¹ Xonugbo ɖokpo ke: Nɛ nyi mɛɖee ba na nyi agunji kpɔntɔ lɔ, azɔn ganji wɛ e le ba. ² Agunji kpɔntɔ ɖo na nyi mɛɖee, bɔ ye ma na mɔ nuɖe ɖɔ do wutu tɔn gɛ. Asi ɖokpo wɛ ɖo na ɖo; e ɖo na blonu ganji, bo na blonu ɖo jlɛ ji, bo na ɖo ninɔmɛ ɖagbe, eɖo na nyi mɛ yitɔ, bo na nyɔn na nukpikplɔn. ³ E ma ɖo na nu ahan gɛ, e ma ɖo nyi mɛke nɔ wa dan gɛ, vɔlɔ e ɖo na nyi dɔmɛ fifanɔ, kpodo mɛ fifa, kpo mɛ ke mɔ ba eɖee tɔn gɛ. ⁴ E ɖo na nyi mɛɖee ke nɔ kplɔn xwe etɔn gbe ganji, bɔ vi etɔn lɛ nɔ ze do mɛɖe ze hwe ji bɔ ye nɔ nyi vi ke nɔ nɔ gbeji ganji lɛ. ⁵ Ɖo mɛɖee ma nyɔ le ke e na wle bo na xwe tɔn gɛ lɔ na ɖe e na si kplan Mawu Mawu we agunn ɖo? ⁶ E ma ɖo na nyi agunvi yɔyɔ gɛ, bo na mɛɖee ze da ga mi kpɔn wa do tagba ni gɛ bo na wa jɛ awovi we dida mɛ gɛ. ⁷ Nɛ nyi mɛɖee ke kosi lɛ ɖe kunu na, bo na mikpɔn wa sɛ un nyan kpo awovi we mɔɖiɖo mɛ gɛ. ⁸ Mɛ ke nɛ kpo un kundo agun we nu lɛ wu ɖo na nɔ gbɛ ɖagbe, e ma ɖo na ɖo ayixa ke nɔ blɛ mɛ gɛ, e ma ɖo na nu atta gɛ, e ma ɖo na ayixa gɛdɛ gɛɖɛ bo na ze ba kɔbɔ gɛ, ⁹ bo na wle bo na nuɖiɖi we nu wi wla lɛ kpo ayixa mimɛ. ¹⁰ Ye ni do ye kpɔn hwɛ kpo, bɔ ye na bɛ Mawu zɔn lɔ, nɛ ye nyi mɛ ke ma ɖo blɔ gɛ. ¹¹ Nyɔnnu lɛ, lɔsu, ye ɖo na nyi mɛ ganji, ke mɔ ɖo linlin nyinyla do mɛ wu gɛ, bo nyi mɛ mimɛ kpo mɛ ke le gbeji ɖe nu lɛ kpo mɛ lɛ. ¹² Agun we nujikpɔntɔ lɛ lɔsu ɖo na ɖo nyɔnnu ɖokpo, bɔ ye na nyi mɛ ke na hɛn xwe yetɔn kpo vi yetɔn lɛ ganji. ¹³ Ɖo mɛ ke nɔ blo Mawu zɔn ganji lɔ ye nɔ ze tɛnmɛ ɖagbe n'i, kpo adɔgbigbo ɖo nuɖiɖi mɛ na Jezu Klisi mɛ. ¹⁴ Un le wlan nu kɔ lɛ do xlan we kpo nukun ɖiɖo ɖɔ na wa we zan ɖe din, ¹⁵ vɔlɔ a ɖo na nywɛ, nɛ wa gbɔ hwenu, le ke aɖo na blo le Mawu we xwe gbe, ke nyi Mawu gbɛɖɛ we agun, ke nyi dotin kpo so sisyɛn na nugbo lɔ. ¹⁶ Bɔ, nɛ mi ma nɔ ɖɔ xo ɖevo gɛ lɔ, Mawu sisɛn we nu wiwa lɔ klo: Mɛ ke ɖe e ɖee xlɛ kpɔn agbaza, bɔ Yɛ Ɖeɖovo Mawu tɔn ba hwɛjijɔ wi, wɛnsagun lɛ mɔ ɛ, ye jla nukɔn etɔn na kosi lɛ, gbɛlɔ ɖi nu na ɛ, ye ze do aga.