¹ Dindinwayixwe kpo azanayizen bɔ Jezu yi Betanii fi ke Lazaa ke e fɔn sɔn oku lɔ nɔ nɔ lɔ. ² Ke e yi flɛɛn, ye na nuɖuɖu w'i, bɔ eyɔ kpo Lazaa kpo le ɖu, bɔ Maata le ma nuɖuɖu na ye. ³ Mali ka ze celu ke vɛ axi litli ovlɔ, bɔ e ze naa aku do blo lɔ, bo kɔn do afɔ Jezu tɔn lɛ ji, bo dɔn oɖa etɔn bo ɖo susu i, bɔ celu lɔ we owan gba kpe oxwe lɔ gbe kpokpo. ⁴ Jezu we ahwanvi Juda Isikaliɔti ke ja sisa ɛ gbe lɔ ɖɔ: ⁵ "Etɛwutu e ma ka na ze celu exɔn ke e na mɔ akwagan afɔ ɖe kanwe ko(250) hwɛkpo bo xɔ lɔ sɔ sa , bo na ma akwa etɔn na wamamɔnɔ lɛɛ gɛ?" ⁶ E ma ka nyi wamamɔnɔ lɛɛ we okan wɛ e le xo, bo ɖɔ lexa gɛ; ajotɔ wɛ enyi, ɖo eyɔ wɛ nɔ hɛn akwa yetɔn, bo nɔ le fin l'emɛ. ⁷ jezu ka ɖo :" Mi jo nyɔ nu lɔ do ni hɛn onu ke e ɖo lɔ na gbe ke gbe e na ɖi un lɔ. ⁸ Mye lɛɛ , wamamɔnɔ lɛɛ le mi mɛ tɛgbɛ ; nyɛ ma ka le mi mɛ tɛgbɛ gɛ." ⁹ hwe exɔn nu ,judeenu lɛɛ susu se ɖɔ jezu le betanii bo bɛ yede bo xwe dɔn ;e ma ka nyi jezu kɛɖɛ gbe wɛ ye tɔn gɛ , amɔ ,ye jlo na yi kpɔn lazaa ke e fɔn sɔn oku lɔ. ¹⁰ Avɔsan namawutɔ gan lɛɛ ka ɖe gbta tɔn ,bo na hu lazaa lɔsu , ¹¹ ɖo eyɔ wutu wɛ judeenu lɛɛ susu gedegede jo avɔsan namawutɔ gan yetɔn lɛɛ do ,bo ɖi nu na jezu. ¹² Anyihɔngbe etɔn ,ye mɛ susu gedegede ke wa oxwe ɖu gbe le jeluzalemu lɛɛ se ɖɔ jezu ja flɛɛn; ¹³ bɔ ye din dema bo hɛn do alɔ mɛ ,bo le axwa do ɔn kaka bo yi kpe e ;bo nɔ ɖɔ :"ozana !susu na Mawu .susu na mɛ ke ja le aklunɔ we nyikɔ mɛ lɔ :susu na axɔlu izlayɛlitɔn:" ¹⁴ Jezu mɔ osɔkɛtɛvi ɖokpo bo flɔn eji ɖi leke e ko wlan do Mawuxowema lɔ mɛ ɖo ɖɔ: ¹⁵ "Mi nɔ kpɔn ɖi bu gɛ! Sinyɔɔnu lɛɛ, axɔlu mi tɔn ke ja bo flɔn osɔkɛtɛkɛtɛvi ji xɛn!" ¹⁶ Awhanvi Jezu tɔn lɛɛ ma ka mɔ nukunnun jɛ nu exɔn lɛɛ ke le jɔ lɛɛ mɛ gɛ ; amɔ , hwe ke nu e ze Jezu su lɔ ɔ ye flin ɖɔ onu exɔn lɛɛ ke jɔ lɔ kpo sese wɛ e ko wlan do e go ɖ'anyi xojɔxo. ¹⁷ Mɛ ke le te hwe ke nu Jezu ylɔ Lazaa sɔn yɔdo mɛ , bo fɔn ɛ sɔn oku lɔ ɖɔ onu ke ye mɔ lɔ. ¹⁸ Onu exɔn wutu wɛ mɛ lɛɛ bɛ yeɖe geɖegeɖe bo wa kpe e , ɖo