MENSAH-ayb-x-dekanmey_1jn_text

1 Jǎan 4 Oyɛ Mǎwǔ tɔ́n kpó kɛntɔ́ Mǎwǔtɔ́m wé oyɛ kpó

¹ Omɛvǐvɛ́ná cé lɛ́ɛ, mi nɔkpɔ́n nɔ́ ɖinǔ ná mɛ ke ɖɔ̀ émyé bó ɖó oyɛ Mǎwǔ tɔ́n lɛ́ɛ kpókpó gɛ́, mi nɔ to dó yě kpɔ́n hwɛ̌kpó, bo nǎ kpɔ́n ɖɔ̀ oyɛ Mǎwǔ tɔ́n jɛ́n le yě mɛ xójɔxó ja; ɖó xóyíɖɔ́tɔ́ Mǎwǔtɔ́n-nyǐkɔ́jɛtɔ́ sus ko gba kpé ogbɛ lɔ̌ mɛ́ din. ² Lě ke mi nǎ nyɔ́ mɛ ke ɖ̌ oyɛ Mǎwǔtɔ́n lɛ́ɛ ɖó lɔ́ ike: mɛɖě kpékpé ké ɖɔ Jezǔ Klísi zɔn agbaza mɛ bo wá, hǔn omɛ exɔn ɖó oyɛ Mǎwǔ tɔn. ³ Mɛɖě kpékpé ké má ká yí gbe ɖɔ̀ Jezu Klísi zɔn agbaza mɛ bo wǎ gɛe, hun omɛ exɔn má ɖó oyɛ Mǎwǔ tɔn gɛ; Kɛntɔ́́ Mǎwǔ tɔ́n lɔ́ wé oyɛ wɛ é ɖó. Moko se ɖɔ̀ oyɛ éxɔn ná wá, bɔ é ká kó lé ogbɛ lɔ̌ mɛ́ din. ⁴ Ovǐ ce lɛ́ɛ, mye lɛ́ɛ, Mawǔ tɔ́n wɛ́ mi nyǐ, bo ka ko ɖu le xóyiɖɔ́tɔ́ mǎwǔtɔ́n-nyǐkɔjɛtɔ́ lɛ́ɛ jí, ɖó oyɛ ke le mye lɛ́ɛ mɛ́ lɔ́ tɔ́n lɛ́ɛ mɛ lɔ́. ⁵ xóyíɖɔ́tɔ́ Mǎwǔtɔ́n-nyǐkɔ́jɛtɔ́ lɛ́ɛ, ogbɛ lɔ̌ tɔ̀n wɛ yě nyí, bonɔ ɖɔ̀ xó ɖi lě ke mɛ ke nyǐ ogbɛ lɔ̌ tɔ́n lɛ́ɛ nɔ́ ɖɔ́ xó ɖó há, bɔ mɛ ke nyǐ ogbɛ lɔ̌ tɔ́n lɛ́ɛ nɔ́ ɖótó yě. ⁶ Amɔ̌, myé lɛ́e, Mǎwǔ tɔ́n wɛ́ nyí, bɔ mɛɍ ke nyɔ́ Mǎwǔ wi nɔ́ ɖótó mǐ; mɛ ke ma nyǐ Mǎwǔ tɔ́n gɛ́ mɔ́nɔ́ ɖótó mǐ gɛ́. Lě ke mǐ nɔ́ sigǎn nyɔ́ oyɛ xónúgbó tɔn lɔ́, kpó oyɛ lɛ̌ló tɔ́n lɔ́ kpó ɖó lɔ́ i xɛn. ⁷ Omɛvǐvɛ́ná cé lɛ́ɛ, mi wǎ mǐ ná yí wǎn ná mǐɖé, ɖo wǎn yíyí, mǎwǔ de wɛ é sɔ́n. Mɛɖě kpékpé ké ɖó wǎn yíyí ná mɛ, hǔn Mǎwǔ ví wɛ é nyí, bo nyɔ́ Mǎwǔ wǐ. ⁸ Mɛ ke ma yí wǎn ná mɛ gɛ̌ má nyɔ́ Mǎwǔ wǐ gɛ́, ɖó Mǎwǔ, wǎn yíyí wɛ é nyí. ⁹ Lě ke Mǎwǔ ɖe wǎn yiyí ke é ɖó ná mǐ lɔ̀ xlɛ mǐ ɖó lɔ́ ke: é sɔ́ ovǐɖokpònɔ étɔn ɖóxlańn ogbɛ lɔ̌ mɛ, ná mǐ ná nɔ gbɛ gbɔn éyɔ jí. ¹⁰ Wǎn yíyí éyɔn ɔ, onǔ ke l'é mɛ́ lɔ́ ke: é má nyí myé lɛ́ɛ wɛ́ yí wǎn na Mǎwu jɛ nukɔn gɛ̌; eyɔ wɛ yi wǎn na Mǎwǔ jɛ nukɔn gɛ̌; éyɔ́ wɛ yí wǎn na Mǎwǔ jɛ nukɔn gɛ̌; éyɔ́ wɛ yí wǎn ná mi jɛ nukɔn, bo sɔ́ ovyɛ̌ ɖóxlǎn, bɔ éze éɖé só sán avɔ̌ ná Mǎwǔ ná dó zé ohwɛ mǐtɔn lɛ́ɛ sɔ́ kɛ mǐ. ¹¹ Omɛvǐvɛ́ná cé lɛ́ɛ, ke Mǎwǔ yí wǎn ná mǐ ɖó lěxáa, myé lɔsú ɖó ná yí wǎn ná mǐɖé. ¹² Mɛɖě má mɔ Mǎwǔ kpɔ́ gbeɖě gɛ́; ényí mǐ yí wǎn ná nǔɖě, Mǎwu le ayi mǐtɔn mɛn bɔ wan yíyi étɔ́n sɔ́gbe le mǐ mɛ bɔ nǔ lɛ́ɛ kpó vɔ l'e wu. ¹³ Oyɛ ɖeɖóvo é lɔsú tɔn ke é ná mi lɔ wútú wɛ mǐ nywɛ̌ ɖɔ̀ mǐ le éyɔ mɛ, bɔ éyɔ́ le mǐmɛ. ¹⁴ Myé lɛ́ɛ, mǐ mɔ bo ɖe kúnnú ná ɖɔ̀ otɔ́ lɔ sɔ ovyɛ̌ ɖóxlán, bɔ é nyí Mɛhwlɛ̌ngántɔ́ ogbɛ lɔ̌ tɔn. ¹⁵ Mɛ ke ɖɔ̀ Jezǔ bó nyí́ Mǎwǔ vi, Mǎwǔ le omɛ éxɔn mɛ, bɔ mɛ lɔ̌ lɔsú le Mǎwǔ mɛ. ¹⁶ Myé lɛ́e, mǐ nyɔ́ wǎn yíyí ke Mawǔ ɖóná mǐ lɔ́ bo ɖi nǔ ná. Mǎwǔ u, wǎn yíyí wɛ é nyí; mɛ ke le wăn yíyí mɛ, omɛ lɔ̌ le Mǎwǔ mɛ, bɔ Mǎwǔ le e lɔsú mɛ. ¹⁷ Enyí wǎn yíyí lɔ́ sɔgbe le ayi mǐtɔn mɛ bɔ nǔ lɛ́ɛ kpó vɔ l'é wu, mǐ na ɖó gǎnjɛwu kpikpé le ohwɛɖɔzǎn gbe, ɖó ogbɛ ke mǐ zán le ogbɛ ékɔ mɛ lɔ ci ɖi Klísi tɔn hǎ. ¹⁸ Obǔ ma le wǎn yíyí mɛ́; wǎn yíyí ké sɔ́gbe bɔ nǔ lɛ́ɛ kpó vɔ l'éwu nɔ́ nya obǔ tɔ́n. Otódɔnnǎmɛ wɛ nɔ hɛn obǔ wá, ɖó mɛ ke lě ɖi obǔu, omɛ éxɔn má ɖó wǎn yíyí bɔ nǔ lɛ́ɛ kpó vɔ l'é wú gɛ́. ¹⁹ Myé lɛ́ɛ, mǐ yí wǎn na Mǎwǔ,ɖó é wɛ́ yí wǎn ná mǐ jɛ nukɔn. ²⁰ Ényí mɛɖě ká ɖɔ̀ émyé bó yí wǎn ná Mǎwǔ, bo ka gbɛ́ wǎn ná nɔvyɛ̌, hǔn lɛlónɔ wɛ é nyí; ɖó mɛ ke ma yí wǎn nà nɔvyɛ̌ ké mɔ wɛ é le gɛ́ɛ, naɖě é ká ná ́siǵǎn yí wǎn na Mǎwǔ ke é má lé mɔ́́ gɛ́ lɔ ɖɔ ? ²¹ hǔn osɛ́n ke Mǎwǔ ná mǐ lɔ í ke: mɛ ke yí wǎn ná Mǎwǔ ɖo ná yí ́wǎn ná nɔvyɛ̌ lɔsú gbá.