¹ Exɔn godo un mɔ wɛnzangun ɖe lɛ jɛte sɔn oji; wɛnsagun lɔ hɛn ozo maɖo azan lɔ we cavi kpo caba kpo le alɔ mlɛ. ² E wle Dlagɔnni lɔ ; odan xoxo ke nyi awovi alo sataan lɔ; e ze caba lɔ do bla ɛ na oxwe afɔtɔn. ³ Wɛnsagunn lɔ ze nyi ozo ma do azan lɔ mɛ bo sui, lo bo ɖo wutun , na Dlagɔɔn lɔ nɔ kpɔn lɛɛ dɔn oto lɛɛ ɖe yi bu gɛɛ, kaka na oxwe afatɔn lɛɛ na wa nyi. Exɔn godo e ɖo na ɖee nyi te na hwenu kle un ɖe. ⁴ Un mɔ axɔluzinkpo lɛɛ: e na acɛ mɛ ke flɔn e ji lɛɛ, bɔ ye na ɖɔ xwe. Mɛ ke e gbo ta na, ɖo ye jla Mawuxo lɔ, bo ɖe kunnu na Jezu wutu lɛɛ, un lɛɛ mɔ alindɔn yetɔn . Ye ma sɛn kanlin lɔ gɛɛ; ye ma sɛn akpajlɛ etɔn gɛɛ, kanlin lɔ we wuntun ma le nukɔn nu na ye gɛɛ, e ma lɛɛ le alɔ na ye gba gɛɛ. Mɛ exɔn lɛɛ lɛ wa gbɛ, bo ɖu axɔlu xa Klisi na oxwe afatɔɔn. ⁵ Omɛ kuku ɖe lɛɛ ma fɔn wa gbɛ hwɛkpo o xwe afatɔɔn lɛɛ fo gɛɛ. Omɛ kuku lɛɛ we finfɔn nukɔn nukɔn tɔn lɔ xɛn. ⁶ Omɛ ke ɖo mima le fɔn sɔn ku nukɔn nukɔn tɔnxɔn mɛ lɛɛ lɔ, onu nyɔ na ye; omɛ ɖe doxo Mawutɔn wɛ ye nyi; oku awegɔ ma ɖo acɛ do ye ji gɛɛ; ye na nyi vɔsanu xwle Mawutɔ na Mawu kpo Klisi kpo, bo na ɖu axɔlu xa Klisi na oxwe afatɔɔn. ⁷ Hwe ke nu oxwe afatɔɔn lɛɛ na wa yi, e na ɖe Sataan sɔn gankpamɛ, ⁸ bɔ, e na yi zinvluto ke gbakpe wɛkɛ zo enɛ lɛɛ mɛ lɔ; oto lɛɛ wɛ nyi Gogu kpo Magɔgu kpo. E na pkli ye, bɔ ye na fun ahwan, bo na suu okɛn ke le xuto ha. ⁹ Ye lɛɛ ke gbakpe anyizanlɔ kpokpo ji bo jaa, ye xlɛ omɛ ɖeɖovo Mawu tɔn lɛɛ we ahwan kpa lɔ, bo xa toxo ke Mawu yi wan na lɔ. Amɔ ozo jɛ te sɔn oji bo fyɔ ye. ¹⁰ Hwe exɔn nu, e ze awovi ke le flu ye nyi do ozo hɛhɛ ke nyi hwemi we ozo lɔ mɛ; ozo xɔn lɔ mɛ wɛ e ko ze kanlin lɔ kpo gbeyi ɖɔnyito lɔ kpo nyi do: ye na le ji ya ɖaxo zan kpo okle kpo kaka sɔyi. ¹¹ Exɔn godon, un mɔ axɔluzinkpo ɖaxo we awe ɖe, kpo mɛ ke flanyi lee ji lɛɛ kpo . Anyizan kpo jinukunsi kpo do hwezun le nukɔn etɔn, bɔ e ma le mɔ ye ba gɛɛ. ¹² Un mɔ mɛkuku lɛɛ, mɛxo kpo ovivu lɛɛ kpo le te lɛ axɔluzinkpo lɔ nukɔn, bo le hun wema ɖelɛɛ. E lɛ hun wema ɖevo; wema ke mɛ e wlan mɛ ke le gbɛ lɛɛ we nyikɔ ɖo lɔ wɛ. Omɛ kuku lɛɛ, e ɖɔ hwɛ xa ye bɔ e sɔgbe xa onu ke ye wa bɔ e wlan do wema lɛɛ mɛ lɔ. ¹³ Omɛ kuku ke le oxumɛ lɛɛ, oxu jo ye. Oku kpo kutomɛ kpo lɔsu jo mɛ kuku ke ye hɛn lɛɛ, bɔ e ɖɔ hwɛ xa mɛkuku xɔn lɛɛ kpo bɔ esɔ gbe xa onu ke ye blo lɛɛ. ¹⁴ E bɛ oku kpo kutomɛ kpo nyi do ozo hɛhɛ lɔ mɛ; oku awegɔ lɔ xɛn. ¹⁵ Mɛɖe kpekpe we nyikɔ e ma wlan ɖo ogbɛ wema lɔ mɛ ɖ'ayi gɛɛ, e ze nyi do ozo hɛhɛ lɔ mɛ.