¹ Le gaxoxo lomɛ ɔ, Ʒan Mawu shi lenɔamɛtɔ to do zogbeji yi le Mawu nyɔ nu ɔ le Ʒude kanmɛ yi nunuɔ mɔ : " ² Mi tlɔ miwo ɖekiwo aji, ɖo jipo fiɔ duxu lɔ gogo ". ³ Ʒan nu yi enyɔ nudɛtɔ Ezayi xo nuxu ɖɛ do mɔ : "awxa ɖeka ɖidiɛ le zogbeji mɔ : "Midra Awxétɔ lɔ mɔ do, yiá ná yi mɔwo ajɔ." " ⁴ Ʒan do nɔ awu ci yi wo sɔ́ esɔkpotɔnɔ fun ton, koɖo akpablanu elan gbaza tɔ. Enuɖuɖu yi tɔ yi nyi klejà koɖo enyishi. ⁵ Ʒeluzalɛmutɔwo koɖo Ʒudetɔwo sɔkpénɔ Ʒuludɛn tɔsasa kanmɛtɔwo vánɔ́ Ʒan gbɔ. ⁶ Wo vayi hunnɔ wowo nuvɔnwo mɛ yi Ʒan donɔ eshita nɔwo le Ʒuludɛn tɔsasa lɔ mɛ. ⁷ Ci yi Ʒan kpɔmɔ́ Falisitɔwo koɖo Sadukitɔwo sugbɔ yi gbɔ́gbɔ́gbò nɔ a do eshita nɔwo ɔ, enú nɔ wo mɔ : " zakpata xomuwo, mɛ yí dre nɔ mimɔ miwo ɖe shinɔ Mawu xomɛshin ci gbɔgbɔ ɔ̀ ? ⁸ Misɛn eku ci yi je nɔ jimɛtrɔ̀trɔ́. ⁹ Yi mi ŋgbe drɔdrwɛ mɔ : "Ablahamu nyi miwo tɔgbi ; yi yɛ sun o." Ɖo Mawu ɖo ŋsɛn yi a ɖe jijimɛ ti nɔ Ablahamu le ekpe cɛwo mɛ dru. ¹⁰ Wo sɔ efiɔ̀ lɔ sɔ do ekéji nɔ acilɔwo vɔ̀. Aci cíwo yi ɖe sɛnsɛn eku nyuio ɔ́, wa sowó, yi a lɔ̀wó do ézo mɛ. ¹¹ Enyɛ Ʒan o, ŋdo eshita nɔmi nɔ jimɛtrɔtrɔ. Vɔ, mɛ ci yi gbɔ̀gbɔ̀ kplɔ ŋdo ɔ, esɛn wu gan ŋ ; yi ŋɖe sun do fɔkpa yi tɔ dodo o. Eyɛ yi a lé Gbɔngbɔn Kɔkoɛ koɖo ézo shidota nɔ mi. ¹² Atɛ le alɔ mɛ ni, yi ejijiɔ afú yi liku, yi a sɔ dó avà mɛ ɖɛ́. Ado ézo macímací do ebe lɔwo mɛ. ¹³ Yesu so le Galeliya yi va ɖo Ʒuludɛn tɔsasanu le Ʒan gbɔ, nɔ ado eshitani. ¹⁴ Ʒan jí mɔ yé a gbé ; ɖo enúnú ɔ mɔ̀ : "enye yi ɖo ava ewɔ̀ gbɔ nɔ na do eshita nɔ ŋ. Vɔ yi ewɔ vàvá enyɛ gbɔa ?̂ " ¹⁵ Yesu ɖo nu ni mɔ : "Xɔ gbe yi ado eshita nɔ ŋ ; ɖo ɔ, ényɔ mɔ, míàwa enu jɔjɔɛ.". Eyi Ʒan xɔ gbe. ¹⁶ Ci yi wo do eshita nɔ Yesu ɖegbɔ ɔ, zeɖeka le eshi lɔ mɛ tótólé ɔ, yi jipo hun, yi é kpɔ Mawu Gbɔngbɔn sɔ hwanni nɔnɔmɛ yi ɖi do ji. ¹⁷ Eyi egbe ɖeka ɖi lé jipo mɛ nu mɔ : Mɛ cɛ yi nyi anyi vi vevi ; èjì jɔ nɔ ŋ do nu." .