¹ Bɔ un nɔ kanse ɖɔ: Mawu gbɛ togun etɔn wɛ? Gbeɖe! xlɛ lɔ wɛ yin ɖɔ yɛn, Izrayɛli nu wɛ un yin, bo sɔn Ablaxamu we kunkan mɛ le akɔta bɛnjamɛ tɔn mɛ. ² Mawu ma gbɛ togun etɔn ke E cyan ɖa yin gɛ. Le wema mimɛ lɔ mɛ, Eli sa vo na Mawu na togun Izrayɛli tɔn. Mi yɔ oxo exɔn lɛ wi ganji. ³ Mikpɔn nu ke e ɖɔ: «Aklunɔ ye hu oxo yi ɖɔ tɔ towe lɛ, ye gba agba towe lɛ. Yɛn lɔ kponɔ gee wɛ kpo bɔ ye ba bo na lɛ hu un.» ⁴ Osin tɛ Mawu na? Yi ke: «Un hɛn gbɛtɔ afɔ atɔn donu cyanwe ɖa yin, ye mɛ ke ma jɛ klo bo sɛn gbaɖu gɛ lɛ.» ⁵ Egbe din onu lokpo lɔ ke wɛ. Gbɛtɔ kpɛɖe wɛ kpo bɔ Mawu ɖe ɖovo do gbɔn wan yiyin etɔn mɛ. ⁶ Na Mawu cyan ye do gbɔn wan yiyin etɔn mɛ, e ma yin nu ke ye blo wutu wɛ gɛ, e ma yin gɛ, wan yiyin Mawu ton ma si yin wan yiyin vɔ gɛ. ⁷ Etɛ nu exɔn le ɖɔ: Nu ke togun Izrayɛli tɔn le ba, e ma mɔ gɛ, amɔ mɛ ke Mawu cyan lɛ, ye lɛ mɔ nu ke ye le din. Mɛ dyɛ lɛ ma ba na ɖo nu kunu mɔ jɛ mɛ etɔn gɛ. ⁸ Wema mimɛ lɔ ɖɔ: «Kaka do jɛ odin, Mawu su nuku mɛ na nu yiyɔ ɛn ye tɔn, E su nukun mɛ na ye bɔ ye ma do le mɔ nu gɛ, bo su oto na ye bɔ ye ma do le se nu gɛ.» ⁹ Davidi lɔsu lɛ ɖɔ:«Nu ɖuɖu ye tɔn lɔsu ni lɛ zun omɔ na ye, dodo na ye na jɛ ayin jɛ mɛ! Ye ni sa sɛn do ye. ¹⁰ Ye ni gba nukun, ye ni ba nu kunu kpo bi! Bɔ ye ni xa nɛngbe te ma nɔ!» ¹¹ Un nɔ kanse ɖɔ : Juwifu lɛ jɛ mɔ ɖiɖo lɔ mɛ na hwe bi nu wɛ? Un ma ɖi gɛ! Amɔ kpodo tonu ma se ye tɔn kpo, togun ɖyɛ lɛ mɔ hwɛnlɛngan. Bɔ togun Izrayɛli tɔn wa le hwanwu. ¹² Tonu ma se ye tɔn hɛn nu ɖagbe wa na ayihɔn, bɔ ayin jijɛ ye tɔn ɖi togun hɛn yona susu wa na mɛ ke ma yin Juwifu lɛ gɛ. hwenu ke Juwifunu lɛ na mɔ hwɛnlɛngan lɔ kpete, nu ɖagbe lɛ na lɛ su de ji. ¹³ Odin mi mɛ ke ma yin Juwifu lɛ gɛ, mye wɛ un le ɖɔ xo na. Un yin Apotru na mi mɛ ke ma yin Juwifu lɛ gɛ. Azɔn awajijɛ tɔn we e yin na yɛn. ¹⁴ Bɔ un le blo na do ze awuhwan anɛnvi Juwifu sunu kpodo yɔnu kpo tɔn yi ji bo na do hwlɛn mɛ ɖe lɛ gan. ¹⁵ Na do ɖɔ, hwenu ke na Mawu ze ye do vo, E ca yi kpo ogbɛ lɔ kpo. Hwenu ke E na lɛ yi ye ɖevo, nu tɛ wɛ na jɔ? Mɛ ke ku lɛ na lɛ wa gbɛ. ¹⁶ Na akpaxwe nu kɔn tɔn blɛɖi lɔ tɔn yin Mawu tɔn, blɛɖi lɔ kpo kpo yin etɔn lɔsu. Na alɔ atin lɔ tɔn lɛ kpose yin Mawu tɔn, aba le lɔsu yin etɔn gba. ¹⁷ Togun Izrayɛli tɔn ciɖi atin ke ye wle bo na ganji ɖe ha, bɔ ye gbo aba ɖe lɛ lewu. Yɔ aci ɖi aba atin yiylan tɔn ɖe ha, bɔ ye ca we ɖo aɖɔ ke kpo le atin