¹ Dindinwayixwe kpo osɔ ,bɔ Jezu nywɛ ɖɔ ogan ke mɛ emye bo na lɛ sɔn gbɛ mɛ fi , bo na yi Mawu de lɔ xo . E yi wan na mɛ ke nyi etɔn le ogbɛ lɔ mɛ lɛɛ bo ɖo wan yiyi na ye kaka yi ku . Jezu kpo ahwanvi etɔn lɛɛ kpo le ɖu hwedonuɖuɖu . ² Awovi ka ko ze linlin nyinyla do ayi mɛ na Judaa Isikaliɔti Simɔ we ovi lɔ ɖɔ ni bo sa Jezu . ³ Kezu ka nyɛ ɖɔ Mawu bo ko ze onu lɛɛ kpo do alɔ mɛ na emye ,bɔ wɛ emye ka sɔn , bo ka na lɛ lɛkɔ bo xwe e de, ⁴ e cite sɔn nuɖuɖu lɔ kɔn, bo ɖe awu etɔn lɛɛ, bo ze avɔ ɖe bo sin do alin mɛ . ⁵ Exɔn godo , e ba sin do gannu mɛ , bo jɛ afɔ klɔ na ahwanvi etɔn lɛɛ ji ɖokpo ɖokpo , bo nɔ dɔn avɔ ke e sin do alin mɛ lɔ bo nɔ do susu afɔ na ye . ⁶ E wa jɛ Simɔ Piyɛɛ ji , bɔ eyɔ ɖɔ : "Aklunɔ , yɔ wɛ na klɔ afɔ na un ? " ⁷ Jezu ka yi gbe n ' i ɖɔ : " Onu ke un le blo , a ma ko nyɛn odin gɛ; anɔ kaka a , a na wa nywɛ . " ⁸ Piyɛɛ lɛɛ ɖɔ na Jezu ɖɔ : " Ama le klɔ afɔ na un gbeɖe gɛ ! " Bɔ Jezu ɖɔ n ' i ɖɔ: " Enyi un ma klɔ afɔ na we gɛɛ , hun a ma sɔ nyi ahwanvi ce gɛ . " Exɔn wutu , ⁹ Sinmɔɔ Piyɛɛ ɖɔ n ' i ɖɔ : "Na enyi lexa wɛ hun Aklunɔ ,ni nɔkpɔn nyi ɖɔ afɔ ce lɛɛ kɛɖɛ wɛ a naklɔ gɛ ; klɔ alɔ ce lɛɛ , bo klɔ ota ce lɔsu d' eji . " ¹⁰ Jezu ka yi gbe n ' i ɖɔ : " Mɛ ke ko lɛ osin , afɔ kɛɖɛ jɛn kpo n ' i bɔ e na klɔ , bo na mɛ ;ɖo mimɛ ji wɛ mi ko le ; amɔ e ma nyi mi mɛ kpo wɛ gɛ . " ¹¹ Jezu ɖɔ le , ɖɔ eko nyɔ mɛ ke na sa ɛ ɖu lɔ le ye mɛ ; nu ke wutu e ɖɔ e ma nyi ye mɛ kpo wɛ nyi omɛ mimɛ gɛ lɔ xɛn . ¹² Ke e klɔ afɔ na ye mɛ kpo sɔ yi foo, e lɛ ze awu etɔn lɛɛ bo sɔ do ,bo yi flɔn otɛn etɔn mɛ le nuɖuɖu lɔ kɔn , bo kan ye se ɖɔ : " Mi ka mɔ nukunnu jɛ onu ke un blo na mi din lɔ mɛ ? ¹³ Mi nɔ ylɔ un ɖɔ ' Mɛsi ' , bo nɔ ylɔ un ɖɔ 'Aklunɔ' ; ohwɛ mitɔn jɔ , ɖo nu ke un nyi lɔ xɛn . ¹⁴ Hun , enyi nyɛn mɛ ke nyi Aklunɔ mitɔn , bo nyi Mɛsi mitɔn lɔ ka klɔ afɔ na mi i , e jɛ ɖɔ mi na nɔ klɔ afɔ na miɖe . ¹⁵ Ɖo kpɔndewu ɖe wɛ e nyi , bɔ un na mi , na mye lɔsu na nɔ blo ɖi le ke un blo ɖo na mi ha . ¹⁶ Ma ɖɔ xojɔxo na mi: omɛsɛntɔ mɔ nɔ hu gan ogan etɔn gɛ ; lexa ke , wɛnzangun mɔ nɔ hu gan mɛ ke ɖo e ɖo xlan lɔ gɛ . ¹⁷ Onu lɛɛ kpo mɛ xɛn mi mɔ nukunnu jɛ xɛn ; e nyi mi blo ɖ' e ji ,e na nyɔ na mi . ¹⁸ Mi mɛ kpo xo mɛ un ka le ɖɔ gɛ, ɖo un nyɔ mɛ ke un cyan lɛɛ ; nu ke Mawuxowema lɔ ka ko ɖɔ lɔ ɖo na jɔ . E wɛ nyi ɖɔ : " Mɛ ke nɔ ɖu nuɖuɖu ce lɔ lilɛ kpan nukɔn wu un . " ¹⁹ Un le ɖɔ na mi odin , hwe kpo e na wa jɔ ; bɔ na e