ma Aziya ba luhe mboti . Akilas yi Prisil, yi dibunu die mu nzo-ba, ba luhe mboti mu kati ki Klisto. ²⁰ Bakuene ba baso ba luhe mboti. Lukihenesene mboti bene baso, luyamasana bunu bufuani ku bama ba Nzaami. ²¹ Me Polo, tsoniki maama-ma mu moko maama. ²² Ho mutu, mfumu bete yawisi! ²³ Ma mboti ma mfumu Yesu ma kala yi bene. ²⁴ Zolo di-me dikala yi bene-basa mu Yesu Klisto.