¹ Mɛ ke nyi kannumɔ lɛ kpo ɖo na mɔ gan yetɔn lɛ do mɔ mɛ ke ye na ɖo sisi lɛ kpo na lɛ, bo na mɛ ti kpɔn wa ɖɔ xo nyinyla do Mawu we nukɔn wu gɛ kpo nu ke mi le kplɔn mi wu gɛ. ² Kannumɔ ke we gan nyi nuɖitɔ lɛ ma ɖo na gɔn gan yetɔn sisi gɛ, ɖo ye ko nyi nɔvi nɔvi le nuɖiɖi mɛ wutu gɛ; nɛ e na kpe go lɔ, ye ɖo na lɛ sɛn ye bo na xugan le ke ye le ye le sɛn d'ayi lɔ, ɖo mɛ ke le nu ke ye le blo lɛ lɔ we ale wɛ ye le ɖu, nuɖitɔ ke ye nyi wan na lɛ wɛ. Nu ke ye na kplɔn ye lɔ kpo Mawu xo bo na nɔ ɖɔ na lɔ yi ke: ³ Nɛ nyi mɛɖe kplɔ mɛɖevo mɛ bo na yi gbe na xo nugbo Aklunɔ mitɔn Jezu Klisi tɔn lɛ kpo nukplɔn mɛ ke sɔgbe xa sinsɛn mitɔn lɔ kpo gɛ lɔ, ⁴ e yi go wɛ; e ma nyɔn nuɖe wu i gɛ; nudindɔn kpo; jlɛ ɖiɖɔ do xagbe ɖe lɛ wu we azɔn jɛ wɛ e ɖe; nu xɔn lɛ wɛ nɔ hɛn nuhwinhwan, adɔndindɔn, mɛzunzun, nu nyinyla vɛdomɛ, ⁵ kpo nudindɔn maɖote byɔ gbɛtɔ ke we tamɛ ma sɔgbe gɛ bɔ ye ma nyɔ xonugbo lɔ gɛ lɛ kpo tɛntin; ye nɔ lindɔ Mawu sisɛn lɔ, dɔkun ɖiɖo we nu wɛ e nyi. ⁶ Xonugbo lɔ, Mawu sisɛn lɔ, dɔkun ɖaxo ɖokpo wɛ nyi na mɛ ke mɛ ke eɖo lɔ nɔ kpe ye. ⁷ Ɖo mi ma hɛn nuɖe wa gbɛmɛ fikɔ gɛ; mi ka ma sixu hɛn nuɖe ze yi ku gɛ. ⁸ Exɔn wutu lɔ, nɛ mi gbɛ mɔ nu bo ɖu, bo mɔ avɔ bo gba lɔ, e ɖo na kpe mi. ⁹ Vɔlɔ, mɛ ke nɔ jlo na jɛ dɔkun lɛ nɔ jɛ tɛnkpɔn mɛ, bo nɔ jɛ jlo ma sɔgbe ɖe lɛ, kpo jlo ke nɔ zɔn bɔ e nɔ mɔ wuvɛ lɛ we mɔ mɛ; jlo xɔn lɛ wɛ nɔ dɔn. ¹⁰ Ɖo wan nyinyi na kɔbɔ mɛ wɛ nu nyinyla vovo lɛ kpo nɔ tɔn sɔn; mɛɖe lɛ le ba kaka bo yi bu, bo le zɔ na nuɖiɖi lɔ, bo dɔn awuvɛ susu do kɔ na yeɖe. ¹¹ Vɔlɔ yɔ mawuzɔn watɔ lɔ, nɔ zɔ na nu xɔn lɛ kpo, bo xwodo hwɛjijɔ, bo no si Mawu, bo ɖo nuɖiɖi bo ɖo wan nyinyi, bo ɖo hun kuku kpo xomɛ fifa. ¹² Fun nuɖiɖi we hwan ɖagbe lɔ. Hɛn gbɛ mavɔ mavɔ lɔ wu vivɛɖe, gbɛ mavɔ mavɔ ke wu Mawu ylɔ we ɖo. gbɛ mavɔ mavɔ xɔn wɛ ɖe vunnu ɖagbe na le gbɛtɔ sukpɔ we nukɔn. ¹³ Un le zɔn we ɖo Mawu ke nɔ na gbɛ nu lɛ kpo lɔ nukɔn, bo le zɔn we le Klisi Jezu ke ɖe kunnu ɖagbe ɖo Pɔnsu Pilatu sa mɛ lɔ nukɔn ɖɔ. ¹⁴ Yɔ ni se tonu na nu ke ye zɔn we lɔ, kaka jɛ hwenu ke Aklunɔ mitɔn Jezu Klisi na ɖe eɖee xlɛ do. ¹⁵ Na hwenu lɔ wasu, Mawu nyɔ na lɛ lɔ kponɔ lɔ, Mawu ɖokpo gee ke hugan nu lɛ kpo, ke nyi Axɔlu axɔlu lɛ tɔn, bo nyi Aklunɔ aklunɔ le tɔn lɔ, na ɖe hwenu ke Jezu Klisi na lɛ kɔ wa do xlɛ. ¹⁶ E ɖokponɔ gee wɛ mɔ ku gɛ, bo le weziza ke mɛɖee ma si kpego bo sɛkpɔ gɛ mɛ; mɛti ma mɔ e kpɔn gbeɖe gɛ; mɛɖe ma si mɔ ɛ bo nɔ gbɛ gɛ. Susu kpo hihlɔn mavɔ mavɔ kpo ni nyi etɔn; ami! ¹⁷ Kpɔn nu mɛ ke jɛ dɔkun le gbɛmɛ fikɔ lɛ ɖɔ ye ni kpɔn yi go gɛ; ɖɔ na ye ni kpɔn ze nukun ɖiɖo yetɔn do dɔkun exɔn lɛ ji gɛ; ɖo ye ma si gan jɛ dɔkun xɔn wu gɛ. Vɔlɔ, ye ni ze nukun ɖiɖo yetɔn ɖo Mawu ji, e yɔ wɛ nɔ na nu lɛ kpo mi, bɔ e nɔ gɔ tunfla, bo na mi na ɖu gbɛ yetɔn. ¹⁸ Kplɔn nu ye ɖɔ ye ni blo nu ɖagbe, bo kplɔn ye ɖɔ ye ni nɔ blo nu ɖagbe susu. Ye ni bo nɔ kɛ alɔ bo na nu mɛ, bo nɔ gbesisɔ, bo na ma nuke ye ɖo lɔ, xa mɛ ɖe lɛ ¹⁹ Nɛ ye le blo lexa lɔ, ɖɔkun ɖagbe, dɔkun ke wu ye na kan jɛ lɔ wɛ ye le xotɛ ɖ'ayi na yelɔsu wɛ ye ɖe na sɔ ke we anyi na wa xɔn, bo na do yi mɔ gbɛ jɔ gbɛ lɔ yi. ²⁰ Timɔtee, wle bo na nuke ye ze do asi na we lɔ ganji. Nɔ gbɛ xo gblo, xo ke ma sɔgbe xa nuɖiɖi gɛ lɛ, bo nɔ gbɛ nu nywɛ ke ma nyi nu nywɛ ke mɛ lɛ nɔ ylɔ ɖɔ nu nywɛ, bo nɔ ɖo nu dɔn ɖe kɔn wɛ. ²¹ Xonugbo lɔ, mɛɖe lɛ nɔ ɖɔ mi bo ɖo nu nywɛ xɔn lɔ, bo wa gbɔn akpa na nuɖiɖi lɔ. Fɛnu Mawu tɔn ni nɔ kpɔ xa mi.