¹ Ci Yesu kpɔ agbetɔ lɔ wo ɔ, ela etoji. Agacimɛ yi enɔ ayi nɔnɔ ɔ, nukplanvi yiyitɔ wo va gbɔ. ² Eke yinu, yikplan enu wo yi nunu ɔ mɔn . ³ Jijɔ nɔ mɛciwo nyi wamɛnɔ le gbɔngbɔnmɛ, ɖo jipo fiɔ ɖù xu lɔ nyi wootɔ. ⁴ Jijɔ nɔ mɛciwo yi fanfan avi, ɖo wa va xɔ ŋsindodo. ⁵ Jijɔ nɔ mɛciwo hwe woo ɖekiwo, ɖo anyigban lɔ anyi wotɔ . ⁶ Jijɔ nɔ mɛ ciwo yi shive ci koɖo mɛ ciwo yi jɔjwɛnyinyi shikɔ ci, ɖo wɔ hodou ava ɖɔwo. ⁷ Jijɔ nɔ amɛciwo yi kunɔ ŋshishi nɔ amɛ, ɖo wava xɔ ŋshishikùkù . ⁸ Jijɔ nɔ amɛciwo o ji mɛ, ɖo wava kpɔ Mawu. ⁹ Jijɔ nɔ amɛciwo yi nyi amɛ fafa, ɖo wava yɔwo mɔ Mawu vi. ¹⁰ Jijɔ nɔ amɛ ciwo yiotɔ ahwa do jɔjwɛnyinyi tà, ɖo jipo fiɔ ɖuxu lɔ nyi wootɔ. ¹¹ Jijɔtɔnɔ yi minyi, nɔ amɛwo zuzuɔ mi, yi tɔtɔ ahwa mi, alo anu enyɔn xoyi wo pleŋ dó amɛ nu sɔto anyi ta. ¹² Mipkɔ jijɔ yi mia vo, ɖo efincu miwotɔwo a sugbɔ le jipo. Ɖo nɛnɛ yi amɛwo wa ahwa koɖo nyɔnuɖetɔ ciwo nyi miwo tɔgbuiwo nɛ. ¹³ Miwo yi nyi ejé le nyigban ji ; vɔ nɔ eje va sɔ vivi yitɔ sɔ bu ɔ, le waa wɛa jeshi ɔ ? Ɖe gbé nyi ŋɖe wanu wo. Kpoŋ wɔ, waswɛ a sɔ do gbadonu, yi emɔ totɔwo aɖafɔ yi ji . ¹⁴ Miwo yi nyi klɛnklɛn xexe lɔ tɔ. Jukɔn ci wo cu do etoji ɖa siŋ wla o. ¹⁵ Nɛnɛke, wɔasin tɔzo, yi a sɔ do kisimɛ à ? Tadogù yi tɔ ɖe, wasɔ do ekplɔn de ji, yi akɔ ɖo me ciwo le axhwe lɔ mɛ ji . ¹⁶ Nɛnɛ yi mia klɛn le amɛwo ŋkɔ, nɔ wakpɔ edo wawa nyui miwo tɔwo yi akanfù miwo Da ci le jipo. ¹⁷ Miŋ bebu domɔ nyɛ va yi ava cucu ese alo enyɔnuɖetɔwo o ; ŋɖe va yi ava cucu wo, vɔ yi a wa to wo ji . ¹⁸ Le nyɔnnɔnui mɛ, ŋ nuɔ nɔ mi, kaka boo yi jiŋkui kodo anyigban liɔ, wóɖa cùcù ŋɖe kpokpui so ese lɔ nu wò ; ecɛ kaka sɔ yi enuwo pleŋ vava mɛ. ¹⁹ Yi dotado amɛ ci wo ɖa waa do ese ci yi hwe sɔwu gan kpɛtɛwo anyi amɛ cihwe wu le jipo . Vɔ mɛ ci wa to ci yikplan amɛ wo ɔ anyi mɛgán hwo le jipo . ²⁰ Ŋɖo eke yi ci nɔjɔjwe nyi nyi miwo tɔ ɖe wu gan jɔjwɛ nyi nyi esedòwátɔ wó koɖo falisitɔwo ɔ mi ɖa siŋ yi à ɖo jipo fiɔ ɖu xu lɔ mɛgo . ²¹ Mi se wo nu nɔ sasa mɛ mɔ : " ŋgbe wu amɛ wo " , yi : "mɛ ɖe kpokpui ci wu yi kpenan ɔ jenɔ kojoɖoɖo ." ²² Vɔ nyɛŋ nunu ɔ nɔ mi mɔ mɛ ɖe kpokpui ci sin xomɛ do yi kpenan ɔ , jen ɔkojoɖoɖo ; nɛnɛ ke mɛ ci yi nunɔ yi kpenam mɔ : " eɖotago ! " aɖo kojo yi . Mɛɖe kpokpui ci nu mɔ " dɔndɔn tɔnɔ yi enyi " zomavɔ letékpɛ̄ . ²³ Nɛnɛ ke , nɔ enan enu nam le avɔ sasa kpe gbɔ ɔ yi eva ɖowiŋ mɔ enyɔ le gla gla mɛ nɔ mi ɔ , . ²⁴ Tasi enu nãnã tɔ wo do avɔ sa kpelɔgbɔ , yi ava dra glamɛ donɔ wɔ koɖo nɔvio ŋkɔtɔ . Yi godu mɛ ɔ , nava nà enu nãnã tɔwo . ²⁵ Segɔn mɛ zedeka kodo ehwɛ do nɔ amɛ tɔ tɔwo nɔ agacimɛ yi mi yi kɔ kojo dogbé ; nɔ ɖe nyi nɛnɛ ɖe , ehwɛ do nɔ amɛ tɔ tɔwo asɔ wu sɔ jo nɔ kojo ɖotɔwo asɔ wù sɔ jonɔ sɔjà wo yi sɔja wo asɔ yi sɔ do gakpamɛ̀ . ²⁶ Nyɔ nɔ nyi mɛ, ŋ nunu ɔ nɔ wu yi ɖe ɖo wa to lenɔ yi ɖa gɔn ma cù efin ci jenɔ wu o . ²⁷ Miɖe se wo nu mɔ, "miŋbe wa hashi " . ²⁸ Vɔ ŋ nu mi mɔ mɛ ɖe kpokpui ci kpɔ nyɔ nu yi edrwi ɔ , wa hashi koɖi le yijimɛ . ²⁹ Eyi nɔ enyi ŋkuvi ɖushimɛtɔ tɔwo yi a dɔ yi a juɛn ɔ, ɖishi asɔ dɔ do azɔgé ; ɖo anyɔ nɔwu mɔ, ablɔ a le wunu wu mɔ awù lankpun pleŋ ayi ezomɛ. ³⁰ Nɔ enyi alɔ ɖushi tɔwo yi a do yi a juɛn ɔ, sui yi a sɔdɔ ; ɖó ɔ́, anyɔ nɔwu sɔwu mɔ, ablɔ ale wunu yi ná yi jipo mɔ nà le blebu keŋ yi a yi ezomɛ. ³¹ Wó gbé nu hɛn nɛ mɔ : " Mɛɖe kpokpui ci gbé ashiɛ ɔ, asɔ amɛgbegbe wema sɔ joni." ³² Vɔ ŋ nu ɔ nɔ mi mɔ mɛɖɛkpokpui ci gbe ashiɛ, yi ɖe nyi mɔ hashi yi ewa ɔ, esɔ ashiɛ lɔ sɔ trɔ hashitɔ nɔ ; yi mɛɖɛ kpokpui ci va sɔ nyɔnulɔ sɔɖe ɔ, wa hashi can hɛnnɛ. ³³ A sɔyi ji ɔ, mise yi wo nu nɔ miwo tɔgbuiwo mɔ : "Ŋgbe dó ŋgbé mawato jiwo vɔ mi do ŋgbe ɖaɖa Mawu. ³⁴ Ci ele nɛnɛ can, miŋgbe ta jiŋkui abi efiɔ zekpin Mawu tɔ o. ³⁵ Alo nyigbá o ɖo ɔ nyigbá nyi fici yi Mawu zɔn nɔ zɔnlin to, alo yeluzalɛm ɖo enyi jugan efiɔ gangan lɔ tɔ. ³⁶ Mi ŋgbe ta nu wo, ɖo mi ɖe je yi a sɔ eɖa sɔ tlɔ eyú wo alo eyi wo . ³⁷ Nɔ mi xoɔ nuxú ɔ , mi wo nuxu ɖe le jɔ jwɛ ɖe "ɛ̄ , ɛ̄ " alo "óo , óo" ŋci wo mi a sɔ kpeni wo ɔ ɛ so le aye ha tɔ nɔ lɔ gbɔ . ³⁸ Mi se yi wo nu nɔ mɔ : " ŋkuvi koɖo ŋkuvi , yi aɖu koɖo aɖu" . ³⁹ Vɔ ŋni nu nɔ mi mɔ , mi ŋgbe nɔ télé amɛ vuin ŋkɔ go ; ci ele nɛ nɛ ɔ mɛɖe kpokpui ci xo tomɛ ɖusi tɔ nɔ wu ɔ na tlɔ halɔ tɔ sɔ ɖaɖɛ . ⁴⁰ Nɔ mɛɖe va blagbe dowu yi a xɔ kocu tɔ wo ɔ , tasi nɔ ahɔ awu jijin tɔ wo can . ⁴¹ Mɛɖe kpokpui ci mɔ dan dan wɔ a wa ekpe ci ɖeka ɖe , wa amɛ ve koɖui . ⁴² Na mɛ ci yi biɔ enu wu , yi ŋbegbe mɔ eɖa nan mɛ ci yi jiji ɔ le wugbɔ . ⁴³ Mi ɖe se wó nú mɔ :" alɔn awu kpenǎ yi a gbe nu so ketɔ tɔ wo gbɔ " . ⁴⁴ Vɔ ŋ nunɔ mí : " mi lɔn miɔ ketɔ wo mi dogbeɖaɖa mɛ ci wo tɔ ahwa mi wo " mi yayra mɛ ci wo drɔ drɔ vuin nɔ mi wo . Mi wa enyu nɔ mɛ ci wo yi ɖe lɔn mi ò" . ⁴⁵ Yii mia va nyi eyi nɔ miwo Da ci le jipo . ɖo a nǎ nyidɔn a klin do amɛ vuin koɖo amɛ nyi wo ji , yi abe nǎ yi esi aja do amɛ jɔjwɛ wo koɖo amɛ majɔ majɔ woji . ⁴⁶ Nɔ mi lɔn amɛ nyuiwo kɛɖɛwo ɖe, fincu hiŋde mia va xɔ so nɛnɛ han nu wo gbɔ ɔ ? taga jɔtɔ wo can wanɔ nɛnɛ hɛnnɛ . Mi wo ɖo a wa wu gan ó. ⁴⁷ Nɔ enyi mi wo nɔ vio ɖekɛ yi miwo va wu wu gan woɔ ? maxɔse tɔ ɔ can wa enyi wu gan nɛnɛ . ⁴⁸ Ɖo ɔ mi ɖo ajɔ , sigbe le miwo Da ci le jipo jɔ nɛ .