ganji lɔwu ha. Odin, a hɛn a na gbɔn aɖɔ xɔn lɛ mɛ do se vivi aɖɔ lɛ tɔn. ¹⁸ Amɔ nɔ kpɔn yi go le aba lɛwu gɛ! Bɔ a ka ba na yi go? Yɔ mɛ hɛn aba lɛ gɛ, aba lɛ wɛ hɛn yɔ. ¹⁹ A na ɖɔ, ye sɛn aba lɛ bo do ca yɛn. ²⁰ Xojɔxo wɛ . Ye sɛn ye ɖo ye ma ɖo nu ɖiɖi gɛ, bɔ yɔ a kpo le atin lɔ go ɖo a ɖo nu ɖiɖi. Nɔ kpɔn yi go gɛ, obu wɛ aɖo na ɖi. ²¹ Na Mawu sɛn aba na atin ke ye blo do ganji lɛ, Mawu hɛn e na blo lexa na yɔ lɔsu. ²² Odin kpɔn: Mawu yɔ bo lɛ ylan hun. E ylan hun na mɛ ke jɛ ayin lɛ, E yɔ na yɔ na a le zan gbɛ ɖagbe. E ma yin le gɛ, ye na sɛn we, yɔ lɔsu ɖi aba ha. ²³ Na gbelokpo wa le bɔ Juwifu lɛ yi gbe bo ɖi nu, Mawu ɖo hɔnhlɔn do le bo na ca ye lɔsu. ²⁴ Yɔ a yin aba atin yiylan ɖe tɔn. Ye sɛn we bo ca we na atin ɖevo ke yɔn, towe ma yin nu ke ko le le gɛ. Juwifu lɛ, ye lɛ wɛ yin aba atin ganji lɔ tɔn. Bɔ Mawu na lɛ ca ye blewu do atin xɔn ke wu ye wu do. ²⁵ nɔvi yisenɔ sunu kpodo yɔnu, mi kpɔn nubudo ke un jlo na xlɛ wi. Mi ma ɖi nu ɖɔ mye lɛ bo ɖo nu yɔ ɛn gɛ. Akpaxwe lokpo na togun Izrayɛli tɔn gbe ɖɔ mye lɛ bo ma jan mɔ do na gɛ, bɔ e na nɔ le kaka jɛ hwenu ke togun ɖyɛ lɛ na lɛ lɛkɔ wa Mawu de. ²⁶ Hwe exɔn nu, togun Izrayɛli tɔn lɔ kpokpo na mɔ hwɛnlɛngan ɖi le ke wema mimɛ lɔ ɖɔ ɖo: «Mɛ ke na tun kan na me lɔ na sɔn Jeluzalɛmu. E na ɖe nu yiylan sɔn akɔta towe mɛ. ²⁷ Alɛ nunu ke un na nu xa ye ke hwenu ke hwenu ke na ɖe ohwɛ ye tɔn lɛ sɛ.» ²⁸ Ye gbɛ Wɛn Ɖagbe lɔ, ye lɛ zun kɛntɔ na Mawu, bɔ e yin nu ɖagbe na ye. Co Mawu cyan ye bɔ ye na yin togun etɔn. E yin wan na ye do daagbo ye tɔn lɛ wu. ²⁹ Mawu mɔ nɔ yi nu ke E na gbeɖe, e mɔ nɔ vɛ ni gbeɖe do mɛ mɛ ke E ylɔ wutu gɛ. ³⁰ Ɖa yin mi ma se tonu na Mawu gɛ, amɔ odin Mawu ku lɛ blanu na mi, ɖo Juwifu lɛ ma se tonu ni gɛ. ³¹ Na ye lɛ, nu lokpo wɛ e yin. Odin ye ma se tonu na Mawu bɔ Mawu na do ku lɛ blanu na ye gɛ. Odin ye lɔsu e hɛn ye na mɔ lɛ blanu ku na mɛ Mawu tɔn. ³² Mawu na bɔ gbɛtɔ lɛ kpose ma se tonu ni gɛ, bo na do ɖe lɛ blanu ku na mɛ etɔn xlɛ. ³³ Mawu klo tawun! Nu yiyɔ ɛn kpodo lilin etɔn kpo siso tawun, mɛ ti ma si yɔ ojlo etɔn lɛ wi gbeɖe, mɛ ti ma si mɔ nu kunun jɛ tito etɔn lɛ wu gɛ. Wema mimɛ lɛ ɖɔ: ³⁴ «Mɛ yɔ lilin Aklunɔ tɔn lɛ wi? Mɛ si na nukpɔn mɛ Aklunɔ?» ³⁵ «Mɛ na nu ɖe wi jɛ nu kɔn, bɔ Mawu na wa na etɔn wu mɛ lɔ?» ³⁶ ƐƐ, nu bi Mawu de wɛ e sɔn nu bi le do gbɔn eyɔ mɛ bɔ kpokpo lɛ yin etɔn. Gigo na Mawu tɛgbɛ! Ami!