¹ Hwenu ke Apolos le kolɛnti, Pɔlu gbɔn osokanmɛ bo wa. Bɔ flɛn e mɔ ahwanvi Jezu tɔn ɖe lɛ. ² Bɔ e le kanse ye ɖɔ: «Hwenu ke mi yi Jezu se, mi ka mɔ Oyɛ ɖeɖovo lɔ yi?» Ye yi gbe ni ɖɔ: «Mi ma trɛ sekpɔn lɔsu ɖɔ Oyɛ ɖeɖovo ɖe le gɛ.» ³ Pɔlu le kanse ye ɖɔ: «Mɛ nylɔ do tɔme ɖetɛ wɛ mi yi?» Ye yi gbe ni ɖɔ: «Mɛ nylɔ do tɔmɛ Jaan tɔn.» ⁴ Pɔlu ɖɔ na ye ɖɔ: «Jaan nylɔ mɛ ke jlo na dyɔ gbɛzan yetɔn do tɔmɛ. Bo le ɖɔ na togun lɔ ɖɔ: "Mi ɖinu na mɛ ke na jɛ godo na un, na do ɖɔ Jezu. ⁵ Ke na yisenɔ Efɛzi tɔn lɛ se le, ye blo mɛ nylɔ do tɔmɛ le Jezu we nyikɔ mɛ. ⁶ Pɔlu ze alɔ ɖo ta na ye bɔ ye yi Yɛ ɖeɖovo . Bɔ ye jɛ ogbe ɖevo lɛ do ji bo le ɖɔ xo le nyikɔ Mawu tɔn mɛ. ⁷ Gbɛtɔ ɖi wyawe wɛ ye nui. ⁸ Pɔlu yi xwe ke gbe Jwifu lɛ nɔ xo ɖɛ le bɔ le flɛn, le sunzan atɔn mɛ, e le ɖɔ xo kpo do kandeji kpo. E le dɔ xo do axɔluɖuto Mawu tɔn go bo le na bɔ mɛ ke le ɖo to wi lɛ na do ɖo yise. ⁹ Amɔ mɛɖe lɛ ma ba nuti na se gɛ bo gbɛ ɖɔ mye lɛ bo ma le ɖi nu gɛ, bɔ ye le ɖɔ xo do nukplɔmɛ lɔ go le mɛ lɛ kpose nukunmɛ. E jɛ le Pɔlu lɛ le ye de, e kplan ahwanvi lɛ bɔ azan lɛ gbe , e nɔ le ɖɔ xo na ye le azɔnmɛxwe Tiranusi tɔn. ¹⁰ NU exn blo oxwe awe. bɔ mɛ ke le azi lɛ, yisenɔ kpo kosi , na do kpego bo na se oxo Aklunɔ tɔn. ¹¹ Mawu le wa zɔn kpaca le do gbɔn Pɔlu ji. ¹² Bɔ ye nɔ ze avɔ ke ye ze do Pɔlu go ze yi ɖo azɔntɔ lɛ ji bɔ ye nɔ mɔ azɔn hɛngbɔ, bɔ yɛ nyinyla lɛ nɔ yi. ¹³ Jwifu ɖe lɛ bɔ ye yi de ye nɔ yi de. Ye lɔsu nɔ ba na nya oyɛ nyinyla le azɔntɔ lɛ mɛ le Jezu nyikɔ mɛ. Ye nɔ ɖɔ: «Le Jezu ke Pɔlu le la we nyikɔ mɛ, mi tɔn! Ogbe wɛ enyi bɔ mi ɖe!» ¹⁴ Gbigbɔmɛzɔn watɔ Jwifu ɖaxo lokpo Skeva ɖo vi cyanwe ɖe lɛ bɔ ye le blo lɔsu gba. ¹⁵ Amɔ yɛ nyinyla lɔ le yi gbe na ye ɖɔ: «Jezu un nywɛ wi, bɔ Pɔlu un nyɔ mɛ ke e nyi. Amɔ mye lɛ, mɛ wɛ mi nyi?» ¹⁶ Bɔ mɛ ke ɖo yɛ nyinyla lɔ zɔn jɛ vi Skeva tɔn lɛ ji. E ɖo hɔnhlɔn xu ye bɔ e wa nu nyinyla xa ye tawun. Ye tɔn sɔn xwelɔgbe kpodo wezun kpo, omɛ afɔku jijɛ. ¹⁷ Yisenɔ kpo do kosi ke le Efɛzi kpokpo se nu ke jɔ. Ye gɔ kpo do mɛsisi kpo bo nɔ ɖɔ: «Nyikɔ Jezu tɔn klo.» ¹⁸ Mɛ susu yi se bo ɖinu na Jezu bo wa le ɖɔ kpo do ogbe yiji kpo nu ke ye wa. ¹⁹ Le yemɛ ke nɔ blo magiki lɛ mɛ, susu yetɔn ze wema yetɔn lɛ wa bɔ ye do zo le mɛ lɛ kpose nukun mɛ. Ke ye wa kɔnta na wema lɛ ye mɔ akwagan 50.000. ²⁰ Bɔ dogbɔn hɔhlɔn Aklunɔ tɔn mɛ, oxo Mawu tɔn le nyi nu mɛ lɛ le mɔ nukunnu jɛmɛ bɔ dolili etɔn lɛ le jɛji. ²¹ Exɔn godo, Pɔlu ɖɔ mye bo na gbɔn Masedwani kpodo Akayi kpo