¹ Un yin lokpo xa Klisi, hun, na do ɖɔ xojɔxo, un ma si do ɖo awo gɛ, nu yiyɔ ɛn ce ke Oyɛ Ɖeɖovo lɔ le kun nɔ ɖɔ na un ɖɔ xojɔxo bɛ. ² Ayixa ce gɔ kpodo awubla kpo bɔ un le ji ya magbokɔ. ³ ƐƐ, un jlo yɛn lɔsu na do yin nu ze sɔ yin gbe na Mawu, mɛ ke dɛn do Klisi na nɔvyɛ sunu kpodo yɔnu kpo juwifu lɛ. Ye yin togun lokpo lɔ ɖi yɛn ha. ⁴ Izrayeli wɛ ye yin. mawu ze ye do huzu ovi etɔn lɛ, E xlɛ gigo etɔn wu ye, E nu alɛ kpodo ye kpo, E na ye osɛn, sisɛn, akpagbe, ⁵ kpodo mɛxo nukun le ji lɛ kpo. Togun ye tɔn mɛ wɛ ye ji Klisi le ɖi gbɛtɔ ha, eyɔ ke yin mawu ke le oji na nu lɛ kpo. Gigo na yinkɔ etɔn na hwe lɛ kposese nu! Ami. ⁶ Co akpagbe Mawu tɔn ma gɔn osin etɔn ma na gɛ. Me ke ye ji le Izrayɛli lɛ kpokpo ma yin togoun Izrayɛli ton lɔsu lɔsu lɔ gɛ. ⁷ Bɔ mɛ ke ye ji le hɛnu Ablaxamu tɔn mɛ lɛ bisese ma yin ovi etɔn lɔsu lɔsu lɔ gɛ. ƐƐ, Mawu ɖɔ na Ablaxamu ɖɔ: "Ovi ke un do akpa etɔn na wɛ lɛ, a na mɔ ye do gbɔn Izaaki mɛ." ⁸ Nu ke oxo lɛ le ɖɔ ke: E ma yin ovi ke ye ji do gbɔn cica asu kpo asi kpo tɔn mɛ wɛ yin ovi Mawu tɔn gɛ. Ovi xojɔxo tɔn lɛ wɛ yin ovi ke ye ji do gbɔn akpagbe Mawu tɔn mɛ lɛ. ⁹ Oxo akpagbe tɔn lɛ ke: Na lɛkɔ wa le xwe lokpo mɛ bɔ Sara na ji ovi sunu lokpo. ¹⁰ E ma fo gɛ: Rebeka lɔsu lɛ le. E ji ovi awe na otɔ lokpo lɔ ke yin Izaaki dagbo mitɔn.( ¹¹ , ¹² , ¹³ ) E ma ko ji ovi etɔn lɛ gɛ, ye ma ko wa nu ɖagbe alo yiylan gɛ. Co Mawu ɖɔ na Izaaki: Fofo lɔ na yin oyɔ sɔ tɔ na omɛ vu lɔ. «Wema mimɛ lɔ lɛ ɖɔ: Un yin wan na Jakɔbu bo gbɛ wan na Ɛso». Onu e kɔ lɛ jɔ na tito Mawu tɔn na do wa cicɛ mɛ. Mawu nɔ ze mɛ lɛ ɖi le ke jlo e ɖo, E mɔ nɔ kpɔn walɔ ye tɔn do nɔ ze ye gɛ, amɔ e nɔ sɔn Mawu lɔ kpo nɔ ke ylɔ ye de. ¹⁴ E tɛ wɛ e le ɖɔ do le? Mawu nɔ wa nu ke ma jlɔ gɛ wɛ? Gbeɖe! ¹⁵ E le ɖɔ na Moyizi: «Na ku nu blawu na mɛ ke un jlo bo na ku nu blawu na, un na yɔ na mɛ ke un jlo bo na yɔ na.» ¹⁶ Yiyɔ Mawu tɔn ma sɔn nu ke gbɛtɔ lɛ le ba go gɛ, hɔnhlɔn ye tɔn go gɛ, amɔ e nɔ sɔn Mawu lɔkpo nɔ gee ke nɔ ku lɛ bla nu lɔ go. ¹⁷ Le wema mimɛ lɔ mɛ, Mawu ɖɔ na axɔlu Egipu tɔn ɖɔ: « Un ze we na axɔlu na do ɖe honhlɔn ce xlɛ we le yɔ me bo na do lɛ ɖe yikɔ ce xlɛ le ayizan lɔ kposese ji.» ¹⁸ Mi le mɔ, Mawu nɔ ku lɛ blanu na mɛ ke ejlo, bo nɔ su ayixa na mɛ ke jlo e. ¹⁹ Amɔ a na le ɖɔ na un ɖɔ: « Mawu nɔ lɛ mɔ xo do nu ke ye wa go, etɛ wutu? na do ɖɔ, mɛ si sɔta wu nu ke Mawu jlo?» ²⁰ Mɛ wɛ yɔ a yin bo na ɖɔ xo do nu ke Mawu ɖɔ go? Ganu nɔ kan xo se wu mɛ ke blo e wɛ ɖɔ: « Etɛ wutu a blo un do le?» ²¹ Ozɛn mɛtɔ ma si wu blo nu ke jlo e kpo ako eton kpo? Kpodo ayizan lokpo lɔ kpo, e ma si blo ganu jijɔhun kpodo ganu kpaa kpo? ²² Mawu jlo na ɖe xomɛsin etɔn xlɛ bo na na bɔ ye na do yɔ hɔnhlɔn etɔn wi. Co, gbɛtɔ, ke jɛ xa xomɛsi etɔn bɔ E na da hwɛ na lɛ, e hɛn ye sulu ɖaxo ɖe kpo. ²³ Na mɛ dyɛ lɛ, E ɖe lɛ blanu ku na mɛ etɔn xlɛ. E jlo na ɖe gigo ɖaxo etɔn xlɛ ye, E sɔ nu na ye bɔ ye na do yi gigo lɔ. ²⁴ Bɔ omɛ exɔn lɛ, mye wɛ. E ylɔ mi, e ma yin le juwifu lɛ kɛɖɛ mɛ gɛ, amɔ le mɛ ke ma yin juwifu lɛ lɔsu gɛ mɛ. ²⁵ Mawu ɖɔ oxo exɔn le xoyiɖɔ tɔ Ozee we wema mɛ: « Me ke ma yin togun ce gɛ, na ylɔ ye ɖɔ "Togun ce". Togun ke un ma yin wan na gɛ, na ylɔ ɛ ɖɔ "Togun wan yi na nɔ". ²⁶ Bɔ fi ke ye ɖɔ na mɛ lɛ le ɖɔ:"Mi ma yin togun ce le gɛ", ye na ylɔ ye ɖɔ ovi Mawu gbɛɖe lɔ tɔn.» ²⁷ Le akpa xwe etɔn, Ezayi ɖɔ do gbɔn akpa xwɛ Izrayɛli tɔn ɖɔ:« na ovi Izrayɛli tɔn lɛ na bo tɛ su ɖi xu tɔkɛn ha, akpa xwe lokpo gee le ye mɛ wɛ na mɔ hwɛnlɛngan. ²⁸ Na do ɖɔ, Mawu na blo le ayizan ji nu ke E ɖɔ, le yiya mɛ kaka do yi vivɔnu.» ²⁹ Ezayi lɔsu ko ɖɔ dayi: « Mawu ke ɖo hɔnhlɔn xu nu bi jo ɖe lɛ do na mi. E ma yin le gɛ, mi na wa ciɖi toxo Sodɔmu kpodo Gomɔ kpo tɔn ha.» ³⁰ Etɛ oxo xɔn le ɖɔ? wɛ do yin ɖɔ, nu ɖiɖi ye tɔn zɔn bɔ mɛ ke me yin Juwifu gɛ, ye wa ze huzu Juwifu. Co, e ma ba na e ma ba na yin nu jlɔjlɔ gɛ. ³¹ Na do ɖɔ, togun Izrayɛli tɔn ba na yin nu jijlɔ nɔ do gbɔn osɛn lɔ mɛ, co ye ma kpego gɛ. ³² Etɛ wutu? Ɖo nu jijlɔ xɔn Juwifu lɛ ma ɖo nukun wi do gbɔn nu ɖiɖi mɛ gɛ, ye mɔ ɖɔ mye lɛ bo na ɖo do gbɔn walɔ ye tɔn lɛ mɛ. Ye gba afɔ do okpɛn afɔklɛn nu tɔ lɔ go. ³³ Mawu ɖɔ le wema mimɛ lɔ mɛ ɖɔ: «Un ze okpɛn afɔklɛn nu tɔn ɖe do Syɔ to lɔ mɛ kpodo oso ohwɛ tɔn ɖe kpo. Mɛ ke ɖi nu ni ma na mɔ wunyan gɛ.»