¹ Mi kpɔn nu ke un le lin: Na guɖutɔ lɛ vɔ kpo le vi kpɛvu, e ma gbɔn vo na kannumɔnɔ gɛ. Bɔ e yɔ wɛ ka ɖo na nyi guɖutɔ na nu lɛ kposese. ² E ɖo na se tonu na mɛ ke le wle bona e yɔ kpodo onu etɔn lɛ kpo go, kaka do jɛ hwenu ke otɔ ke ji lɔ ɖo. ³ Onu lokpo lɔ wɛ e nyi na mi e le lɔsu. Ɖa nyi mi ciɖi vi kpɛvu ha, mi nyi kannumɔnɔ hɔnhlɔn gbɛmɛ fikɔ tɔn lɛ. ⁴ Bɔ hwenu ke Mawu lɔsu lɔ ɖɔ ɖo wa, mawu ɖo ovi ɛ do. Ye ji gbɔn yɔnu mɛ bɔ E zan gbɛ do gbɔn osɛn Moyizi tɔn mɛ. ⁵ E wa bo na do na kan tun tun mɛ ke le zan gbɛ do gbɔn osɛn lɔ mɛ lɛ. ⁶ ƐƐ, mi nyi ovi Mawu tɔn xojɔxo. Oxlɛ lɔ wɛ nyi ɖɔ, Mawu ze do ayixa mitɔn lɛ mɛ Oyɛ ovi ɛ tɔn, Oyɛ ke nɔ zɔn bɔ mi nɔ ɖɔ: « Otɔ mitɔn.» ⁷ A ma sɔ nyi kannumɔnɔ ba gɛ, amɔ ovi Mawu tɔn, bɔ ke a nyi ovi ɛ, Mawu na na we oguɖuɖu ke e ze do a nyi na Ovi ɛ lɛ. ⁸ Ɖa nyi mi ma yɔ Mawu wi gɛ, bɔ mi nyi kannumɔnɔ na hɔnhlɔn ke ma nyi Mawu tɔn lɛ gɛ. ⁹ Amɔ odin, mi yɔ Mawu wi, alo na do ɖɔ, Mawu yɔ mi wi. Etɛ wutu wɛ mi na lɛ se tonu na hɔnhlɔn ke ma ɖo gigo bo ma ɖo yɛyi ti gɛ? Mi ba bɔ na lɛ nyi kannumɔnɔ na ye wɛ? ¹⁰ Mi nɔ ze yɛyina azan, osun, hweɖe lɛ nu kpo oxwe ɖe lɛ kpo din! ¹¹ Obu ɖi un na un do wa zɔn do mi tamɛ vɔ! ¹² nɔ vi sunu yɔnu yisenɔ, un le byɔ mi, mi nɔ wa nu ɖi nyɛ ha. Mi ma wa onu nyiylan ti xa un gɛ. ¹³ Mi yɔ hwenu ke un la Wɛn Ɖagbe lɔ na mi nu kɔn tɔn. Azɔn wɛ un le jɛ, ¹⁴ agbaza ce ma yɔ kpɔn gɛ, e ma kpe agbɔ na mi gɛ. Na do lɛ ɖɔ, mi yi un ɖi oxo ɖɔtɔ Mawu tɔn, na do ɖɔ ɖi Jezu Klisi ha. ¹⁵ awajijɛ mitɔn ɖa nyi tɔn lɛ, bɔ wɛ e le? Ɛɛ, un nyi kunu ɖe tɔ e tɔn, ɖɔ na mi na si do kpego bo na ɖe nukun mitɔn bo na ze na un wɛ, mi na blo. ¹⁶ Bɔ odin un nyi kɛntɔ mitɔn na un do ɖɔ xojɔxo lɔ na mi wɛ? ¹⁷ Mɛ exɔn lɛ ze mi do ylɔ nu, amɔ ye ma le ɖɔ xojɔxo xa mi gɛ? Ye jlo na klan mi le awi e bɔ mi na do ze ye do ylɔ nu. ¹⁸ Nu ke yɔ wɛ nyi ɖɔ mi na xlɛ nu ke le ɖagbe mɛ hwe lɛ kponu, e ma nyi hwenu ke un le fi kɛ ɖɛ mɛ gɛ! ¹⁹ Vi ce ovu lɛ, un le ji ya ɖevo do mi wu, ɖi un le ji mi ha. Bɔ e ma dɛn kaka jɛ hwenu ke Klisi na sɔ gbe le mi mɛ. ²⁰ Un jlo na le kpɔ xa mi le din bo na lɛ ɖɔ xo vo na mi. Na do ɖɔ, n ma yɔ le ke na blo xa mi ɖo gɛ. ²¹ Mi ɖɔ un, mi mɛ ke jlo bo na se tonu na osɛn lɔ, mi ma se nu ke e ɖɔ? ²² Mi kpɔn nu ke e ɖɔ: «Ablaxamu ji vi awe: Lokpo xa Agar ke nyi kannumɔnɔ, lokpo xa Sara ke ma nyi kannumɔnɔ gɛ» ²³ Kannumɔnɔ vi lɔ nyi jiji gbɔn ojlo gbɛtɔ tɔn mɛ, amɔ ovi ke mɛ ke ma nyi kannumɔnɔ gɛ lɔ ji, e ji do akpagbe Mawu tɔn wutu. ²⁴ Otan xɔn lɛ ɖo nu kunu mɔ jɛ nu mɛ vo. Yɔnu le ciɖi alɛ nunu awe le ha. Alɛ nunu nu kɔn tɔn sɔn oso Sinayi tɔn ji, ovi kannumɔnɔ kɛɖɛ wɛ e ji: Yi wɛ nyi Agar, ²⁵ bɔ Agar, oso Sinayi tɔn wɛ le Arabi. E lɛ nyi toxo Jeluzalɛmu tɔn ke nyi kannumɔnɔ kpo ovi ɛ lɛ kpo. ²⁶ Amɔ Jeluzalɛmu oji tɔn vo, bɔ yi wɛ nyi onɔ na mi. ²⁷ Wema mimɛ lɔ ɖɔ: «Nɔ awajijɛ mɛ, yɔ ke, ma ɖo ovi gɛ! Do axwa awajijɛ tɔn, yo ke ma se vivɛ ovi jiji tɔn gɛ! Ɛɛ, yɔnu ke e gbɛ bo jo do lɔ na ɖo vi xu yɔnu ke ɖo asu lɔ!» ²⁸ Bɔ mi e nɔvi sunu yɔnu, ɖi Izaaki ha, mi nyi ovi ke e ji do gbɔn akpa Mawu tɔn mɛ. ²⁹ Amɔ da nyi ovi Ablaxamu tɔn ke e ji do gbɔn ojlo asu kpodo asi kpo tɔn tɔ mɛ do vivɛ sise na ovi ke e ji do gbɔn Yɛ ɖeɖovo Mawu tɔn lɔ tɔn mɛ. Bɔ odin, onu lokpo lɔ wɛ e nyi. ^{30 31} Bɔ nu tɛ wɛ wema mimɛ lɔ ɖɔ? «Nya yonu kannumɔnɔ lɔ kpo ovi ɛ kpo! Gbeɖe kannumɔnɔ vi lɔ ma kpe go na ɖu ogu lɔ xa ovi ke yɔnu ke ma nyi kannumɔnɔ lɔ ji gɛ!» Nɔvi sunu, yɔnu, mi ma nyi kannumɔnɔ we vi gɛ, yɔnu ke ma nyi kannumɔnɔ lɔ we vi kɛ ɖɛ wɛ mi nyi.