¹ Hwe ke nu Jezu le sinsɛnxo lɔ mɛ tɔn sɔn wɛ, ahwanvi etɔn lɛɛ ɖokpo ɖɔ n'i ɖɔ :" Mɛsi, kpɔn okpɛn ɖagbwe ɖagbwɛ kɔ lɛɛ, bo kpɔn le ke oxɔ lɔ klo bo gble ɖo " ² Jezu ka yi gbe n'i ɖɔ: "A na mɔn oxɔ ɖaxo ekɔ lɛɛʔ Okpɛn ke e ze do gba oxɔ kɔ lɛɛ lɔɔ ɖe ma sɔ na kpo le ɖe ji gɛ " ³ Jezu ka wa yi flɔn olivintin we oso lɔ ji , le sinsɛnxɔ lo we nukɔn Piyɛɛ kpo Jaki kpo, Jaan kpo, kpo Andlee kpo ka wa yi mɔ ɛ, ɖo vo , bo kanse wi i ɖɔ: " ⁴ Dɔ hwe ke nu onu exɔn kpo na wa jɔ do lɔ xlɛ miʔ" ⁵ Jezu ka jɛ ɖiɖɔ na ye ji ɖɔ:" Mi hen ayi mitɔn na mɛɖe ni nɔkpɔn wa flu mi gɛ. ⁶ Do omɛ susu na ze nyikɔ ce bo na tɔn bo ɖɔ:" Nye wɛ nyi Klisi lɔ," bo na flu omɛ susu. ⁷ Hwe ke nu mi na se ɖɔ e le ahwan ɔ, bo le ahwan ɖɔ ɔn ado ni kpɔn hu mi gɛ; onu wɛ e nyi bo ɖo na jɔ; amɔ, e ma ka ko nyi dɔ ogbɛ lɔ wɛ ko le vivɔ ɔn xɛn gɛ . ⁸ Akɔta ɖe na cite do ɖe ji , axɔluto ɖe na cite do ɖe ji, ayizan na hunhun gbɔn ofi tɛnmɛ tɛnmɛ , xovɛ na tɔn . 0nu exɔn lɛɛ wɛ na nyi bibɛnu awuvɛmimo l ⁹ Amɔ , mye lɛɛ , mi bo hɛn ayi mitɔn , bo nɔ aceji, ɖo ye na wa do tagba na mi, bo na no kplan mi yi ohwɛgun ; ye na nɔ xo mi le okplongbasa lɛɛ, ye na no kplan mi yi axɔlu lɛɛ kpo otokpongan lɛɛ kpo we nukɔn, ɖo nyɛ wutu, bɔ mi na nɔ ɖe kunnun na un le nu kon yetɔn. ¹⁰ Do e ɖo na jla Owɛn ɖagbwe Mawu ton lɔ na akɔta lɛɛ kpo hwɛkpo. ¹¹ Enyi ka na wa wle un do xwe ohxɛ nukɔn, hun mi nɔkpɔn le gba tamɛ, bo na le onu ke mi na yi ɖɔ le dɔn, bo do hwlɛn mide lɔ linkpɔn gɛ ; onu ke mawu na ze do ayi mɛ na mi hwe exɔn nu lɔ wɛ mi na ɖɔ, ɖo mye mɛ le oxo na ɖɔ ɔn gɛ, Oyɛ ɖeɖevo lɔ wɛ. ¹² Nɔvi na jo nɔvyɛ, bɔ e na hu ; ovi lɛɛ na fɔn gu do omɛjitɔ yetɔn lɛɛ ji, bo na zɔn ɖɔ e ni hu ye. ¹³ Mɛ lɛɛ kpo na gbɛ wan na mi ɖo nyɛ wutu; amɔ , mɛ ke na dɛ le oya exɔn lɛɛ nu kaka wa yi vivɔnu u, e hwlɛn ɛ gan . ¹⁴ Hwe ke nu mi na wa mɔ osuɖunu baɖabaɖa lɔ le otɛn ke mɛ e ma ɖo na nɔ gɛ ɛ, ( mɛ ke xa onu e xɔn ni mɔ nukunnu jɛ e wu ) ;mɛ ke le judee we anyizan ji lɛ ɛ ni si bo yi osokan lɛɛ mɛ . ¹⁵ Mɛ ke le oxɔ ta ni nɔkpɔn jɛ te bo wa ze nuɖe le oxɔ mɛ gɛ . ¹⁶ Mɛ ke ka na le ogle mɛ ni nɔkpɔn ɖɔ emye bo na lɛkɔ wa ze awu emyetɔn ɖaxo lɔ le oxwe gbe gɛ. ¹⁷ Azan nyinyla wɛ azan exɔn lɛɛ na nyi na nyɔnu ke na le oxo , kpo ke na ɖo ovi le anɔ nu hwe exɔn nu lɛ kpo . ¹⁸ Mi fankoe na