¹ Jezu dolo do ɖɔ xo na ye ɖɔ : "Dahwe ɖe ɖo anyizan , bo do vihun d'eji ,bo tun atin do do kpa lɛlɛ do vihungbo lɔ kpokpo ; e ka lɛ kun odo ke mɛ e nɔ li vihun we sinsɛn le ɖokpo ɖokpo ɖo vihun gbo lɔ mɛ . E lɛ blo onu keji glecɔtɔ lɛ nɔ xlɛ ɖokpo d'emɛ , lobo ze vihungle lɔ d'alɔmɛ na vihunzɔnwatɔ de lɛɛ, bo yi tomɛ. ² Ke vihun sinsɛn yiya we hwenu wa ,e ɖo mɛsɛntɔ etɔn ɖokpo ɖo xlan vihunzɔnwatɔlɛ de ,n'ena yi vihun sinsɛn ke nyi etɔn wa n'i . ³ Vihunzɔnwatɔ lɛɛ ka wle mɛsɛntɔ lɔ, bo xo e,bo nya ɛ asigba alɔgba. ⁴ Dahwe lɔ ka lɛ ɖo mɛsɛntɔ etɔn ɖevo ɖo hlan ye ,bɔ ye xo e , bo zɛ ta n'i, bo kɔn wi ni . E ⁵ ka lɛ ɖo mɛsɛntɔ etɔn ɖevo ɖoxlan , bɔ ye hu eyɔ. E wa ɖo mɛsɛntɔ etɔn susu ɖevo lɛɛ do, bɔ ye xo mɛɖe, bo hu mɛde. ⁶ E wa kpo ovi vivɛna etɔn kɛɖɛ , bɔ e wa ɖo e doxlan ye gbɔn to, bo le lin le ayimɛ dɔ:' : "Ye mɔ ovice lɔsu ,ye na ɖo sisi n'i." ⁷ Amɔ, vihunzɔnwatɔ xɔn lɛɛ ɖɔ le yeɖe cɛncɛn ɖɔ :' Ovi ke na ɖu gu lɔ ke , mi wa na mi na hu i ,na vihungbo lɔ na nyi mitɔn . ' ⁸ Ye zɔn vi lɔ ji bo hu i, bo don ocyɔ etɔn sɔn vihungbo lɔmɛ,lobo ze nyi gbe . ⁹ "Jezu ka le kan yese bo ɖɔ: " Naɖe wɛ dahwe lɔ ka na wa nu ɖo ʔ E na wa bo na hu vihunzɔnwatɔ xɔn lɛɛ, bo na ze vihungbo lɔ do alɔmɛ na mɛ ɖevo lɛɛ. ¹⁰ Mi ma xa oxo kɔ lɔ kpɔn le Mawuxowema lɔ mɛ ? E wɛ nyi ɖɔ :' okpin ke xɔgbatɔ ma do mɔ nude gɛɛ bo ze nyi zɔ, wa huzu okpin ke le taji lɔ ¹¹ .Aklunɔ we nuwiwa xɛn , bɔ e nyi onu ɖe bo jɛ acɔ le nukun mitɔn mɛ .' " ¹² Jwifugan lɛɛ ka le din bo na wle Jezu ; ɖo ye mɔ gaan ɖɔ emye lɛɛ bɛ e bo le nyinma gbɔn olo ke e le do gbla mɛ ;amɔ ye le ɖi bu na togun lɔ. Ye gbɔ jo e do bo sɔn . ¹³ E ɖo falizeyi delɛɛ kpo Elodu we ahwanvi ɖe lɛɛ kpo hlan Jezu de ,na ye na do kan xo wu i se do ɖo omɔ n' i,bo na kpe e wu do wle le xo ɖiɖɔ etɔn lɛɛ mɛ. ¹⁴ Ye yi, bo ɖɔ n'i ɖɔ: " Mɛsi,mi nyɛn ɖɔ xo nugbo ɖɔtɔ wɛ anyi ;a mɔ nɔ ɖibu na mɛ ɖe gɛɛ,aka mɔ nɔ kpɔn mɛɖe we nukunta do ɖɔ xo gɛɛ; a nɔ xlɛ Mawu we mɔ mɛ titew.ungbe. Le osɛn mitɔn mɛ,e hɛn, e na su takwa Dadahlɔma tɔn ,alo e ni gbɔ susu? ¹⁵ "Jezu ka mɔ nukunu jɛ e wu ɖɔ ayi awe bɛ ye bo le zan xa emye ,bo yigbe na ye ɖɔ: " etɛ we mɔ wɛ mi le ɖo na un? Mi ze gankwa hlɔma nu lɛɛ tɔn ɖokpo wa ma kpɔn. " ¹⁶ Bɔ ye ze gankwa ɖokpo wa n' i,bɔ ekpɔn eji , bo kanse ye se ɖɔ :" Mɛ wɛ e ɖe d'eji ? mɛ we nyikɔ ke le eji?" ye yi gbe n'i ɖɔ:" Dada hlɔma tɔn tɔn wɛ. " ¹⁷ Bɔ Jezu ɖɔ na ye ɖɔ :" Mi bo ze nu ke nyi Dada hlɔma tɔn tɔn ze jo na Dada hlɔma tɔn, bo ze nu ke nyi Mawu tɔn ze jo na Mawu . " Oxosin exɔn ke Jezu na ye lɔ kpaca ye tawun. ¹⁸ Sisɛngbɛ ke e nɔ ylɔ ɖɔ saduseɛn lɛɛ wa Jezu de . ( Ye lɛɛ wɛ nɔ ɖɔ omɛ kuku lɛɛ bo ma le fɔn gɛɛ.) ye kanse Jezu ɖɔ : " ¹⁹ Mɛsi ,onu ke Mɔyizi wlan ɖ'ayi na mi ke: 'Enyi mɛɖe ɖo nɔvi sunnu, bɔ e ɖe nyɔnu,bo ma ji vi gɛ, bo ku jo asyɛ do , nɔvyɛ na ze akposi lɔ bo naɖe bo ji vi le ewu ,bo na do kpla kun na nɔvye ke ku lɔ,' ²⁰ Nɔvi nɔvi sunnu canwe ɖe lɛɛ le mimɛ . Omɛ nukɔn tɔn ɖe nyɔnu, e ma jivi gɛɛ,bo ku jo nyɔnu lɔ do. ²¹ Omɛ awe gɔ sɔ asukusi lɔ ɖe ; e ma ji vi gɛɛ bo ku. Lexa jin wɛ mɛ atɔngɔ lɔsutɔn nyi ɖo gba . ²² Bɔ nɔvi nɔvi canwe xɔn lɛɛ kpokpo ku ma ɖo vi donu . Exɔn godo nyɔnu lɔ lɔsu wa ku. ²³ hwekenu omɛkuku lɛɛ kpo ka n a wa fɔn , mɛ we asi wɛ nyɔnu xɔn na wa nyi le ye mɛ ? Eyɔ xɛn ka ko nyi ye mɛ canwe lɛ kpo we asi kpon . " ²⁴ Jezu yi gbe na ye ɖɔ: " Mi ma mɔ ɖɔ mye le bu mɔ din ? Do mi ma mɔ nukunnu jɛ Mawuxo lɔ wu gɛɛ,mi ma lɛɛ mɔ nukunnu jɛ hlɔnhlɔn Mawu tɔn wu gɛɛ . ²⁵ Hwe kenu omɛ kuku lɛɛ kpo na fɔn sɔn ku ,mɛ ɖe ma le ɖe nyɔnu gɛɛ , mɛɖe ka ma le ɖe asu gɛɛ. Mɛ lɛɛ kpo na ci wɛnsagun Mawutɔn ke le sɛxwe lɛɛ ha . ²⁶ Mɛkuku lɛɛ na fɔn we xo lɔ,mi ma mɔ xa le wema Moyizi tɔn ke ɖɔ xo do ogbe wu lɔ ? E wɛ le nyi ɖɔ: 'Nyɛ wɛ nyi Mawu Ablaxamu tɔn,Mawu Isaki tɔn,Mawu Jakɔbu tɔn . ' ²⁷ Mawu ma nyi Mawu mɛkuku lɛɛ tɔn gɛɛ ;amɔ Mawu mɛ ke le gbɛ lɛɛ tɔn wɛ enyi . Omɔ wɛ mi le bu tawun . " ²⁸ Sɛnkpɔnmɛtɔ ɖe le flɛn , bo se onu ke ye le dɔn lɔ . E mɔ dɔ Jezu bo yi gbe na ye ɖo ganji , e sɛkpo ɛ , bo kɛnse ɖɔ : " Osɛn tɛ wɛ le nukɔn le osɛn lɛɛ kpokpo mɛ ²⁹ ?Jezu ka yi gbe ni ɖɔ: " Osɛn nukɔn tɔn ke : 'Izlayɛli, ɖoto ! Aklunɔ Mawu mitɔn ɖokponɔ gee wɛ nyi aklunɔ, ³⁰ bɔ a na yi wan na Aklunɔ Mawu towe kpo ayitowe bi kpo ,kpo alindɔn towe bi kpo, kpo linlin towe bi