ye se ɖɔ e jlɛ onu lexa ɖe. ¹⁹ Falizyɛn lɛɛ ka jɛ ɖiɖɔ ji le yeɖe cɛncɛn ɖɔ :"Mi ma mɔ odin ɖɔ mi ma sigan kpe nuti wu bo wa din gɛɛʔ Exɛn mɛ lɛɛ kpo le xodo exɛn!" ²⁰ Glɛnsinu ɖe lɛɛ le mɛ ke wa Mawu sɛn gbe le Jeluzalɛmu xwe lɔ we hwenu lɛɛ mɛ. ²¹ Ye yi mɔ Flipu ke sɔn Bɛtizayidaa le Galilee we anyizan ji lɔ, bo ɖɔ n'i ɖɔ: "Mɛɖaxo, mi jlo na mɔ Jezu ." ²² Filipu ka yi ɖɔ oxo exɔn te na Andlee, bɔ ye mɛ awe lɛɛ zɔn kpɔ, bo yi ɖɔ na Jezu. ²³ Jezu ka yi gbe na ye bo ɖɔ : " hwe kenu e na ze ovi gbɛtɔ tɔn su lɔ we ogan wɛ xo lo . ²⁴ Ma ɖɔ xojɔxo na mi, e nyi jinukun ma yi do mɛ bo ku gɛ ɛ ,emɔ nɔ na nukun sisɛn gɛ ; ku wɛ e nɔ ku hwɛkpo bo nɔ gbakun. ²⁵ Mɛ ke yi wan na ogbɛ ogbɛ elɔsu tɔn ,ogbɛ etɔn na bu do e ; mɛ ke ka gbɛ wan na gbɛ e lɔsu tɔn le gbɛmɛ fii , e na hɛn ogbɛ etɔn ɖ' anyi na gbɛ mavɔ mavɔ. ²⁶ Mɛ ɖe jlo bo na nyi omɛsɛntɔ ce hun , omɛ lɔ ni xodo un, bɔ fike un na nɔ lɔ wɛ e lɔsu na nɔ. Enyi mɛɖe nyi omɛsɛntɔ ce , Tace na ze mɛ lɔsu . " ²⁷ Jezu ɖɔ: " Odiin, ayice kpokpo wɛ gbado. Naɖe un ka na ɖɔ ɖo ? Otɔ , Xɔ un le awuvɛ ke ja na un lɔ si wɛ un ka na ɖɔ? Eeo, un ma le ɖɔ le xa gɛɛ; exɔn wutu wɛ un wa. ²⁸ Hun Otɔ , bo ze nyikɔ towe sɔsu. Oxwe exɔn nu , ogbe ɖe ka ɖi sɔn jihwle , bo ɖɔ: " Un ko ze nyikɔ ce sɔ su ;un ka na lɛ ze e su. " ²⁹ Ke ahwan ke le flɛn lɛɛ se ogbe lɔɔ,ye ɖɔ :" gbɛmɛ wɛ le ɖe gbe . " Mɛ ɖevo lɛɛ ka ɖɔ : " wɛnzangun Mawu tɔn ɖe wɛ ɖɔ xo n' i. " ³⁰ Jezu ka yi xo bo ɖɔ : " Nyɛ wutu mɛ ogbe exɔn ɖi gɛ ; mye lɛɛ wutu wɛ. ³¹ Hwe ke nu Mawu na ɖɔ ohwɛ xa ogbɛ ekɔ lɔ ke wa lo ; odin wɛ Mawu na nya axɔlu gbɛmɛ fi tɔn lɛ tɔn. ³² Hwe kenu e na ze un sɔn anyizan ji do yi oji i, un na dɔn gbɛtɔ lɛɛ kpo do awu . " ³³ Oku alɔkpa ke ku gbe jezu ja lɔ we xo wɛ e le ɖɔ . ³⁴ Mɛ lɛɛ ka yi gbe n 'i ɖɔ : "Mi xa le Mawuxo wema lɔ mɛ ɖɔ klisi lɔ ma na ku gbeɖe gɛɛ , bɔ yɔ ka le ɖɔ na mi odin ɖɔ e na ze ovi gbɛtɔ tɔn lɔ do oji . Mɛ ka nyi ovi gbɛtɔ tɔn exɔn lɔ ? " ³⁵ Jezu ka ɖɔ na ye ɖɔ: " hinhɔn kpo le cɛncɛn mitɔn