¹ Jezu kpo ahwanvi e tɔn lɛɛ kpo ko sɛkpo Jeluzalɛmu, bo ma sɔ dɛɛn din do Betani kpo Bɛtifajee kpo le olivutin so lɔ kpa; bɔ Jezu ɖo ahwanvu etɔn awe ɖo xlan, ² bo ɖɔ na ye ɖɔ:"Mi yi gletoxo ke le nukɔn na mi xɔn lɔ mɛ. Mi byɛ mɛ trolo, mi na mɔ sɔkɛtɛkɛtɛvi ke ji mɛɖe ma flannyi le kpon gbeɖe gɛ dokpo le sinsin; mi tunkan n'i,bo zeewa na wun. ³ Mɛɖe ka kan nuke zɔn bɔ mi le blo lexa lɔ mi se, mi yi gbe n'i ɖɔ:" Nu etɔn bɛ bo hudo Aklunɔ;" exɔn, mɛ lɔ na jodo na mi trolo, bɔ mi na zee wa fi." ⁴ Ye ka yi toxo lɔ mɛ ,bo mɔ tocivi ɖokpo le sin sin le hɔntogbo ɖe kpa le omɔto ,bɔ ye tlwi. ⁵ Mɛ ke le te le flɛɛn lɛ ɖe kanse ɖɔ: " Etɛ mi le blo xɔn lɔ Naɖe enyiɖo bɔ mi le tun kan na tocivi lɔ" ⁶ Ye ka yi gbe na yee ɖo leke jezu ɖɔ na ye ɖo, bɔ ye jo ye do. ⁷ Ye kplan sɔkɛtɛkɛtɛvi lɔ wa na Jezu , bo tɛ awwu yetɔn lɛɛ do osɔkɛtɛkɛtɛvi lɔ ji, bɔ Jezu flannyi le ji. ⁸ Omɛ susu lɛɛ tɛ avɔ yetɔn lɛɛ ɖo omɔ lɔ ji, mɛ ɖevo lɛɛ gbo ama kɔnyi omɔn lo ji. ⁹ Bɔ mɛ ke le nukɔn na Jezu lɛɛ kpo mɛ ke le godo n'i lɛ kpo nɔ ɖ' axwa bo nɔ ɖɔ:"Ozana! Susu na mɛke ja le Aklunɔ we nyikɔ mɛ lɔ. ¹⁰ Susu na Ahɔluɖuɖu ke jalɔ; ahɔluɖuɖu ta mitɔn Davidi tɔn. Ozanza! Susu na Mawu ajalɔnlɔn le jihwle." ¹¹ Jezu yi Jeluzalɛmu, bobyɛ sinsɛnxɔ mɛ, bo kpɔn le ke onu lɛɛ le yi ɖo ɔn. Ke eka mɔ ɖɔ hwenu lɔ ko le yii, eyɔ kpo mɛdoxlan etɔn wyawe lɛɛ kpo lɛkɔ bo yi Betanii . ¹² Ayihɔngbe etɔn hwe ke nu Jezu kpo mɛdoxlan etɔn lɛɛ kpo wa le lɛ sɔn Betanii, xovɛ cii. ¹³ E ka mɔ figitin ɖe ɖoxlan, bɔ e ɖo aman ganji, bɔ e sɔ mɔ bo yi atin lɔ kɔn, bo na kpɔn ɖɔ emye na mɔ sinsɛn ɖe l'eji wɛ ja; amɔ, ke e yi atin lɔ gɔ, e ma mɔ nuti l'eji sɔ zɛ ama etɔn lɛ gɛ, ɖo hwenu ke e nɔ sin lɔ ma ko wa gɛ. ¹⁴ Jezu ka ɖɔ na atin lɔ bo ɖɔ:" Mɛ ɖe ni nɔ kpɔn sɔ ɖu sinsɛn tɔwe kpɔn gbeɖe gɛ," bɔ ahwanvi e tɔn lɛɛ se xo ke e ɖɔ xɔn lɔ. ¹⁵ Jezu kpo mɛɖoxlan etɔn lɛɛ kpo lɛ lɛko wa Jeluzalɛmu, bɔ Jezu byɛ sinsɛn xɔ mɛ, bo jɛ onusatɔ lɛɛ kpo onuxɔtɔ ke le oxɔ lɔ mɛ lɛɛ kpo nya ji; e fli akwa ɖyɔtɔ lɛɛ we tavo cɔn nukun mɛ do, bo fli ahwanɛ satɔ lɛɛ we zinkpo nyi ayi; ¹⁶ bo do sɛn na ye bo ɖɔ:" mɛɖe ni nɔ kpɔn sɔ hɛn ajɔnu dekpekpe din gbɔn sinsɛnxɔ lɔ mɛ gɛ. ¹⁷ E ka jɛ onu kplɔn ye ji ɖɔ:" Ye ko wlan do Mawuxo wema lɔ mɛ ɖɔ:" Oxwe ce , odɛxixo hwe