¹ Exɔn godo, un se axwa ɖaxo gbɛtɔ susu tɔn le ɖɔ nu le jihwle. bɔ e nɔ ɖɔ: «Mi kpa susu na Aklunɔ! Mawu mitɔn hwlɛn mi, etɔn wɛ nyi gigo kpo do hɔnhlɔn kpo! ² hwɛdida etɔn lɛɛ nyi xojɔxo bo jlɔ. E da hwɛ na agalɛtɔ daxo lɔ. E le hɛn anyizan lɔ ji kuɖi kpo do oga etɔn kpo. Mawu hu i ɖɔ e hu azɔnwanamawutɔ susu. ³ Bɔ mi lɛ se ɖevo bɔ togun lɔ nɔ ɖɔ: «Mi kpa Aklunɔ! Ɛɛ, ozo ke le fyɔ toxo lɔ we azɔ kpo le tun jɛnwɛ.» ⁴ Mɛxoxo konukun-ɛnɛ kpo do nulegbɛ ɛnɛ jɛ klo. Ye le sɛn Mawu, ke flɔn anyi le axɔlu zinkpo lɔ ji, bo nɔ ɖɔ: «Ami! Mi ni kpa susu na Aklunɔ.» ⁵ Bɔ ogbe ɖe sɔn axɔlu zinkpo lɔ ji bo nɔ ɖɔ: «Mi kpa susu na Mawu mitɔn, mye, azɔnwanamawutɔ kposese, mye ke nɔ ɖo obu ɖisini vikpɛvu kpo mɛxo kpo!» ⁶ Bɔ un se axwa ɖaxo togun susu ɖe tɔn ɖi oxu we jɔhɔn ha, ɖi xɛvioso ɖaxwa ha. Ogbe lɔ nɔ ɖɔ: Mi kpa gigo na Mawu! ɛɛ, odin Aklunɔ, Mawu ke ɖo hɔnhlɔn xu nulɛ kpo ɖu axɔlu. ⁷ Mi ni nɔ awajijɛmɛ, adomahumɛ bo ze gigo n'i! Odin wɛ nyi alɔwlewle lingbɔvi lɔ tɔn. Mɛ ke e ze na eɖe wle bo na eɖe. ⁸ Na nudido, e e yi nusisɔ ɖagbe ke nɔ taa bo we pepe. Walɔ ɖagbe mɛ ke nyi etɔn lɛɛ tɔn. ⁹ Wɛnzagun lɔ ɖɔ na ɖɔ: «Wlan: "Nu nyɔ na ye, mɛ ke wa alɔwle tɛnmɛ kɔ na do ɖu nu alɔwlewle lɛngbovi lɔ tɔn!» «Oxo Mawu tɔn lɛɛ lɔsu wɛ.» ¹⁰ Bɔ un jɛ klo le afɔ etɔn nu bo bo le sɛn. Amɔn e le ɖɔ na un ɖɔ: «Gbɔ! Nɔ kpɔn blo lexa gɛ! Mɛsɛntɔ wɛ un nyi ɖi yɔlɔsu ha kpo anɔevi sunnu kpo nyɔnu ke nyi kunnuɖetɔ Jezu Klisi tɔn lɛ. Mawu wɛ a ɖo na sɛn.» Ɛɛ, nyi kunnu ɖetɔ na Jezu, wɛ nyi ɖɔ a na ɖɔ xoyiɖɔtɔ lɛ bo ɖɔ xojɔxo. ¹¹ Exɔn godo, un mɔ jixwle hun. Sɔ ɖokpo le, kpo do mɛ ke nɔ xa e ji lɔ kpo bɔ e nɔ ylɔ ɛ ɖɔ gbejinɔtɔ xojɔxo nɔ lɔ. E ze hwɛjijɔ do le ɖɔ ohwɛ bo do lɛ le fun ahwan. ¹² NUkun etɔn lɛɛ nɔ kan ɖi ozo ha, bɔ axɔlu we gbakɔn susu le ta ni. Ye wlan nyikɔ ɖe de wu bɔ mɛɖe ma nyɔ nyikɔ lɔ wi zɛ elɔsu wu gɛ. ¹³ E do awu gaga ɖe, bɔ awu lɔ ci ɖi ohun mɛ wɛ e nylɔ ɖo ha bɔ nyikɔ etɔn nɔ nyi Mawuxo. ¹⁴ Ahwankpa sɛxwe tɔn lɛɛ xodoe; ye le osɔ wewe ji; ye do akwanuvɔ fɛɖɛfɛɖɛ wewe mimɛ jijɔhun ɖe. ¹⁵ Ohi ɖiɖa ɖe nɔ tɔn nɔ onu etɔn mɛ; ohi lɔ wɛ e nɔ do xo oto lɛ. E na kpa cɛ do ye nu, bɔ acɛkpikpa etɔn na syɛn ɖi gankpo ha; e na li vɛɛn we sinsɛn lɔ le Mawu ɖaxo nubiwukpetɔ lɔ we oto mɛ. ¹⁶ Ye wlan nyikɔ ɖe do awu etɔn kpo asa etɔn kpo wu; e wlan ɖɔ: "Axɔlu Axɔlu lɛ tɔn; Aklunɔ Aklunɔ lɛ tɔn." ¹⁷ Exɔn godo, wɛnzagun le le te le ohwenu ke le oji lɔ mɛ. E daxwa gbe lele ɖo xlan oxɛ ke le zlɔn le oji lɛɛ bo ɖɔ: "Mi wa; mi kpli miɖe na nuɖuɖu ɖaxo Mawu tɔn kɔ!" ¹⁸ Mi wa ɖu axɔlu lɛ we olan; mi wa ɖu ahwangan lɛ kpo asuka lɛ kpo we lan; mi wa ɖu osɔ lɛ kpo osɔxatɔ lɛ kpo we olan; mi wa ɖu gbɛtɔ lɛ kposese we olan; kannumɔ lɛ kpo ogan, mɛxo lɛ kpo vivu le kpo we olan." ¹⁹ Exɔn godo lɔ, un mɔ kanli lɔ; un mɔ axɔlu anyizanjitɔn lɛ kpo ahwankpa yetɔn lɛɛ kpo; ye kpli bo na fun ahwan xa mɛ ke le osɔ ji lɔ kpo ahwankpa etɔn lɛ kpo. ²⁰ Ahwan wle kanlin lɔ kpo xoyiɖɔtɔ awonɔ lɛ kpo ke jlɛ nu le nukɔn etɔn lɔ kpo. NUjijlɛ exɔn lɛ wɛ e do flu mɛ ke wu kanlin lɔ we wuntun le lɛ bɔ ye nɔ sɛn kanli lɔ we ɖiɖe lɛ. E ze kanli lɔ kpo ye mɛ awe lɛ ze yi do ozo ke mɔ nɔ ci gbeɖe gɛ lɔ mɛ. ²¹ E ze ohi ke le numɛ na mɛ ke le osɔ ji lɔ bo do hu mɛ ke kpo lɛ.