¹ "Mi ŋ gbe ɖo kojo koɖo mɛde , nɔ Mawu ava ɖo kojo koɖo mí wò." . ² Ɖo wa va ɖo kojo mi shigbe le han yi miɖo nɔ̀nɔ́ amɔwo nɛ ; Agban ci mi sɔ dre nɔ enu nɔ amowo ɔ, yi wa sɔ dre nɔ miwo can. ³ Ŋ ɖe yi taɖo e kpɔ́ èbèkwi le nɔvio ŋkuvimɛ, yi aci kpu trɔ lé ŋkuvimɛ nɔ ewɔŋtɔ ɔ ? ⁴ Le han yi a nu nɔ nɔvio mɔ : "Ná nɔ̀ máɖe èbèkwi ti le ŋkuvimɛ nɔ o" ; vɔ yi aci kpu le ewɔŋtɔtɔmɛ ɔ ? ⁵ Ayemɛnuwatɔ ! Ɖe aci kpu sɔ awu ŋkuvimɛ gbɔxwe yi a kpɔnu nyuɖe asɔ ɖe èbèkwiti le nɔvio ŋkuvimɛ. ⁶ Mi ŋ gbe sɔ enu nyu jo nɔ avuwo, e yi mi ŋ gbe sɔ jenu xɔ ashi miwo tɔwo dɔɖaɖa ehawo o ; enyi nɛnɛ ɔ, wa gbíjìwò keŋ á trɔ́ kpanŋkɔ mì, yi a drɛ́n mì. ⁷ Mí biɔ, yí wa na mi ; Mí jí, yí mi a kpɔ ; Mi xhuixhui, yi wa whuin nɔmi. ⁸ Ɖo wa na mɛ cí biɔ ; yi mɛ ci ji, a kpɔ ; yi wa whɛn nɔ mɛ cia xhuixhui. ⁹ Mɛɖe le mi mɛ, yi nɔ eviɛ biɔ kpɔnɔ yiɔ, a sɔ ekpe sɔ jo ni an ? ¹⁰ Alo, eviɛ a biɔ kpavi, yi a sɔ edan jo ni an ? ¹¹ Nɔ miwo, amɛ baɖabaɖa ci mi nyi gaŋke yi nyan enu nyɛn wawa nɔ miwo viwo ɖe, ŋ ɖe yi a va nayi, Mawu ɖa na enu nyɛn mɛciwo biɛbiɛ ɔ ? ¹² Ŋci mi ji nɔ mɔ amowo ɖe wa nɔ eyeo ɔ, miɖo awɛ ni nɔ amowo can ; enyɔ ci yi Mɔyizi séwó koɖo Mawuŋɛdotɔwo wemawo nú nɛ. ¹³ Mi toto emɔnu hwehwe tɔ, ɖo emɔnu ci yi gangan, yi klo, ci yi amɛ sugbɔwo toto ɔ, kplɔ nɔ amɛ sɔyi do tlontlon mɛ. ¹⁴ Exɔmɔnu koɖo emɔ hwehwetɔwo yi kplɔ amɛ sɔyi do agbemavɔmɛ ; yi e nyi amɛ kankɛn yia kpɛ. ¹⁵ Mi cɔ miwoɖekiwo do enyɔnuɖɛtɔ vuɛnwo, cio sɔ woɖeki sɔwa lɛngbɔwo, vɔ yi tlo yi nyi elanlenu ci yi shive ciciɛwo. ¹⁶ Mia jeshiwo sɔ todo wòwó kusɛnsɛnwo mɛ. ¹⁷ Nɛnnɛnke ɔ̀, aci nyui a sɛn eku nyui, yi aci vuɛn sɛn nɔ eku vuɛn. ¹⁸ Aci nyui ɖa sɛn eku vuɛn, yi aci vuɛn a sɛn eku nyui o. ¹⁹ Aci ci ɖe sɛnsɛn eku nyui ɔ, wa sui, a sɔdo ezomɛ. ²⁰ Mia jeshiwo sɔ todo wòwó ku sɛnsɛnwo mɛ. ²¹ Ɖe nyi mɛcio yi yɔ nɔŋ mɔ "Axwetɔ, Axwetɔ" wo yi a yi jipo fiɔɖuxulɔmɛ o ; fiɔɖuxulɔ liɖɛ nɔ amɛcio yi wa nɔ Mawu dwro. ²² Azan vɔxutɔlɔji ɔ, amɛ sugbɔtɔwo a biɔbiɔ ŋ se mɔ : " Axwetɔ, Axwetɔ ! Miɖe nu enyɔnuɖɛ sɔto awu nyikɔ mɛ ba ? Mi ɖe nyà gbɔngbɔn vuɛnwo, yi wa enu jiŋwo sɔ todo awu nyikɔ mɛ ba ? ²³ Na ɖonu nɔwo gbajɛmɔ : " Mité le ŋnu, amɛvuɛnwó. Ŋ jeshi mi ɖɛ go. " ²⁴ Amɛci yi sé a nyi nyɔwo, yi sɔwo do edowawa mɛ ɔ, ale shigbe enunyatɔ ci yi cu axwe do ekpegba ji. ²⁵ Eshi ja ; jihɔn ganganwó xo do awxélɔ́ nù ; vɔ axwélɔ ɖe gban o ; ɖo ocui do ekpe gbaja ji. ²⁶ Vɔ, amɛɖe kpokpui ci yi se anyi nyɔ wo , yi ɖe sɔwo do edɔwawamɛ ɔ, ale shigbe enu manyátɔ, ci yi cu axwé do ekɔ jí. ²⁷ Eshi ja; jihɔn ganganwo xo, yi axwélɔ gban, yi kaka hannya hannya." ²⁸ Le nu xu yesu tɔ cɛwo godu e ji jɔ jukon lɔ do yesu nu kplapla nu. ²⁹ Ɖɔ ekpla enu lɔ koɖo acɛ kpakpa yi ɖe kplɛ shigbé e se do wa tɔ wo nin o.