¹ Odin mɛ ke ca kpo Klisi kpo ma sɔ ɖo hwɛ dida ba gɛ. ² Na mɛɖe ca kpo Jezu Klisi kpo, osɛn na e yɔ, Oyɛ Ɖeɖovo lɔ wɛ nɔ na ogbɛ. Osɛn xɔn wɛ tun kan na un sɔn osɛn ohwɛ kpo oku tɔn kpo si. ³ Osen Moyizi tɔn ma kpe go na blo exɔn gɛ, ɖo gan ma ɖo gbɛtɔ lɛ tɔn na bɔ e ma blo nuɖe gɛ. Amɔ Mawu kpego bo blo: E sɛ ovi etɔn do le agbaza mɛ ɖi hwɛhutɔ ha bo do hwlɛn ye gan sɔn ohwɛ si: Do gbɔn flɛn, Mawu da hwɛ na ohwɛ ke le wa zɔn le gbɛtɔ lɛ mɛ. ⁴ E wa zɔn na mi na do kpego bo na zan gbɛ ɖi le ke osɛn lɔ ba ɖo. E ma sɔ na yi mye wɛ le kun mi ɖe gɛ, amɔ Ye ɖedovo lɔ. ⁵ Mɛ ke nɔ xodo walɔ ojlo agbaza tɔn lɛ nɔ yi wan na nuke yi agbaza tɔn lɛ, amɔ me ke nɔ xodo Yɛ Ɖedovo lɔ lɛ nɔ se tonu na ojlo etɔn lɛ. ⁶ Na mɛ ɖe xodo ojlo gbɛtɔ tɔn lɛ, e ze e ɖe jo na ku, amɔ na mɛ ɖe ze e ɖe jo na Oyɛ Ɖeɖovo lɔ, e na mɔ gbɛ kpodo fifa kpo. ⁷ ƐƐ, ojlo gbetɔ tɔn lɛ yi kɛntɔ na Mawu, ye mɔ nɔ se tonu na Mawu we osɛn gɛ. Na yetɔn, onu hwedego wɛ e yi. ⁸ Bɔ mɛ ke nɔ xodo ojlo gbetɔ tɔn lɛ ma si yɔ kpɔn na Mawu gɛ. ⁹ Lo bɔ mye lɛ, mi ma le xodo ojlo gbɛtɔ lɛ tɔn gɛ, mi le xodo Yɛ Ɖeɖovo lɔ, ɖo E le mi mɛ. Na mɛ ɖe ma ɖo Oyɛ Klisi tɔn lɔ gɛ, e ma yi Klisi tɔn gɛ. ¹⁰ Amɔ klisi lɔ le mi mɛ. Ganji, agbaza mitɔn na ku ɖo ohwɛ wutu. Amɔ ye ze mi huzu jɔjlɔ nɔ wutu, Oyɛ Ɖeɖovo lɔ na na mi ogbɛ. ¹¹ Mawu fɔn Jezu sɔn ku. Na Oyɛ Ɖeɖovo Mawu tɔn lɔ le mi mɛ, Mawu ke fɔn Jezu sɔn ku na na ogbɛ agbaza mitɔn ke na ku lɔ do gbɔn Oyɛ Ɖeɖovo etɔn mɛ. ¹² Wutu wɛ nɔnvi sunu kpodo yɔnu kpo, mi ɖo axɔ ɖe. E ma yi ojlo mitɔn wɛ mi ɖu axɔ do gɛ: Mi ma ɖo na zan gbɛ ɖi le ke ye ba ɖo gɛ. ¹³ Na mi le xodo ojlo gbɛtɔ tɔn, mi na ku. Na do ɖɔ, kpo do alɔgɔ Yɛ Ɖeɖovo lɔ tɔn kpo, mi ɖo na ɖe go yiyi sɛ bo na mɔ gbɛ. ¹⁴ Mɛ ke Oyɛ Ɖeɖovo Mawu tɔn le kun lɛ kpokpo wɛ yi ovi Mawu tɔn. ¹⁵ Oyɛ Ɖedovo ke mi yi lɔ ma ze mi zun kannumɔnɔ ke nɔ lɛ le ɖi bu gɛ, Amɔ e ze mi zun ovi mɛxo Mawu tɔn. Bɔ do gbɔn oyɛ Ɖedovo xɔn mɛ, mi do axwa do xlan mawu do le ɖɔ: Mawu! Otɔ! ¹⁶ oyɛ Đeɖovo lɔsu nɔ na mi kunu ɖiɖe kɔ: Mi yi ovi mɛxo Mawu tɔn. ¹⁷ Ɖo le, na mi yin ovi Mawu tɔn, mi yi nu nina lɔ kpodo Klisi kpo, onu ɖagbe ke Mawu ze da yin na togun etɔn lɛ. ƐƐ, na mi ɖo mima do ya jiji etɔn mɛ, mi na ɖo mima ɖo gigo etɔn mɛ gba. ¹⁸ Na do jlɛ ya jiji egbe tɔn do gigo Mawu tɔn ke ja wu; na yɛn, ye ma si wu jlɛ gɛ. ¹⁹ ƐƐ, nu dida Mawu tɔn lɛ le te kpodo hun kuku kpo hwenu ke Mawu na ze gigo etɔn xlɛ ovyɛ lɛ. ²⁰ Ogbe kɔ ze eɖe jo na onu vɔ lɛ. E ma yin jlo etɔn gɛ amɔn Mawu tɔn. Co nukun ɖiɖo gbɛkpo le na gbɛ lɔ. ²¹ E yɔ lɔsu na mɔ kan tuntun sɔn hɔnhlɔn ke le hɛn gble