wa jɔ , mi na ɖi nu ɖɔ nyɛ wɛ nyi mɛ ke un nyi lɔ . ²⁰ Ma ɖɔ xojɔxo na mi ; mɛ ke yi mɛ ke un ɖo xlan lɔ ɖe kpekpe we jonɔ ɔ, nyɛn lɔsu wɛ e yi , bɔ mɛ ke ka yi un , mɛ ke ɖo un ɖo xlan lɔ wɛ e yi . " ²¹ Ke Jezu ɖɔ oxo exɔn lɛɛ godo , ayi etɔn kpokpo gbado , bɔ e ɖɔ : " Ma ɖɔ xojɔxo na mi : mɛ ɖo kpo le mi mɛ bo na sa un . ²² "Ahwanvi etɔn lɛɛ ma nyɔ mɛ ke xo wɛ e le ɖɔ le ye mɛ lɔ gɛɛ ,bɔ ye jɛ yeɖe kpɔn ji . ²³ Ahwanvi Jezu tɔn ke eyi wan na tawun lɔ ka le akpa n ' i bo le onuɖuka lɔ kɔn . ²⁴ Simɔn Piyɛɛ ze ota do ɖɔ xo n ' i ɖɔ ni kanse Jezu ɖɔ mɛ we xo wɛ ele ɖɔ . ²⁵ Eyɔ ka dɛ ɖo Jezu we akɔnnu , bo kanse w 'i ɖɔ: "Aklunɔ ,mɛ wɛ ka nyi mɛ lɔ? " ²⁶ Bɔ Jezu yi gbe n ' i ɖɔ: " Mɛ ke un na ze wɔxuxu go ɖɔkpo, bo syɔ nusɔnu , bo ze na lɔ ɔ , mɛ lɔ wɛ . " xonugbo o , Jezu ze blɛɖi go ɖokpo ,bo syɔ nusɔnu , bo ze na Juda a Simɔɔ Isikaliɔti we vi lɔ . ²⁷ Ke Judaa yi blɛɖi lɔ ɔ , Sataan biɔ ayi etɔn mɛ, bɔ Jezu ɖɔ n ' i ɖɔ : " Onu ke blo gbe wɛ aja yawu blo . " ²⁸ Ye mɛ ke le ɖu nu xa Jezu lɛɛ ma mɔ nukunnu jɛ onu ke wutu Jezu ɖɔ oxo exɔn na Judaa lɔ gɛ. ²⁹ Ke e ka nyi ɖɔ Judaa wɛ nɔ hɛn akwa yetɔn , mɛɖyɛ lɛɛ do ɖo ɖɔ eɖɔ n ' i ɖɔ ni yi xɔ onu ke e na do ɖu xwe lɔ , alo ni na nuɖe wamamɔnɔ lɛɛ wɛ e le ɖɔ n ' i sin . ³⁰ Ke Judaa yi blɛɖi lɔ ɔ , e tɔn tlolo. Ozan koku le hwe exɔn nu . ³¹ Ke Judaa tɔn ɔ , Jezu yi xo bo ɖɔ: " Odin ,ovi gbɛtɔ tɔn ko xɔ susu ,bɔ Mawu ko xɔ susu gbɔn e ji . ³² Ke Mawu xɔ susu gbɔn ovi etɔn gbla mɛ , Mawu lɔsu na ze ovi etɔn su le elɔsu de ;e ka na ze e su le madɛn madɛn mɛ . ³³ Ovi ce lɛɛ , un ma sɔ le mide na nɔ susu ɖe gɛ . Mi na din un . Oxo ɖokpo ke un ko ɖɔ na Jwifugan lɛɛ lɔ wɛ un le ɖɔ na mye lɔsu. E wɛ nyi ɖɔ : " O fi ke un xwe lɔ ɔ, mi mɛ ɖe ma sigan yi gɛ . " ³⁴ Un le na osɛn yɔyɔ ɖokpo mi: mi yi wan na miɖe ɖi le ke un yi wan na mi ɖo ha . ³⁵ Wan yiyi ke mi na ɖo na mi ɖe lɔ, wɛ na ɖe xlɛ mɛ lɛɛ kpo ɖɔ mi nyi ahwanvi ce xonugbo . " ³⁶ Simɔɔ Piyɛɛ kanse Jezu ɖɔ : " Aklunɔ , bɔ a ka xwe ? " Jezu ka yi gbe n ' i ɖɔ : "Fi ke un xwe lɔɔ , a ma kpego na xo do un o din gɛ ; amɔ ,na e ko wa ya a ,a na xodo un yi . ³⁷ Piyɛɛ lɛ kanse Jezu ɖɔ : " Aklunɔ, etɛwutu un ma kpego na xo do we yi odin gɛ? Un le gbesisɔ mɛ bo na ku ɖo ta towe mɛ . " ³⁸ Jezu ka yi gbe n ' i ɖɔ: " A le gbesisɔ mɛ bo na ku ɖo ta ce mɛ xojɔxo o ? Ma ɖɔ xo nugbo na we : hwekpo koklo na d 'ase e, a na ko gbɛ hwlan atɔn ɖɔ emye bo manyɔ un wi gɛ . "