ETA 6

1 Cɔ oɖeki keŋ azɔn to jɔjwe mɔ lɔji le ŋmɛ nɔ amowo, nɔ wa kpɔ wo koɖo ŋkuvi nywi. Vɔ nɔ ɖeva nyi ahan ɔ, kpɔ ɖava sɛŋ hɔ efɛn cu lɔ le Edawo ci yi le jekuimɛ o. 2 Ahan ke nɔ eva wawa kpekpedonu nɔ mɛɖe ɔ, ŋgbe va sɔ hunɔ ekpɛn shigbe le han yi ayemɛnuwatɔwo wɛni le synagogues koɖo le mɔji o, keŋ a sɔ hɔ kɔkɔdoji le agbetɔwo gbɔ. Le nyɔ nɔ nywi mɛ ɔ, ŋnunuɔ nɔ o mɔ, ohɔ wowo fɛn cu vɔ. 3 Miwotɔ yɛ ɖe, nɔ mi nanu wamɛnɔwo ɔ, alɔ emiɔn ŋgbe nya nu ci yi alɔ ɖushi wa o. 4 Keŋ nɔ kpedonu miwotɔ a nɔ wlawla mɛ. Nɛnɛ ɔ, miwo Da ci glogloɔ mi kpɔ le wlawlamɛ ɔ, yɛ ava cu efɛn nɔ mi. 5 Nɔ mi dodoɔ egbedoɖa ɔ, mi ŋgbe va wɛwɛ shigbe ayemɛnu watɔ o nɛ o, ɖo ɔ, wo jinɔ mɔ yewo a le 'te keŋ yi a dodoɔ egbedoɖa le egbedoɖahu koɖo mɔ jiwo, yi a na nɔ amowo akpɔkpɔwo. Le nyɔnɔnui mɛ ɔ, wo hɔ fɛncu wowo tɔ vɔ. 6 Vɔ miwo ɔ, nɔ mi a do egbedoɖa ɔ, mi a ɖo miwo hɔ mɛ, a cu ehɔn, keŋ a do egbedoɖa, yi a yɔ miwo Da ci le wlawla mɛ ; yi miwo Da ci kpɔnɔ enu le wlawla mɛ ɔ, a cu efɛn nɔ mi. 7 Koɖo nɔ mi dodoɔ egbedoɖa ɔ, mi ŋgbe trɔtrɔ do nyɔ gbalio ji shigbe le han jimaxɔsetɔ o wɛnido ɛnɛ o ; Ɖo ɔ, wowo bunɔ mɔ nuhu sugbɔ xoxo mɛyi yo akpɔ ɖoŋci le. 8 Mi ŋgbe kpɔ le wo gbɔ yi a wa o ; ɖo ɔ, miwo Da Mawunya enu ci yi ʒian mi, gbɔxwe yi miwo a va biɔɛ. 9 Lehan yi miɖo awa kuifan do ke : "Miwo Da ci yi le jipo, awu nyikɔ ɖe kɔ ; 10 awu fiɔ ɖuɖu ɖe va ; awu dro ɖe nyi wawa le nyigbanji shigbe lehan yi wo wɛɛni do le jipo nɛ. 11 Na mi egbɛ ŋɖuɖu ; 12 Sɔ miwo gɔjejewo sɔke mi shigbe lehan yi miwo sɔkenɔ 'mɛ ciwo yi je agɔ do miwo can nɛ. 13 Ŋgbe lɔn nɔ mi a je tetekpɔ mɛ o. Vɔ, hwlɛn mi le amɛvɔnwo lɔ mɛ. Ɖo, tɔwo yi nyi efiɔɖuɖu, ŋsɛn koɖo kanfukanfu kaka sɔ yi mavɔmavɔ. Ami ! 14 Nɔ mi sɔ enu kenɔ amɛ ciwo yi je agɔ do mi ɔ, miwo Da ci yi le jipo asɔ enu ke miwo can. 15 Vɔ nɔ miɖe sɔ agɔjeje kenɔ amɛwo ɔ, miwo Da can ɖa sɔ agɔjeje miwo tɔ can sɔke mi o. 16 Nɔ mi bla enu ɔ, mi ŋgbe wawa shigbe mi le ŋshishi mɛ, shigbe ayemɛnuwatɔwo nɛ o. Wo ɖonɔli ŋmɛ nɔ amɛo a kpɔyi a nya mɔ wo le enu blabla mɛ. Le nyɔnɔnwi mɛ ɔ, ŋ nunu ɔ nɔ mi mɔ, wowo xɔ wowo fɛncu vɔ. 17 Vɔ miwo ɔ, nɔ mi le enu blabla mɛ ɔ, mi dranɔ ŋmɛ do yi a shinɔ amihwɛnte ; 18 nɔ amɛwo ŋgbe nya mɔ ɔ bla enu sɔ zeto Edao ci yi le koɖo wo le wlawla mɛ. Edao ci kpɔnɔ wlawla mɛ a cu yi fɛn nɔ o. 19 Mi ŋgbe bɔ dɔkuŋnuwo ɖɛ nɔ miwo ɖekiwo o, ɖo nyigban cɛ ji, fi ni ci yi ekɔnsubabawo ɖu nɔ enu le, yi enuwo jenɔ ehwi le, yi flafinɔwo gbannɔ ehɔwo yi finɔ enuwo le o. 20 Vɔ ɔ, mi bɔ dokuŋnuwo ɖɛ do jeŋkuimɛ, fi ni ci yi ekɔnsubabawo de gblenɔ enu le o, yi enuwo de jenɔ ehwi le o, yi flafinɔwo de gbannɔ ehɔwo le yi finɔ enuwo le o. 21 Ɖo fi ni ci yi awú dɔkuŋnuwo le ɔ, enɔ ke yi awú ji a le nɛ. 22 Ŋukuvi yi nyi kaɖigban nɔ lankpu. Nɔ awú ŋukuviwo le nyuide ɔ, awú lankpu lɔ pleŋ a le klɛnklɛn mɛ. 23 Vɔ nɔ awú ŋukuviwo de le nyuide ɔ, awú lankpu lɔ pleŋ a le ʒinflu mɛ. CI yi e le ahan ɔ, nɔ klɛnklɛn ci le wo mɛ trɔ ʒinflu ɔ, ʒinflu ci mɛ yi e le a gbe va ɖa do ji. 24 Amɛɖe de li yi a sɛnŋ yi a sɛn axwetɔ ameve o. A lɔn ɖeka yi a gbe ɖeka ; alo a se tonu nɔ ɖeka yi a gbali ɖeka. Mi ɖa senŋ yi a sɛn Mawu koɖo eho do eju o. 25 Yi na ta ɖo ŋ nunu ɔ nɔ mi mɔ, mi ŋ gbe bu nɔ enu ci yi mi a ɖu a lo ci mi a nu yi a nɔ agbe kpɔ o. Nɛnɛke ɔ, mi ŋ gbe bu nɔ enu ci yi mi a do do gotu kpɔ o. Agbe ɖe xɔ afi sɔwu enuɖuɖu, yi gotu ɖe xɔ afi sɔwu enudodowo ba ? 26 Mi kpɔ xeviwo ɖa ; wo de donɔ jinuku ɖe o, yi wo ɖe can nɔ jinuku ɖe bɔdo ava mɛ o. Vɔ miwo Da ci yi le jeŋkuimɛ nanɔ enuɖuɖu wo. Miwo ɖe xɔ afi sugbɔ sɔwu xeviwo ba ? 27 Nɔ amɛɖe le mi mɛ yi shishiɔ eju do yiɖeki shi kakaka can ɖee, a sɛnŋ da egaxoxo hwɛ ɖeka kpetii do yi gbezan ji a? 28 Ŋde jɔ yi mi vɔnvɔn do enudodowo nu ɔ ? Mi kpɔ lehan ci yi egbewo dɔn nɔ le ave mɛ do ɖa. Wo de wanɔ edɔ ɖe o ; kpɔ woɖe lɔn nɔ avɔ o. 29 Gan ke gan ɔ, ŋ nunu ɔ nɔ mi mɔ efiɔ Salomɔ le yi dɔku jeje mɛ can ɔ, de wa enu dodo ci yi nya kpɔkpɔ sɔ koɖo hunnɔwo o. 30 Nɔ Mawu le awu do ɔ nɔ egbe ciwo yi le ete egbɛ, yi esɔ, wo a sɔ wo dɔŋkpe do ezo mɛ ɖee, ɖa na enu dodo sugbɔ miwo sɔwu wowo ba ? Amɛ xɔse hwe nɔ tɔ wo ! 31 E yi na taɖo ɔ, mi ŋgbe so jika, yi a nunu ɔ mɔ : Ŋɖe yi mi a ɖu ɔ ? Alo ŋɖe yi mi a nu ɔ ? Alo ŋɖe yi mi a do ɔ ? 32 Nɛnɛ han nuwo pleŋ ɔ, Maxɔsetɔwo yi jinɔ wo. Vɔ ɔ, miwo Da ci yi le jeŋkui mɛ nya mɔ enu hunnɔwo ʒian mi. 33 Mi ji jeŋkui mɛ fiɔ ɖuxu lɔ koɖo jwɛjwɛ nyinyi Mawu tɔ do ŋkɔ ; ganɔ mɛ ɔ, Mawu a sɔ enu hunnɔwo pleŋ na mi doji. 34 Eyi na taɖo ɔ, mi ŋgbe vɔn nɔ esɔ ci yi a ke o. Ɖo ɔ, esɔ ŋtɔ a sun do yi ɖeki nu. Ŋkeke ɖeka ɖeka koɖo yi gbla dodo.