¹ Azɔn ɖokpo do gɔ, Jezu le ɖɔ oxo Mawu tɔn na mɛ lɛ le oxu to, bɔ togun ɖaxo ɖe kpli bo le ɖoto wi. Jezu byɔ tɔjihun ɖokpo mɛ bo flɔn anyi. Togun lɔ kpokpo le oxu lɔ to. ² Jezu le kplɔn nu susu ye gbɔn olo dido mɛ, bo le ɖɔ na ye do gbɔn nukplɔnmɛ etɔn mɛ ɖɔ, ³ Mi ɖoto! Nudotɔ ɖokpo tɔn bo yi nukun do gbe. ⁴ Hwenu ke e le do nukun lɔ, ɖe lɛ flɛ jɛ mɔji bɔ oxɛ le wa bo wa soɖu. ⁵ Nukun ɖe lɛ jɛ fike okpɛn kɛɖɛ le, bɔ anyizan ma le gɛ. Ye lɛ ya u wu ble un ɖo anyizan ma siso le filɔ gɛ. ⁶ Amɔ hwenu ke ohwe wa hun, ye fyɔ ɖo aɖɔ yetɔn ma yi odo gɛ, bɔ ye xu sese. ⁷ Nukun ɖe lɛ flɛ jɛ owunkaja mɛ, bɔ owunkaja lɔ bla ye bɔ ye lɛ ma na sisɛn ti gɛ. ⁸ Nukun ɖevo lɛ j'anyi jɛ anyizan ɖagbe ji bo wu ganji bo lɛ na sisɛn ganji. Ɖe na hu kanɖe, ɖe nyi kanɖe-ko, bɔ ɖevo lɛ nyi kanwe-ko ha. ⁹ Bɔ Jezu le ɖɔ: «Mɛɖe kpekpe ke ɖo oto bo nɔ senu , ni ɖoto ganji.» ¹⁰ Hwenu ke Jezu wa kpo eyɔ ɖokponɔ, mɛ ke le akpa n'i lɛ kpodo ahwanvi etɔn wyawe lɛ le kan oxo wi se do olo ke e do lɔ go. ¹¹ Jezu le ɖɔ na ye ɖɔ: «Mye lɛ wɛ ye ze nubudo oxɔluɖuto tɔn lɛ ze jo na. Amɔ na mɛ ke le toxo mɛ lɛ, nubi olo mɛ wɛ ye ze ɖo na ye.» ¹² Na ye na le mɔ, ye na le mɔ ganji, co bo na huzu ma mɔ nɔ, ye na le se ganji tɔn co bo na huzu ma mɔ do na nɔ, e ma nyi le gɛ ye na lɛkɔ yi Mawu de bɔ e na ze ohwɛ yetɔn kɛ ye. ¹³ Bɔ Jezu le ɖɔ na ye ɖɔ: «Mi ma ɖo mɔjɛmɛ olo ke un do lɔ tɔn?» Bɔ naɖe wɛ mi na ɖo mɔjɛmɛ olo ɖyɛ lɛ tɔn ɖo? ¹⁴ Oxo lɔ wɛ nyi nukun lɔ. ¹⁵ Nukun lɔ, ɖe lɛ flɛ jɛ omɔ ji. Omɔ ji lɔ le ɖɔ gbɛtɔ ɖe lɛ ke nɔ se oxo Mawu tɔn lɔ, bɔ awovi nɔ wa azɔn ɖokpo bo nɔ wa ɖe oxo lɔ sɔn ayixa yetɔn mɛ. ¹⁶ Nukun lɔ ɖe lɛ jɛ okpɛn kanmɛ. Anyizan ke gɔ kpodo okpɛn kpo lɔ wɛ nyi gbɛtɔ ke nɔ se oxo lɔ bo nɔ nyi azɔn ɖokpo kpodo awajijɛ kpo. ¹⁷ Amɔ oxo lɔ mɔ nɔ do aɖɔ do le ye mɛ gɛ, ye nɔ yi na hwenu kle un ɖe, bɔ na vivɛsise hwenu kle un tɔn ɖe wa kpo un, alo na ye do vivɛsise kpɛɖe na ye ɖo oxo lɔ wu kpo un, ye nɔ wɔ azɔn ɖokpo. ¹⁸ Nukun lɔ ɖevo lɛ jɛ anyi jɛ owunkaja mɛ. Anyizan owunkaja tɔn lɔ nyi mɛ ke nɔ se oxo lɔ lɛ, ¹⁹ amɔ lilin ke nyi gbɛmɛ fikɔ tɔn lɛ, ye nɔ le ba aɖɔkun mɛ blɛ ɖu tɔn lɛ kpodo ojlo susu ɖevo lɛ kpo. Exɔn wutu, onu exɔn lɛ nɔ bla oxo lɔ le ayixa yetɔn lɛ mɛ bo mɔ n ɔsɔ na sisɛn ti ba gɛ. ²⁰ Nukun lɔ ɖevo lɛ jɛ anyizan ganji ji. Anyizan ganji lɔ le nyi gbɛtɔ ke nɔ se oxo lɔ bo nɔ yi oxo lɔ do ayixa yetɔn mɛ. E nɔ na sisɛn: Ɖe lɛ ogban, ɖevo