¹ Mɛ ɖe le, bo le jɛ azɔn bɔ e nɔ ylɔ ɛ ɖɔ Lazaa Betanii tɔn, Betanii, Mali kpo nɔvyɛ Maata kpo we gletoxo wɛ. ² Mali exɔn wɛ nyi wɛ nyi nyɔnu ke sa celu na Jezu, bo ze oɖa etɔn bo do susu afɔ etɔn lɛɛ lɔ; nɔvyɛ wɛ ka nyi Lazaa ke le jɛ azɔn lɔ. ³ Lazaa we nɔvi nyɔnu awe lɛɛ ka ɖo owɛn do owɛn ɖoxlan Jezu bo ɖɔ: "Aklunɔ hwannyi towe vivɛna lɔ le jɛ azɔn." ⁴ Ke Jezu se lexa a, e ɖɔ:"Oku mɛ na ɖu le azɔn e kɔ ji jɛ; e na ɖe susu Mawu tɔn xlɛ, bɔ ovi Mawu tɔn lɔ na xɔ susu gbɔn agbla etɔn mɛ." ⁵ Jezu ka yi wan na Maata kpo nɔvyɛ nyɔnu lɔ kpo, kpo Lazaa kpo. ⁶ Amɔ, hwe ke nu Jezu se ɖɔ Lazaa le jɛ azɔn, e lɛ nɔ oto ke mɛ e le lɔ na azan we d'e ji. ⁷ Exɔn godo, e wa ɖɔ na ahwanvi etɔn lɛɛ ɖɔ: "Mi wa na mi na lɛkɔ bo yi Judee." ⁸ Ahwanvi etɔn lɛ ka ɖɔ n'i ɖɔ: "Mɛsi, ayisɔmɔ tofi jɛn wɛ Judeenu lɛɛ ja huhu we gbe kpo okpɛn kpo le dɔn, bɔ a na lɛ lɛkɔ bo yi dɔn wɛ? ⁹ Jezu ka ɖɔ na ye ɖɔ: "Oganxixo wyawe wɛ le oklee ɖokpo mɛ; enyi mɛɖe le yiyi ɔn le oklee, e mɔ nɔ klɛn afɔ gɛ, ɖo gbɛ mɛ nɔ hɔn ganji. ¹⁰ E ka nyi zan mɛ wɛ e le yiyi ɔn, e nɔ klɛn afɔ, ɖo hihɔn ma le e lɔsu mɛ gɛ." ¹¹ Exɔn godo, e lɛ ɖɔ na ye ɖɔ: "Hwannyi mitɔn Lazaa le amlɔ dɔ ɔn; un na yi fɔn ɛ." ¹² Exɔn, ahwanvi etɔn lɛɛ kɛ nu bo ɖɔ: "Aklunɔ, enyi ɖɔ amlɔ dɔ wɛ jɛn e le, azɔn etɔn na gbɔ." ¹³ Lazaa ko ku wɛ Jezu le ɖɔ na ye, cobɔ ye lɛɛ ka do sin ɖɔ amlɔ wɛ e le ɖɔ, bo le gbigbɔ ɔn sin. ¹⁴ Bɔ Jezu gbɔ bo tinmɛ vaan na ye ɖɔ: "Lazaa ku; ¹⁵ Flɛn ke un ma ka le hwɛkpo e ku gɛ lɔ ɔ, e vivi na un ɖo mye wutu; exɔn na bɔ mi na sigan ɖi nu. Mi bo wa na mi na yi e de." ¹⁶ Ohwe exɔn nu, Tɔmaa ke e nɔ lɛ ylɔ ɖɔ hoho lɔ ɖɔ na ahwanvi ɖyɛ lɛɛ ɖɔ: "Mi wa na mye lɔsu na xodo e sɔ yi, bo na yi ku xa ɛ." ¹⁷ Ke Jezu wa Betanii, e mɔ ɖɔ e ko ɖi Lazaa, bɔ azan etɔn ko yi enɛ. ¹⁸ Betanii ya do Jeluzalɛmu bo le kilomɛtru atɔn n'i. ¹⁹ Bɔ Judeenu lɛɛ susu geɖegeɖe ko wa nu wamɛgbe do na Maata kpo Mali kpo gbe ɖo ye nɔvi ke ku lɔ wutu. ²⁰ Ke Maata se ɖɔ Jezu bo ja, e yi kpe e le omɔ ji; amɔ, Mali ci xwegbe. ²¹ Ke Maata se ɖɔ Jezu bo ja, e