¹ Mɛxo lɛ un kpɔn nɔ gbɛ xo na ye kpo sisyɛn gɛ, vɔlɔ ɖɔ xo na ye ɖi tɔ; jɔn nujija lɛ do gan lanmɛ na yi ɖi nɔvi lɛ, ² nyɔnnu mɛxo lɛ ɖi onɔ mɛtɔn lɛ, kpo ayixa mimɛ. ³ Do sisi na asukusi lɛ ke nyi nugbo tɔn lɛ. ⁴ Nɛ asukusi ɖe ɖo vi lɛ alo mama ylɔvi lɛ, ye ni kplɔn ye leke ye na wle bo na xwedo yetɔn lɛ, bo na zenu ke ye yi sɔn mɛjitɔ yetɔn si na ye; ɖo e nyi nu ke nyɔ ɖo Mawu de. ⁵ Mɛ asukusi nugbotɔn, bɔ eɖee zɔ, bo ze nukunɖiɖo etɔn ɖo Mawu ji bɔ e nɔ van kan ɖo ɖɛ kpo vosisa na Mawu zan kpo keze. ⁶ Vɔlɔ asukusi ke nɔ gbɛ le nujijlɔ gbɛmɛ fikɔ tɔn lɛ wu lɔ wo ku, bo ɖi mɛ ke le gbɛ. ⁷ Ɖo xo xɔn lɛ na ye nɛ ye ni gbɛ ɖo mimɛ ji ganji. ⁸ Nɛ mɛɖee ma wle bo na mɛ etɔn gɛ lɔ, bɔ vivɛ na mɛ ke nyi xwedo tɔn lɛ, mɛ lɔ ko gbɛ nuɖiɖi, bɔ e lɛ nyla xugan kosi. ⁹ Hwɛ kpo, ye ne ze azɔn na asukusi ɖe lɔ, e ɖo na sɛkpɔ xwe kanɖe ko, bo nyi asu ɖokpo si d'anyi. ¹⁰ E ɖo nyi azɔn ɖagbe blotɔ, bo kplɔn vi etɔn lɛ ganji, bo nɔ nyi mɛ, bo klɔ afɔ na mɛ ɖeɖovo lɛ, bo nɔ gɔ alɔ na mɛ ke ma ɖo nu gɛ, bo na wa azɔn ɖagbe lɛ. ¹¹ Gbɛ asukusi ɖekajɛ lɛ, ɖo nujijlo no ɖe ye sɔn klisu wu bɔ ye nɔ ba ɖe asu, ¹² bɔ ye nɔ wa hu hwɛ do atan titan ye tɔn lɔ. ¹³ E ma nyi exɔn kɛɖɛ gɛ, ye nɔ gun hwenu yetɔn, bo nɔ byɔ xwe lɛ gbe, bɔ e lilɛ jijɔ na ye, e ke le nyla xugan lɔ kpo kpo wɛ nyi ɖɔ ye nɔ lilɛ xoɖɔtɔ lɛ, bɔ ye mɔ hɛn xo ɖo dɔmɛ gɛ, bo nɔ ɖɔ xo ke ye ma ɖo na ɖɔ lɛ gɛ ɖɔ wɛ. ¹⁴ Exɔn wu wɛ un jlo ɖɔ asukusi ke ma nyi mɛxo gɛ lɛ ye ni lɛ vɔ da asu, bo ji vi; ye ni wle bo na xwe yetɔn kpo vi yetɔn lɛ bo ma na mɔ ti kɛntɔ kɛntɔ mitɔn lɛ gɛ, bo na ye xo nyinyla bo na ɖɔ do mi wu gɛ. ¹⁵ Ɖo asukusi ɖe lɛ ko lɛ sɔn ali ɖagbe lɔ ji, xwedo awovi. ¹⁶ Vɔlɔ nɛ agunvi nyɔnnu ɖe ɖo asukusi le hɛn tɔn nu lɔ, ni wle bo na ye; ni ma jwedo nyikɔ ji na agun gɛ; bo na agun lɔ na kpego bo wle bo na asukusi nugbo tɔn lɛ wu. ¹⁷ Agun mɛxo ke nɔ xlɛ mɔ ganji agun lɛ lɔ, ye ɖo na mɔ ye do mɔ mɛ ke jɛxa bɔ ye ɖo na su axɔ we ɖokpɔ ye; vivɛna lɔ mɛ ke nɔ ɖo gan do Mawu xo ɖiɖɔ wu lɛ kpo mɛ ke nɔ kplɔn Mawu xo mɛ lɛ. ¹⁸ Ɖo Mawu xo lɔ ko ɖɔ: "Ma do gan nu na nyibusu ke le ze afɔ etɔn do jinukun ji gɛ". Mawu xo wema ka lɛ ɖɔ "e jɛxa ɖɔ azɔnwatɔ na yi kɔbɔ etɔn". ¹⁹ Nɛ ewa jɔ bɔ ye wa agun mɛxo lɛ de hwɛ na we lɔ ma yi gbe na gɛ adavo, mɛ awe alo atɔn ɖe kunnu na. ²⁰ Nɛ nyi mɛɖe ɖe bo fɔn lɔ, bo nɔ hu hwɛ, gbɛ xo ni ɖo mɛ lɛ we nukunmɛ, bo na mɛ ke kpo lɛ na ɖi bu. ²¹ Un le byɔ wɛ vivɛ ɖe ɖo Mawu we nukɔn mɛ ɖo Klisi Jezu we nukɔn mɛ ɖɔ yɔ bo se tonu na sɛn xɔn lɛ. Ma nɔ mɛɖee ji gɛ; ma lɔn na mɛɖee we nu ni nyɔ nukun towe mɛ gɛ ɖo nu wiwa towe lɛ mɛ gɛ. ²² Ma ya wu, bo do alɔ mɛɖe ji gɛ, nɛ mɛɖee hu hwɛ ma d'alɔmɛ gɛ, bo ze do mimɛ ji. ²³ Ɖo xomɛ zɔn ke a nɔ jɛ hwɛ hwɛ lɔ wu, ma nu kɛɖɛ gɛ; nɔ nu vɛɛn kpɛɖe kpɛɖe, ɖo xomɛ towe wu, ɖo a nɔ jɛ azɔn hwɛ hwɛ. ²⁴ Mɛɖe lɛ le, bɔ nu ke ye nɔ blo nyinyla lɔ e nɔ mɔ gbɔn gban hwe kpo ye nɔ ɖɔ hwɛ xa ye; mɛɖe lɛ ɖe, bɔ godo wɛ nu ke ye nyinyla lɛ nɔ wa xlɛ ɖo gota. ²⁵ Lexa ɖokpo lɔ, nu ganji ke mɛɖe lɛ nɔ blo lɔ, ye nɔ mɔ ye ganna ganna; e ke ye ma le ni din le gɛ, e ma nɔ si nɔ bibɛ kaka do yi gɛ