¹ Mɛɖě kpékpé ke ɖi nǔ ɖɔ̀ Jezu wɛ nyǐ klísi lɔ̌, hǔn mɛ lɔ̌ nyí Mǎwǔ ví. Mɛɖě kpékpé ke yí wǎn ná otɔ́ ɖée, omɛ lɔ̌ nɔ́ yí wǎn ná ovyɛ̌ lɛ́e lɔsú gbá. ² Ényí mǐ yí wǎn ná Mǎwǔ,bo nɔ nyi osɛ́n étɔ́n lɛ́ɛ, éxɔ́n wɛ́ ná zɔn bɔ mǐ ná nywɛ̌ ɖɔ̀ mǐ yí wǎn ná ovyɛ̌ lɛ́ɛ. ³ Wǎn yíyí ná Mǎwǔ wɛ́ nyí dɔ́̀ e ní nyi osɛ́n étɔn lɛ́ɛ; osɛ́n étɔn lɛ́ɛ má ká vɛ́ nyinyi gɛ̌ ; ⁴ Ɖó Mǎwǔ ví ɖě kpékpé hɛn, é ná ɖu lé ogbɛ lɔ́́ jí. Nǔɖíɖí ke mǐ ɖó lɔ́ wɛ́ ká nɔ́zɔn bɔ mǐ nɔ ɖú le ogbɛ lɔ̌ jí. ⁵ Mɛ ka sigǎn ɖú le ogbɛ lɔ jí ?Mɛ ke ɖi nǔ ɖɔ̀ Jezǔ nyí Mǎwǔ ví lɔ́ kɛ́ɖɛ́ wɛ hɛn, é ná ɖú le ogbɛ lɔ̌ jí. ⁶ Jezǔ klísi wɛ nyí mɛ ke wǎ lɔ́; é wɛ́ wá kpó osin kpó ohun kpo; é má wá kpó osin kɛ́dɛ́ kpó gɛ́; amɔ̌ é wá kpó osin kpó ohun kpó, bɔ oyɛ ɖeɖóvo ka lě ɖe kúnnú nǐ ɖɔ̀ xójɔxó wɛ, ɖó oyɛ ɖeɖóvo lɔ, xónúgbó wɛ é nyí. ⁷ Kúnnuɖétɔ́ atɔn wɛ le; ⁸ Yě we nyí:,oyɛ ɖeɖóvo, osin kpó ohun kpó. Yě mɛ atɔn lɛ́ɛ wé ogbe le okpɔ́. ⁹ Mǐ̌ nɔ yí gbe nǎ kúnnúɖiɖe gbɛtɔ lɛ́ɛ tɔn; Mǎwǔ wé kúnnúdídé ka hú gǎn gbetɔ lɛ́ɛ tɔn ɖaxó. kúnnúɖiɖe Mǎwǔ Tɔ́n lɔ wɛ́ nyí ɖɔ e nǎ ɖe kúnnú ná ovyɛ̌. ¹⁰ Éxɔn, mɛ ke ɖi nǔ ná Mǎwǔ ví lɔ́ɔ, omɛ éxɔ́n ɖó kúnnúɖiɖe éxɔ́n lɔ́ le ayi étɔn mɛ; mɛ ke ma ka ɖi nu ná Mǎwǔ gɛ́ɛ, é zé Mǎwǔ ɖé ná ovyɛ̌ lɔ́ gɛ. ¹¹ Onǔ ké ɖɔ wɛ kúnnúɖiɖe éxɔ́n lé lɔ́ í ke: Mǎwǔ ná ogbɛ mavɔ mavɔ wú mǐ, bɔ mǐ mɔ ogbɛ éxɔn gbɔn ovyɛ̌ jí. ¹² Mɛ ke ɖó ovǐ lɔ́ le ayi mɛ lɔ ɖó ogbɛ éxɔ́n; mɛ ke me kia ɖó ovǐ lɔ le ayi mɛ gɛ́ɛ, é má ɖó ogbɛ éxɔn gɛ́. ¹³ Un lě wlǎn onǔ éxɔ́n lɛ́ɛ ɖóxlǎn mi námi mɛ ke ɖi nǔ ná Mǎwǔ vi lɔ lɛ́ɛ ná nywɛ̌ ɖɔ̀ émyé bóɖó ogbɛ mavɔ mavɔ. ¹⁴ Mǐ ɖó gǎnjɛ̌wu kpíkpé le Mǎwǔ núkɔn ɖɔ̀ mǐ byɔ́ nǔɖé kpékpé ná e sɔgbe xá ojló étɔn, é nɔ ɖótó mǐ. ¹⁵ Ke mǐ nywɛ ɖɔ hwe ke nu mǐ le nǔɖé byɔ ɛ ɔn, é nɔ ɖótó mǐi, mǐ lɛ́ nywɛ̌ ɖɔ́ é nɔ́ ná onǔ ke mǐ byɔ́ ɛ wú mǐ. ¹⁶ Ényí mɛɖě mɔ nɔvyɛ̌ lé ohwɛ hu ɔn, hǔn omɛ lɔ̌ ni xó ɖɛ n'ǐ; éxɔn tɔn, Mǎwǔ ná ná ogbɛ wǔ nɔvǐ éxɔn. É ká lɛ́ le lěxá có, ohwɛ ɖokpó le bo nɔ dɔn mɛ sɔ́yi okútómɛ; é má nyí ohwɛ éxɔn támɛ wɛ un ɖɔ̀ e ni bo xo ɖɛ dǒ gɛ́. ¹⁷ Onǔ nyinylǎ wíwa lɛ́ɛ kpókpó we nyi ohwɛ; amɔ̌ ohwɛ ɖě lɛ̌ɛ le bo mɔ nɔ dɔn mɛ sɔ yi okútómɛ́ gɛ́. ¹⁸ Mǐ nywɛ̌ ɖɔ̀ mɛ ke nyǐ Mǎ̌wǔ tɔ́n ɖě kpékpé mɔ̀ nɔ̀ sɔ́ lɛ́ kpó le ohwɛ hu on gɛ, ɖó Mǎwǔ ví lɔ cyɔ́n alɔ é ji, bɔ omɛ nyinylǎ lɔ mɔ́ nɔ sɔ nɔ́ kpé nǔtí wú bo nɔ wa n'ǐ gɛ. ¹⁹ Mǐ nywɛ̌ ɖɔ̀ Mǎwǔ tɔ́n wɛ mǐ nyí,bɔ ogbɛ lɔ̌ kpokpó ká le omɛnyinylǎ lɔ́ wé acɛ mɛ. ²⁰ Mǐ nywɛ̌ dɔ̀ Mǎwǔ ví lɔ́ wá, bo ná́́ nǔnywɛ̌ mǐ, ná mǐ ná dó nyɔ́ Mǎwǔ xónúgbó tɔ́n lɔ́, bɔ mǐ le opɔ́ xá Mǎwǔ xónúgbó tɔ́n lɔ́ zé gbɔn ovyɛ̌ Jezǔ Klísi jǐ; e wɛ nyi Mawǔ xónúgbó tɔ́n lɔ́, bo nyí ogbɛ mavɔ mavɔ. ²¹ Ovǐ cé lɛ́ɛ, mi cɔ́ miɖe do yɛhwe sinsɛn wú.