1 Exɔn godo, un le onu kpɔn ɔ, bo mɔ ohɔn ɖe le hunhun le sɛxwe. Ogbe ke le ɖɔ nu, ɖi okpɛn ɖaxo ɖe ɖɔhun, bo le oxo, ɖɔ na un ɖ'anyi lɔ ɖɔ na un ɖɔ: "Xlɛ oji fi, un na xlɛ onu ke ɖo na jɔ exɔn godo lɔ wu we." 2 Tlolo o, Oyɛ wa ji e, bɔ un mɔ axɔluzinkpo ɖokpo le sɛxwe, bɔ mɛ ɖokpo le anyififlɔn le axɔluzinkpo exɔn ji. 3 Mɛ ke le anyififlɔn l'e ji lɔ we ninɔmɛ ci ɖi okpɛn ke xɔ akwa ke e nɔ ylɔ ɖɔ jjasipee lɔ kpo ke e nɔ ylɔ ɖɔ Sadwani lɔ kpo ɖɔhun. Anyiɖohwɛɖo we hwɛnkan ɖi bo lilɛ do azinkpo lɔ, bo nɔ klɛn ɖi okpɛn ke e nɔ ylɔ ɖɔ emɛlodu lɔ ɖɔhun. 4 Axɔluzinkpo oko-nukun-ɛnɛ ɖevo lɛ lilɛ do axɔluzinkpo exɔn, bɔ mɛxo oko-nukun-enɛ le anyififlɔn le axɔluzinkpo exɔn lɛ ji. Ye do awu wewe, bo cɔn axɔlugbakɔn ke e ze sikanu do blo lɔ. 5 gbɛ mɛ nɔ ɖe abi, e nɔ se ogbe ɖe lɛɛ; gbɛ mɛ nɔ ɖe gbe sɔn axɔluzinkpo lɔ kɔn. Ozohwin canwe le ji le axɔluzinkpo lɔ nukɔn; ozohwin canwe exɔn lɛɛ, oyɛ Mawu tɔn canwe lɛɛ wɛ. 6 Onu ɖi nukpwɛn ɖɔhun ɖe le faɖaɖa le axɔluzinkpo lɔ nukɔn, bo ci ɖi okpɛn ke e nɔ ylɔ ɖɔ klisutatu lɔ ɖɔhun. Onu le gbɛ ɛnɛ le cɛncɛn, bo lilɛ do axɔluzinkpo lɔ. Onu le gbɛ exɔn lɛɛ, nukun kpe godo kpo nukɔn kpo na ye. 7 Onu le gbɛ nukɔntɔn lɔ ɖi kinnikinni; onu le gbɛ awegɔ lɔ ɖi nyibu asu win winnya. Onu le gbɛ atɔngɔ lɔ we nukun mɛ ɖi gbɛtɔ we nukun mɛ, bɔ onu le gbɛ enɛgɔ lɔ ɖi gangan ke le zlɔn ha. 8 Onu le gbɛ lɛɛ ɖokpo ɖokpo ɖo aba ayizɛn; nukun kpe fi lɛɛ kpo na ye le aga de kpo xomɛ kpo. Ye mɔ nɔ gɔn ohan ji le ozan kpo okle kpo gɛ; ye nɔ ɖɔ: "Wiwe! Wiwe! Wiwe wɛ Aklunɔ Mawu lɔ nyi; e ko le ɖ'anyi, bo le odin, e na wa." 9 Onu le gbɛ ɛnɛ lɛɛ nɔ ji han do kpa susu, do wle yɛyi, bo do dokpɛ na mɛ ke le anyififlɔn le axɔluzinkpo lɔ ji, bo le gbɛ kaka sɔyi lɔ. Na ye le lexa blo ɔn hwe ɖekpekpe hwenu, 10 mɛxo oko-nukun-ɛnɛ lɛɛ nɔ jɛ klo le mɛ ke le axɔluzinkpo lɔ ji, bo le gbɛ kaka sɔyi lɔ we nukɔn, bo nɔ sɛn ɛ. Ye nɔ ze axɔlugbakɔn yetɔn lɛɛ sɔ nyi axɔluzinkpo lɔ we nukɔn, bo nɔ ɖɔ: 11 "Aklunɔ mitɔn, Mawu mitɔn, susu, yɛyi kpo hɔnhlɔn kpo jɛ we, ɖo a blo nu lɛɛ kpo; yɔ wɛ jlo bɔ ye le; yɔ wɛ jlo bɔ ye le gbɛ."