Mawu, na onu exɔn lɛ ni nɔ kpɔn jɔ le vivɔ mɛ , alo le jokun hwenu gɛ. ¹⁹ Ɖo le azan exɔn lɛ mɛ, adan ke na gbo gbɛtɔ lɛɛ na syɛn kaka , bɔ e mako mɔ lexa tɔn kpɔn gbe ɖe sɔn hwe ke nu Mawu ko da ogbɛ lɔ kaka wa jɛ odin gɛ ; e ma ka sɔ na lɛ mɔ lexatɔn ɖe gbeɖe kpɔn gɛ . ²⁰ E ma nyi Aklunɔ ko ɖe azan exɔn lɛ kpo gɛ wɛ , mɛti ma le gan gɛ ; amɔ, e ɖe azan e xon kpo , ɖo mɛ ke e cyan do ovo lɛ wutu . ²¹ Na mɛɖe wa ɖɔ na mi ɖɔ :" kpɔn , klisi ke le fikɔ, ", alo : "kpɔn,exɛn le dɔn" , mi nɔ kpɔn ɖi nu n' i gɛ. ²² Ɖo mɛ ke nɔ ze yede do ɖo klisi lɛɛ kpo mɛ ke nɔ ze yeɖe do ɖo oxoyiɖɔtɔ Mawu ton lɛɛ kpo na wa xwetɔn . Ye na nɔ jlɛ nu , bo na nɔ ɖe onudabla lɛɛ xlɛ , bɔ nɛ ye kpewu, ye na flu mɛ ke Mawu cyan lɛɛ. ²³ Mye , ayi miton ni nɔ te ,onu lɛ kpokpo xɛn un ko ɖɔ na mi . ²⁴ Amɔ le azan xɔn lɛ gbe,le yajiji xɔn we godo , ohwe na do zivlu ; osun ma sɔ na na hihɔn e tɔn ba gɛɛ, ²⁵ bɔ sunvi lɛɛ na flɛ sɔn oji ,bɔ e na hunhun acɛkpikpa ke le oji lɛ. ²⁶ Exɔn godo,e na mɔ ovi gbɛtɔ tɔn lɔ le akpɔkpɔ ji bɔe na ja ,kpo hɔnhlɔn kpo ,kpo susu ɖaxo ɖe kpo . ²⁷ E na ɖo wɛnsagun etɔn lɛɛ ɖo hlan , bɔ ye na kple mɛke e cyan gbon wɛkɛzo enɛ lɛɛ mɛ, sɔn fike ayizan vɔ ɖo, kaka yi jɛ fi ke oji lɔ vɔ ɖo. ²⁸ Mi kpɔn nu do figitin wu: enyi ɖɔ ala etɔn lɛɛ jɛ ama mu do ji,bo jɛ ama zɔn ji, mi nɔ nywɛ ɖɔ oxwe jokun jo na bɛ. ²⁹ Lexa ke , nɛ mi mɔn bɔ onu xɔn lɛɛ le jɔ ,hun mi bo nywɛ ɖɔ nyɛ ovi gbɛtɔtɔn ko sɛkpɔ bi , bo ko le ohɔn ji. ³⁰ Ma ɖɔ xojɔxo na mi :mi mɛ ke le gbɛ din lɛɛ kpokpo ma le ku hwɛkpo onu xɔn lɛ kpokpo na jɔ gɛ. ³¹ Oji kpo odo kpo na vɔ , amɔ, oxo ce lɛ ma le vɔ gbede gɛɛ ³² "Mɛti ma nyɔ azan lɔ wi gɛ ;mɛɖe ma lɛɛ nyɔ ogan lɔmɛ wui gɛ; wɛnsagun Mawu tɔn lɛɛ ma nywɛ gɛ;nyɛ ovi Mawutɔn lɔsu ma nywɛ gɛ ;Mawutɔ ɖokpo nɔ gee wɛ nywɛ. ³³ Mi cɔ miɖe , bo le aceji ,ɖo mi ma nyo oxwelɔnu wi gɛ. ³⁴ E hɛn e na jlɛ do dahwe ke xwe tomɛ , bo ze oxwe etɔn do alɔ mɛ na mɛsɛntɔ etɔn lɛɛ ha;e ma azɔn yetɔn yetɔn na ye , lobo zɔn hɔnji nɔtɔ lɔ ɖɔ ni nɔ nukle . ³⁵ Hun mi bo nɔ aceji ,ɖo mi ma nyɔn hwekenu oxwetɔ lɔ na lɛkɔwa gɛ; e sixun nyi hwedo , esixun nyi zan gbo d'awe ,e sixu nyi koklo d'ase ,alo zanfunu tɛɛn . ³⁶ Mi nɔ kpɔn lɔn ni wa fyan mi , bɔ e na mɔ mi le amlɔ mɛ gɛ. ³⁷ onu ke un le ɖɔ na mi , mɛ lɛ kpo wɛ un le ɖɔ na;mi nɔ aceji ."