kpo ,kpo hlɔnhlɔn towe bi kpo . ' ³¹ Osɛn awe gɔ lɔ ke : ' A na yi wan na nɔzo towe ɖi yɔ lɔsu ha . ' Osɛn ɖe ma lɛ hugan exɔn lɛɛ gɛɛ . " ³² Osɛnkplɔnmɛtɔ lɔ ka ɖɔ na Jezu ɖɔ: " Mɛsi , enyɔ ganji ,oxo nugbo wɛ aɖɔ, Aklunɔ wɛ nyi Mawu ɖokpo gee ke le lɔ, bɔ Mawu ɖe ma le zɛ eyɔ wu gɛɛ . ³³ Hun ,gbɛtɔ ɖo na yi wan na Mawu kpo ayixa etɔn kposese kpo ,kpo linlin etɔn bi kpo, kpo hlɔnhlɔn etɔn bi kpo ; e ka na yi wan na nɔzo etɔn ɖi elɔsu ha ; exɔn nyɔ wu avɔ ke e dozo , kpo vɔsisa ɖe lɛɛ bi kpo . " ³⁴ Jezu mɔ ɖɔ nunywɛtɔ we gbe wɛ dahwe xɔn lɔ yi, bo ɖɔ n'i ɖɔ: " A ma lɛ ɖɛɛn do axɔsunuto Mawu tɔn gɛɛ. " Mɛɖe ma lɛɛ gla bo kan xo ɖe wui se gɛɛ. ³⁵ Jezu gbɛkpo le kplɔn nu mɛ le sinsɛnxɔ lɔ mɛ , bo kanse ɖɔ : " Naɖe wɛ sɛnkplɔnmɛtɔ lɛɛ ka na si xu ɖɔ Klisu lɔ Davidi vi wɛ e nyi ɖo ? ³⁶ Ɖo oyɛ Mawu tɔn ze do ayimɛ na Davidi , bɔ elɔsu ɖɔ :' Aklunɔ ɖɔ na Aklunɔ ce ɖɔ : Flon aɖisi ce mɛ , kaka ma sɔ kɛntɔ towe lɛ do blo afɔɖotɛn towe. ' ³⁷ Davidi lɔsu xɛn ylɔ ɛ ɖɔ ' Aklunɔ . Naɖe wɛ e ka na lɛ nyi ovye ɖo ? " Oxo xɔn ke Jezu le ɖɔ nyɔse na mɛ ke le flɛn lɛ kpokpo. ³⁸ Jezu ɖɔ na mɛ ke e le kplɔn nu lɛɛ ɖɔ: " Mi cɔ miɖe do sɛnkplɔnmɛto lɛɛ wu , ɖo onu ke nɔ vivi na ye lɛɛ wɛ nyi ɖɔ ye ni nɔ le awu gaga mɛ bo na le ɖisa ; e ni nɔ do gbe na ye le tokpletɛn lɛɛ. ³⁹ Ye nɔ ba na flanyi le okpo nukunleji lɛɛ mɛ le kplɔn gbasa lɛɛ, bo nɔ ba na flɔn otɛn nukɔntɔn lɛɛ mɛ le jonɔgbe . ⁴⁰ Ye nɔ kla jɛ onu ke nyi asukusi lɛɛ tɔn kpokpo ji ,bo ka nɔ le oɖɛ gaga xo,bo na do ɖexlɛ gbɛtɔ lɛ ɖɔ omɛ ɖagbe bɛ mye bo nyi . Mawu na dɔn to na ye , bɔ ena syɛn tawun . " ⁴¹ Jezu flanyi , bo kpan nukɔn ogba kemɛ e nɔ jɔ kɔbɔ ɖo lɔ ,bo le kpɔn leke mɛ lɛ le ze kɔbɔ demɛ ɖo . Dɔkun nɔ lɛɛ le ze akwa ɖaxo ɖaxo d'emɛ . ⁴² Asukusi wamamɔnɔ ɖe ka wa , bo ze akwa vuvu awe do ogba lɔ mɛ; akwa awe lɛkpo nyi flan ɖokpo ha. ⁴³ Jezu ka ylɔ ahwanvi etɔn lɛɛ kple ,bo ɖɔ:" Ma ɖɔ xonugbo na mi, akwa ke asukusi wamamɔnɔ xɔn lɔ na din hugan mɛ ɖyɛ lɛɛ kpokpo tɔn . ⁴⁴ Ɖo mɛ ɖyɛ lɛɛ kpokpo , onu ke kpe ye kpo wɛ ye wa na do akwa gba lɔ mɛ. Eyɔ ,akwa ke le esi bɔ e na do xɔ nu ɖu, bo na nɔ gbɛ , kpokpo sese wɛ e sɔ do ogba lɔ mɛ."