bo na yi Jeluzalɛmu. E ɖɔ: «Exɔn godo, un ɖo na yi hlɔmu, ɖo e jɛ xa.» ²² E sɛ alɔgɔtɔ etɔn awe ɖoxlan Masedwani, Timɔtee kpo Eraste kpo, amɔ eyɔ lɔsu nɔ azi tomɛ kpɛɖe. ²³ Le hwe exɔn nu, hunhunhun ɖe le ɖo omɔ Aklunɔ tɔn wutu. ²⁴ Sikanublotɔ ke ye nɔ ylɔ ɖɔ Demɛtrusi nɔ blo yɛhwe xɔ ovu na Aetemisi. Na exɔn wutu e nɔ su akwa susu wu azɔnwanamɛtɔ etɔn lɛ. ²⁵ Demetrusi kple alɔnu zɔnwatɔ lɛ kpo do mɛ ke nɔ wa azɔn xɔn lɛ kposese kpo. E ɖɔ na ye ɖɔ: «Hadowe ce lɛ, mi nywɛ, azɔn kɔ wutu wɛ mi le ganji.» ²⁶ Amɔ Pɔlu xɔn le ɖɔ ɖɔ Mawu ke alɔ blo lɛ bo ma nyi Mawu lɔsu gɛ. Bɔ e le zɔn bɔ gbɛtɔ susu lɛ le yi Jezu se le azi kaka jɛ fikɔ lɔsu. Mi se bo lɛ mɔ. ²⁷ Nu exɔn na hɛn azɔn mitɔn gble. Lokpo dogɔ, hunxɔ ɖaxo yɛhwe Artemisi tɔn ma sɔ na ɖo kpikpɛn ba gɛ. Ye ma sɔ na ɖɔ: "Artemisi wɛ nyi yɛhwe ɖaxo gɛ!" E le cɔ mɛ le kpo wɛ le sɛn le azi kpodo ayizan lɔ bisese ji kpo.» ²⁸ Ke me lɛ se le, xomɛ sin ye bɔ ye le daxwa bo nɔ ɖɔ: «Yɛhwe ɖaxo wɛ nyi Artemisi Efɛzi tɔn.» ²⁹ Bɔ zingidi byɛ toxo lɔ kpesese mɛ. Ye wle Gaiusi, kpodo Aristaki Masedwaninu awe ke kplan Pɔlu lɛ le yiyi etɔn mɛ. ³⁰ Pɔlu jlo na ze eɖe xlɛ togun lɔ nunkɔn, amɔ ahwanvi lɛ gbɛ n'i. ³¹ Mɛjɔmɛ ɖe lɛ le azi bo nyi hadowe Pɔlu tɔn lɛ. Ye ɖo mɛ do xlan Pɔlu bo le kplɔn nu wi ɖɔ: «Nɔ kpɔn ze ɖewe xlɛ ye gɛ.» ³² Hwe exɔn nu, le togun lɔ mɛ, zingidi kpo adan kpo le. Mɛɖe le ɖɔ le, mɛɖevo lɛ nɔ ɖɔ ɖevo bɔ mɛlɛ ma sɔ nyɔ nu ke wutu ye kple ba gɛ. ³³ Jwifu le ɖo alɛsandri ɖoxlan bɔ mɛɖe le tin nu ke le jɔ lɔ mɛ ni. Bɔ Alɛsandri ze alɔ bo na ɖɔ xo na togun lɔ. ³⁴ Amɔ ye se ɖɔ Jwifu bɛ e bo nyi, bɔ ganxixo awe godo, mɛ lɛ kpose ɖ'axwa le ogbe lokpo lɔ mɛ ɖɔ: «Yɛhwe ɖaxo wɛ nyi Artemisi Efɛzi tɔn!» ³⁵ Bɔ wemajinɔtɔ toxo lɔ tɔn wa fa togun lɔ bo le ɖɔ: Efɛzinu, mɛ le kpose nywɛ, toxo Efɛzi tɔn ɖo na cɔn alɔ yɛhwe ɖaxo Artemisi kpodo statuwi ke flɛ sɔn oji lɔ kpo. ³⁶ Mɛti ma si dɔn gɛ. Enyi le hun, mi ɖo na bɔ nu bo na lin nukpɔn hweɛ kpo co bo na blo nu ke jlo mi. ³⁷ Mi hɛn mɛ ekɔ le wa fi, ye ka ma wa nu nyinyla ti do yɛhwexɔ mi tɔn gɛ, ye ke ma le zun yɛhwe mitɔn gɛ. ³⁸ Demɛtriusi kpo do alɔnuzɔnwatɔ etɔn lɛ kpo jlo na do hwɛ mɛɖe. Hwɛdatɔ lɛ le bɔ azan le lɛ le bɔ ohɔn yetɔn nɔ nɔ nuvo. Mi yi hwɛdatɔ lɛ de! ³⁹ Na mi ɖo nuɖe na le kanse, mi na yi se le hwɛdatɔ lɛ de. ⁴⁰ Ye na ylɔ mi dɔ gufɔntɔ ɖo nu ke jɔ egbedin wu. Mi ma si ɖo hwɛjijɔ ti ɖo nu ke kpli mi go gɛ. ⁴¹ Ke wemajinɔtɔ fo oxo etɔn, ye nya mɛ lɛ ɖɔ ye ni bo sɔn yi oxwe yetɔn le gbe.