ɖɔ: "Aklunɔ, enyi fi wɛ a ko le e, anɛevi ma le ku gɛ. ²² Cobɔ odin lɔsu u, un nywɛ ɖɔ a byɔ nu ekpekpe wu Mawu, e na akpokpo wu we. ²³ Jezu ka ɖɔ n'i ɖɔ: "Anɔwevi na fɔn." ²⁴ Bɔ Maata yi gbe n'i ɖɔ: "Un nywɛ ɖɔ e na fɔn le finfɔn sɔn ku mɛkuku lɛɛ tɔn hwenu, le azan godo godo tɔn lɔ gbe." ²⁵ Jezu ka ɖɔ n'i ɖɔ: "Nyɛ wɛ nyi finfɔn sɔn ku, bo lɛ nyi ogbɛ; enyi mɛ ɖekpekpe ɖi nu na un, e na bo ku u, e na nɔ gbɛ. ²⁶ Mɛ ke ka le ogbɛ bo ɖi nu na un, e ma le ku gbeɖe gɛ. A ka ɖi nu ɖɔ onu na nyi le e?" ²⁷ Maata ka yi gbe n'i ɖɔ: "Ɛɛn Aklunɔ, un ɖi nu ɖɔ yɔ wɛ nyi Klisi Ovi Mawu tɔn ke ɖo na wa ogbɛ lɔ mɛ lɔ." ²⁸ Ke Maata na oxosin exɔn wu Jezu, e yi ylɔ nɔvyɛ Mali bo ɖe kpa n'i ɖɔ: Mɛsi wa bo le ylɔ we." ²⁹ Ke Mali se lexa a, e cite va un, bo sɔn yi Jezu kpe gbe. ³⁰ Jezu ma ko byɛ ogletoxo lɔ mɛ ohwe exɔn nu gɛ, e kpo le fi ke Maata yi kpe e le lɔ. ³¹ Ke Judeen ke wa bo le alɔ ɖakɔn ji n'i ɔn lɛɛ mɔ bɔ e cite va un ɖo le bo tɔn ɔ, ye xodo e, ɖo ye do sin ɖɔ oyɔdo lɔ ji wɛ e na yi vi avi le sin. ³² Ke Mali yi mɔ Jezu le fi ke e le lɔ ɔ, e jɛ klo le nukɔn n'i, bo ɖɔ n'i ɖɔ: "Aklunɔ, enyi a ko le fi wɛ, anɛevi ma na ku nɛ." ³³ Ke Jezu mɔ ɖɔ e le vi avi, bɔ Judeenu ke xodo e lɛɛ lɔsu le vi avi, avivɔfun bl'ɛɛ, bɔ ayi etɔn kpo gbado; ³⁴ bɔ e kanse w'i ɖɔ: "Bɔ wɛ mi ka ze e ɖo?" Ye ka yi gbe n'i ɖɔ: "Aklunɔ, wa kpɔn fi ke mi ze e ɖo lɔ." ³⁵ Bɔ Jezu vi avi. ³⁶ Ke Judeenu lɛɛ mɔ ɖo lee, ye ɖɔ: "Mi kpɔn le ke e yi wan n'i ɖo." ³⁷ Mɛɖe lɛɛ ka le ye mɛ bo ɖɔ: "Eyɔ mɛ ke hun nukun na nukuntɔnnɔ lɔɔ, e ma sigan blo bɔ omɛ exɔn na gɔn kuku u?" ³⁸ Awu lɛ ku Jezu, bɔ e sɔ omɔ do yɔdo lɔ kɔn; yɔdo ɖe wɛ bo le osoxo mɛ bɔ e bli okpɛn ɖo onu n'i. ³⁹ Ke Jezu jɛ flɛɛn, e ɖɔ na mɛ lɛɛ ɖɔ: "Mi bli okpɛn lɔ sɛ." Bɔ me ke ku lɔ we nɔvyɛ nyɔnu Maata ɖɔ na Jezu ɖɔ: "Aklunɔ, ocyɔ lɔ na ko le gble mɛ! Ɖo azan ɛnɛ ke gbɔɔn wɛ e ko le flɛɛn. ⁴⁰ Jezu ka ɖɔ n'i ɖɔ: "Un ko ɖɔ na we ɖɔ enyi a ɖinu u, a na mɔ susu Mawu tɔn?" ⁴¹ Bɔ ye bli okpɛn lɔ sɛɛ. Jezu ka ze ota yi oji, bo ɖɔ: "Ta ce, un do kpɛ ne we, ɖo a ɖoto un. ⁴² Un nywɛ ɖɔ a nɔ ɖoto un tɛgbɛ; amɔ, mɛ ke lilɛ do un lɛɛ wutu wɛ un ka le oxo ɖɔ ɔn na ye na do ɖi nu ɖɔ yɔ wɛ ɖo un ɖoxlan. ⁴³ Ke Jezu ɖɔ xo exɔn vɔ ɔ, e d'axwa sinsyɛn bo ɖɔ: Lazaa tɔn, bo wa!" ⁴⁴ Bɔ mɛkuku lɔ tɔn sɔn yɔdo lɔ mɛ xojɔxo, bɔ avɔ ke e lilɛ do afɔ etɔn lɛɛ kpo alɔ etɔn lɛɛ kpo kpokpo le le, bɔ avɔ ke e do bla gba n'i lɔ le nukun mɛ n'i. Jezu ɖɔ na ye ɖɔ: "Mi tun gba n'i, bo jo e do ni yi." ⁴⁵ Je Judeenu ke wa Mali de lɛɛ mɔ onu exɔn ke Jezu jlɛ lɔ ɔ, ye mɛ susu ɖi nu n'i. ⁴⁶ Onu le lexa cobɔ mɛɖe lɛɛ le ye mɛ, bo yi mɔ Falizyɛn lɛɛ, bo wle onu ke Jezu blo lɔ kpokpo ɖɔ na ye. ⁴⁷ Bɔ avɔsan-namawutɔgan lɛɛ kpo Falizyɛn lɛɛ kpo ylɔ okple wu toxoɖɔtɔ lɛɛ, bo ɖɔ:"Naɖe mi ka na blo ɖo na omɛ ekɔ? Eyɔ xɛn le onu susu jlɛ ɔn. ⁴⁸ Enyi mi jo e do, bɔ e le wa nu ɖo le e, mɛ kpokpo na ɖi nu n'i, bɔ Hlɔmanu lɛɛ na wa gba sinsɛnxɔ mitɔn, bo na gba oto lɔ do ta na mi. ⁴⁹ Mɛ ɖokpo ka le ye mɛ, bo nɔ nyi Kalifu; e wɛ le avɔsan-namawutɔ ɖaxo we azɔn wa ɔn le oxwe exɔn mɛ, bo ɖɔ na ye ɖɔ: "Mi ma nyɔ nuti wi gɛ. ⁵⁰ Hun mi mɔ ɖɔ mɛ ɖokpo gee ku do mɛ lɛɛ kpo we tamɛ ɛ, e nyɔ hugan oto lɔ kpokpo sese ni vɔ wɛ?" ⁵¹ E lɔsu mɛ ke le oxo exɔn ɖɔ ɔn gɛ; amɔ, oxwe exɔn mɛɛ, e wɛ nyi avɔsan-namawutɔ ɖaxo lɔ, bɔ Mawu ɖɔ xo gbɔn e ji ɖɔ Jezu na ku do togun lɔ kpo we tamɛ. ⁵² E ma ka nyi e na ku do togun exɔn lɔ tamɛ kɛɖɛ wɛ gɛ; e na lɛ kple Mawu vi ke gbado lɛɛ kpokpo ɖo kpɔ. ⁵³ Sɔn gbe exɔn gbe lɔ wɛ ye ko ɖe gbetatɔn ɖɔ emye lɛɛ bo na hu i. ⁵⁴ Exɔn wutu wɛ Jezu mɔ nɔ sɔ ze eɖe xlɛ Judeenu lɛɛ agbaungba gɛ, bɔ eyɔ kpo ahwanvi etɔn lɛɛ kpo yi ci oto ke e nɔ ylɔ ɖɔ Eflayimu lɔ mɛ, le madɛɛn do ogbɛtooto mɛ. ⁵⁵ Dindin wayixwe Jwifu lɛɛ tɔn ko sɛkpɔ; bɔ oto lɔ mɛ nu lɛɛsusu ko yi Jeluzalɛmu bo na yi sla awu, cobɔ oxwe lɔ na wa. ⁵⁶ Ye le Jezu din ɔ, bo jɛ kinkanse wu yeɖe ji le sinsɛnxɔ lɔ mɛ ɖɔ: "E ma le wa oxwe lɔ tɛnmɛ gɛ wɛ? Etɛ mi ka mɔ do onu exɔn wu?" ⁵⁷ Avɔsan-namawutɔgan lɛɛ kpo Falizyɛn lɛɛ kpo ɖe gbeta tɔn, bo ɖɔ: "Enyi mɛ ɖekpekpe nyɔ fi ke e le, hun ni wa ɖɔ, na e na yi wle e."