na hwenu kpɛɖe ; mi ɖi zɔnlin hwenu ke hinhɔn kpo le cɛncɛn mitɔn lɔ, na zinvlu ni nɔkpɔn wa cɔ mi gɛ ; ɖo mɛ ke le ɖi zɔnlin le zinvlu mɛ ma nyɔ fike e xwe gɛɛ . ³⁶ Hun , odin ke hin hɔn lɔ kpo le te na mi , mi bo ɖi nu n' i , bo na trɔzun gbɛtɔ hinhɔn tɔn . " ke Jezu ɖɔ xo exɔn lɛɛ godo ,e lɛ sɔn flɛɛn , bo ze eɖe hwla do ye le zɔ. ³⁷ Jezu jlɛ onu geɖegeɖe exɔn lɛɛ le nukun yetɔn mɛ,co bɔ ye ma ka ɖi nu n' i gɛ ; ³⁸ Na oxo ke mawu ko ɖɔ ɖ'anyi gbɔn xoyiɖɔtɔ etɔn Ezayi ji lɔ na do jɔ; e wɛ nyi ɖɔ: " Aklunɔ, mɛ ka ɖi nu na oxo ke mi ɖɔ lɛɛ ? Mɛ Aklunɔ ka ɖe hlɔnhlɔn etɔn xlɛ ? " ³⁹ Yema sigan ɖi nu xojɔxo gɛ, ɖo Ezayi lɛ ɖɔ : " ⁴⁰ Mawu va nukun na ye , na ye ni nɔkpɔn mɔ nukunnu gɛ ; e cɔn nu ayi yetɔn ji , na ye ni nɔkpɔn mɔnukunnuu jɛ onu mɛgɛ. Mawu ɖɔ: " Un blo lexa , na ye ni nɔkpɔn lɛkɔ wa dye na ma gbɔ azɔn na ye gɛ. " ⁴¹ Ezayi ɖɔ xo exɔn lɛɛ , ɖo e mɔ susu ke Jezu ɖo lɔ bo ɖɔ xo d' e wu . ⁴² Onu le lexa co Jwifugan lɛɛ susu ɖi nu na Jezu ; ye maka ɖe nu ɖiɖi yetɔn xlɛ gɛ, Falizeyi lɛɛ taa wa nya ye tɔn sɔn okplɔn gbasa lɛɛ. ⁴³ Ɗo susu xɔ le gbɛtɔ lɛɛ de mya nukun na ye hugan susu xɔ le Mawu de . ⁴⁴ Jezu do axwa bo ɖɔ , bo ɖɔ: Mɛ ke ɖi nu na un ,nyɛ kɛɖɛ mɛ e ɖi nu na gɛ ; e lɛ ɖi nu na mɛ ke ɖo un ɖoxlan lɔ . ⁴⁵ Mɛ ke mɔ un , e mɔ mɛ ke ɖo un ɖoxlan lɔ lɔsu . ⁴⁶ Nyɛɛ , un wa ogbɛ lɔ mɛ ɖi hinhɔn ha , na mɛ ke ɖi nu na un ni nɔkpɔn nɔ zinvlu mɛ gɛ . ⁴⁷ Enyi mɛɖe se xo ce , bo ma blo d' e ji gɛɛ, nyɛ mɛ na da hwɛ n' i gɛ , ɖo un ma tɔn ohwɛ da na mɛ gbe bo wa gbɛ lɔ mɛ gɛ ; ogbɛ lɔ hwɛngan gbe wɛ un ja bo wa . ⁴⁸ Mɛ ke gbɛ un ,bo ma yi oxo ce gɛ ɛ , eko ɖo onu ke na ɖɔ hwɛ xa ɛ lɛɛ ; oxo ke un ɖɔ lɛɛ wɛ ja ohwɛ ɖɔxa ɛ gbe le azan godo tɔn lɔ gbe . ⁴⁹ Đo nyɛ lɔsu we acɛ mɛ wɛ un na ɖɔ xo do gɛ ; amɔ , onu ke Otɔ ke ɖo un ɖoxlan lɔ zɔn ɖiɖɔ un lɔ wɛ un le ɖɔ . ⁵⁰ Un ka nywɛ ɖɔ onu ke Otɔ ke ɖo un ɖoxlan lɔ zɔn lɔ nɔ na ogbɛ mavɔmavɔ . Hun , oxo ke un le ɖɔ na mi lɛɛ kpokpo o , le ke Ta ce zɔn un ɖo lɔ ɖɔ ɖo wɛ un le . "