wɛ ye na nɔ ylɔ ɖɔ, bɔ akɔta lɛɛ kpo na nɔ wa ɖɔ oxo xa Mawu l'emɛ." Bɔ mye lɛɛ ka ze do ɖo ajotɔ lɛɛ we avajɛtɛn." ¹⁸ Avɔsan na Mawutɔ gan lɛɛ kpo osɛnkpɔnmɛtɔ lɛɛ kpo se nu ke Jezu blo exɔn lɔ, ye jɛ leke ye na blo ɖo hwi lɔ we ayi kan ji, ye ka lɛ le ɖi bu, ɖo mɛ lɛɛ kpo wɛ nukplɔnmɛ Jezu tɔn nɔ nyɔ sise na. ¹⁹ Ke hwedo wa do, Jezu kpo mɛɖoxlan e tɔn lɛɛ kpo tɔn ton sɔn toxo lɔ mɛ ²⁰ Ayihɔngbe etɔn zanfɔnnu tɛɛn, Jezu kpo ahwanvi etɔn lɛɛ kpo wa sɔ mɔ, bo le yiyi ɔn, bo mɔ atin ke Jezu donu lɔ, bɔ e ko xu sese kaka yi adɔ eton . ²¹ Piyɛɛ ka flin onu ke jɔ wa yi lɔ , bo dɔ na jezu dɔ : "Mɛsi, kpɔn atin ke a do nu lɔ xɛn xu!" ²² bɔ jezu yixo bo ɖɔ na ahwanvu etɔn lɛɛ bo ɖɔ :"Mi di nu na Mawu; ²³ ma ɖɔ xojɔxo na mi ,enyi mɛdɛ dɔ na oso ekɔ dɔ :"Sɛ tɛn sɔn fi,bo yi jɛ oxu mɛ ,"bɔ e ma ka xo nu kpɔn le ayi mɛ gɛ ,bo ɖi ɖɔ onu ke ɖɔ wɛ emye le lɔ na jɔ lɔ ɔ, e najɔ. ²⁴ Exɔn wutu wɛ un le ɖiɖɔ ɔn na mi ɖɔ :nu dekpekpe ke mi na byɔ Mawu le oɖɛ mɛ lɔɔ , mi ɖeji ɖɔ emye bo ko mɔ bo yi ;mi ka na mɔ ɖ'eji xonugbo. ²⁵ Enyi mi ka le ote , bo le oɖɛ xo ɔn bo flin ɖɔ awegɔ emye tɔn bo wa nu jɛ do na emye , hun mi bo sɔ kɛ ɛ; exɔn tɔn ,ta mitɔn ke le sɛxwe lɔ na sɔ hwɛ kɛ mye lɔsu gba. ²⁶ "Amɔ ,enyi mi ma nɔ sɔ hwe kɛ mɛ gɛ ɛ, ta mitɔn ke le sɛxwe lɔ ma le sɔ hwɛ kɛ myɛ lɔsu gɛ. ²⁷ Jezu kpo ahwanvi etɔn lɛɛ kpo lɛkɔ bo yi Jeluzalemu, bo byɛ sinsɛnxɔ mɛ, bɔ hwekenu Jezu le ɖisa gbɔn sinsɛnxɔ lɔ mɛ lɔ, avɔsanamawutɔgan lɛɛ, kpo osɛnkpɔnmɛtɔ lɛɛ kpo, kpo mɛxo lɛɛkpo sɛkpɔ ɛ, ²⁸ bo kanse w'i ɖɔ:" acɛ tɛ wɛ a ka ɖo, bo nɔ do le onu exɔn lɛɛ wa ɔn? ²⁹ Jezu ka yi gbe na ye ɖɔ:" Ma kan xo ɖokpo se wu mi, na mi na osin etɔn wu un, nyɛn lɔsu na ɖɔ acɛ ke un nɔ do wa nu exɔn lɛɛ na mi. ³⁰ Mɛ wɛ ka ɖo Jaan ɖoxlan bɔ e wa nylɔ mɛ do tɔmɛ? Mawu wɛ a, alo gbɛtɔ lɛɛ? Mi ɖɔ ma se." ³¹ Ye ka jɛ ɖiɖɔ ji le yeɖe lɛɛ cɛncɛn bo ɖɔ:" Enyi mi yi gbe ni ɖɔ Mawu wɛ, e na kanse wu mi ɖɔ:" Bɔ etɛ wutu mi ma ka ɖi nu na Jaan lɔ gɛ.?" ³² Ye ka le ɖibu na togun lɔ, bo ɖɔ:" Mi ma sigan gla din bo na ɖɔ gbɛtɔ lɛɛ wɛ ɖo e ɖoxlan gɛ, ɖo togun lɔ kpokpo wɛ ze Jaan do mɔ oxoyiɖɔtɔ Mawu tɔn." ³³ Bɔ ye gbɔ bo yi gbe na Jezu ɖɔ:" Mi ma nywɛ gɛ." Hun nyɛ lɔsu ma le omɛ ke na acɛ wu un, bɔ un nɔ do wa onu exɔn lɛɛ lɔ na ɖɔ na mi ɔn gɛ .