lɛ kanɖe-ko, a lɛ mɔ ɖe lɛ kanwe-ko. ²¹ Jezu lɛ le ɖɔ na ye ɖɔ: «Mi nɔ ta zogban le xwe mitɔn l ɛgbe na do ze ɖo xija gɔ alo bati gɔ wɛ? E nyɔ wa mi nɔ ze do agbawungba le nuji le oji.» ²² Nu ke nyi nu hwihwla lɛ kpose ye ɖo na mɔ, bɔ nu ke le bibɛtɛn lɛ ye ɖo na jɛ agbawungba. ²³ Na mɛɖe ɖo oto bo nɔ se nu, ni ɖoto un ganji. ²⁴ Jezu ɖɔ na ye ɖɔ: «Mi cɔ miɖe taun na nu ke mi le se, ɖo nu ke mi do jlɛ nu yi pɛpɛpɛ wɛ ye na do jlɛ nu na mye lɔsu bɔ ye na lɛ do e ji na mi.» ²⁵ «Mɛɖe kpekpe ke ɖo, ye na lɛ na ye do e ji, amɔ mɛ ke ma ɖo gɛ, ye na lɛ yi ke e ɖo lɔ.» ²⁶ Bɔ Jezu le ɖɔ: «Axɔluɖuta Mawu tɔn ciɖi nudotɔ ke donu do anyizan mɔ ha. ²⁷ E nɔ ɖ'amlɔ le zanmɛ bo nɔ fɔn le okle, nukun lɔ nɔ wu bo nɔ hwɛn ganji e ka mɔ nɔ nyɔ le ke e nyi ɖo gɛ. ²⁸ Anyizan lɔ lɔsu wɛ nɔ na bɔ nukun lɔ nɔ wu bo nɔ trɔ zun atin, bo nɔ wa gba osɛ bɔ osɛ lɔ nɔ wa trɔ zun sisɛn. ²⁹ Bɔ na sisɛn lɔ wa bya, ye nɔ jɛ yiya ji ɖo yiya hwenu ko su.» ³⁰ Bɔ e le ɖɔ: «Etɛ wu wɛ mi na jlɛ axɔluɖuta Mawu tɔn do, alo olo tɛ wɛ mi na do timɛ le ke e le? ³¹ Axɔluɖuta Mawu tɔn ciɖi ahwakun ha. Na ye do do anyizan mɔ, e hwe hugan nukun lɛ kposese le ogbɛlɔmɛ. ³² Amɔ e nɔ wa yi oji bo nɔ hwɛn hugan atin lɛ kpo. E nɔ ɖo aba bo nɔ klo do le bɔ oxɛ lɛ hɛn ye na ɖo adɔ do yɛtɛn etɔn mɛ.» ³³ Kpodo olo geɖegeɖe ke e do xɔn kpo ɖi ekɔ ha, e ɖɔ Mawuxo na ye bɔ ye na do ɖo mɔjɛmɛ etɔn. ³⁴ Jezu nɔ ɖɔ oxo na ye hwe lɛ kpose nu gbɔn olo dido mɛ. Amɔ na e le kpɔ xa ahwanvi etɔn le kɛɖɛ, e nɔ tin onu bisese mɛ na ye. ³⁵ Gbe exɔn gbe we hwedo, Jezu le ɖɔ na ahwanvi etɔn lɛ ɖɔ: «Mi ni yi akpaxwe ɖyɛ na otɔ lɔ!» ³⁶ Bɔ ahwanvi Jezu tɔn lɛtɔn sɔn togun lɔ mɛ bo ze tojihun ke mɛ Jezu le lɔ bɔ ye sɔn yi akpaxwe ɖyɛ. Tojihun ɖevo lɛ lɛ le flɛn gba. ³⁷ Jɔhɔn xasa ɖe cite, bɔ hwɛjɛ ja osin do ɖo tɔjihun lɔ mɛ ji kaka bɔ tɔjihun lɔ gɔ bo na syɔ yi odo. ³⁸ Jezu lɔsu le tɔjihun lɔ mɛ le godo bo ze ota etɔn ɖo mango ji bo le d'amlɔ. Ahwanvi etɔn lɛ yi fɔn ɛ bo le ɖɔ n'i ɖɔ: «Mɛsi! a ma mɔ ɖɔ mi ja kuku gbe?» ³⁹ Jezu fɔn bo gbɛ nu na jɔhɔn lɔ bo le ɖɔ na oxu lɔ ɖɔ: «Ɖoɖa cɛn!» Jɔhɔn lɔ ɖote azɔn ɖokpo, bɔ oxu lɔ ci xwi bɔ ɖaɖiɖo ɖaxo ɖe wa. ⁴⁰ Bɔ Jezu le ɖɔ na ahwanvi etɔn lɛ ɖɔ: «Etɛ wutu mi ɖi bu? Mi ma ɖo nuɖiɖi gɛ wɛ?» ⁴¹ Obu jɛ ye mɛ bisese ji bɔ ye nɔ kanse yeɖe lɛ ɖɔ: «Mɛ wɛ nyi dahwe ekɔ? Gbɛtɔ alɔkpa tɛ wɛ nyi kɔ?Mi ma mɔ gbɛtɔ kɔ ha kpɔn gɛ.» Jɔhɔn kpodo oxu kpo lɔsu nɔ se gbe n'i.