lɛ si, bo ze ze le zun kannumɔnɔ lɛ si. hun, e na ɖo ma ɖo do mɛɖe si jijɛ kpodo ovi Mawu tɔn lɛ tɔn mɛ. ²² Mi yɔn ɛn ɖɔ ogbɛ lɔ kpokpo le ɖu aɖu kunkun bo gbɛ kpo le ji ya din ɖi yɔnu ke le ajidonu xa. ²³ Amɔ e ma yin elɔ kponɔ gɛ. Mye lɔsu mi le ɖu aɖu kunkun le ayixa mitɔn lɛ mɛ bo le te kpɔn na do yin ovi Mawu tɔn bo na do jɛ jlo koko kpete. Co mi ko yi Yɛ Đedovo lɔ le akpaxwe nukɔn tɔn na nu nina ke Mawu do akpa etɔn na mi lɔ. ²⁴ Mi mɔ hwɛn lɛn gan do gbɔn kan ɖeji mɛ. na mi mɔ nu ke mi le ɖo nu kun, e mɔ nɔ sɔ yɔlɔ ɖɔ nu ɖo nu kun ba gɛ. Nu ke mi le mɔn lɛ, mi na lɛ ɖo nu kun wɛ? ²⁵ Mi ni ɖo nu kun nu ke mi ma le mɔ gɛ, yi we yin ɖɔ mi na nɔ te kpɔn kpodo hun kuku ɖaxo ɖe kpo. ²⁶ Bɔ Oyɛ Ɖeɖovo lɔ lɔsu nɔ gɔ alɔ na mi gba, mi mɛ ma ɖo gan nɔ lɛ. Mi ma yɔn oɖɛ xo ɖi le ke e jɛ ɖo xa gɛ. Amɔ Yɛ Ɖeɖovo lɔ lɔsu nɔ xo ɖɛ na mi kpodo aɖu kunkun ke onu ma kpe go bo na ɖɔ gɛ kpo. ²⁷ Amɔ Mawu nɔ mɔ sisosiso ayixa mitɔn lɛ tɔn, E nɔ yɔ nu ke Oyɛ Ɖeɖovo lɔ le din lɛ wi. ƐƐ, Oyɛ Ɖeɖovo lɔ nɔ xo ɖɛ na mi ɖi le ke Mawu jlo ɖo na mɛ ke yin etɔn nɔ lɛ. ²⁸ Mi gbɛ kpo le yɔ nu lokpo wi: Mawu nɔ blo nu ɖagbe lɛ bi na mɛ ke yin wan ni lɛ. E ylɔ mɛ exon lɛ ɖo tito etɔn wu. ²⁹ Me ke Mawu cyan ɖayi lɛ, E ze ɖayi na do blo ye ɖi ovyɛ ɖo wun. Bɔ ɖo le, ovyɛ na yin vi mɛxo na hɛnnu ɖaxo. ³⁰ Mɛ ke Mawu cyan ɖayi lɛ, E lɛ yɔlɔ ye. Mɛ ke E ylɔ lɛ, E ze ye do zun hwɛ jijɔnɔ, bɔ mɛ ke E ze do zun hwɛ jijɔnɔ lɛ, E lɛ ze gigo etɔn na ye. ³¹ Nu tɛ na lɛ ɖɔ do gɔ? Na Mawu yin mitɔn, mɛ wɛ si gan ɖu le mi ji? ³² Na ovyɛ lɔsu, Mawu na en bɔ e ji ya, amɔ E ze e jo do mi mɛ bi tamɛ. hun kpodo ovyɛ kpo, E na na mi nu bisese vɔnu. ³³ Mɛ na si wu do hwɛ wu mɛ ke Mawu cyan lɛ? Mɛ ti ma le gɛ! Ɖo Mawu ze ye do zun jɔjlɔnɔ. ³⁴ Mɛ wɛ si da hwɛ na ye? Me ti ma le gɛ! Jezu klisi ku bo lɛ fn sɔn ku: E le aɖisi xwe na Mawu bo le xo ɖɛ na mi. ³⁵ Mɛ wɛ si wu klan mi le wan yiyin Mawu tɔn mɛ? Vivɛ sise lɛ wɛ e na yin? Alo nu linkpɔn lɛ? Ya jiji ke na sɔn gbɛtɔ lɛ de wɛ? Kabi xovɛ kpodo oya kpo? Afɔku lɛ wɛ e na yin? Alo oku? ³⁶ Wema mimɛ lɔ ɖɔ : Yɔ wutu ye ze mi jo na ku hwe lɛ kpokpo nu, ye nɔ hɛn mi ɖi lɛngbɔvi ke ma ɖo mɛ ɖe. ³⁷ Amɔ le nu ke nɔ wa na mi lɛ bisese mɛ, mi yin ɖuɖejinɔ ɖaxo do gbɔn mɛ ke yin wan na mi lɔ mɛ. ( ³⁸ , ³⁹ )ƐƐ, un ɖo kan ɖe ji ɖɔ nu ti ma si ɖe mi ṣɔn wan yiyin Mawu tɔn ke E na mi le Aklunɔ mitɔn Jezu klisi mɛ lɔ mɛ gɛ. oku wɛ, ogbɛ wɛ wɛnzangun lɛ wɛ, yɛ yiylan lɛ wɛ, egbe we nu lɛ wɛ, osɔ ke ja lɛ wɛ, honhlɔn oji tɔn lɛ wɛ, alo odo tɔn lɛ wɛ, nu dida lɛ wɛ, nu ti ma si klan mi le wan yiyin Mawu tɔn mɛ gɛ.