¹ Ci yi oji yesu le bɛtelehɛmu ɔ, Elodi fiɔ ɖuɖu hwenu yi e nyi, wbecivimɛ yɖɛ nyatɔ ɖewo so le ewe zexu yi va ʒeluzalɛmu jugan mɛ ² yi biɔ se mɔ: fini yi yuɖatɔwo fiɔ ci yi oji le elɛ le ɔ? Do le ewezuxu ɖa a ɔ, mi kpɔ eyi wlecivi. Eyi taɖo mi va y'ava siin. ³ Ci yi Efiɔ Elodi se enyɔ hunnɔ vɔ, e caka le yiɖekimɛ. Nɛnɛke yi ʒeluzalɛmu juganmɛtɔwo can gbe caka le owoɖekiwo mɛ koɖi hɛnnɛ nɛ. ⁴ Elodi yɔ avɔsatɔwo gawo koɖo jukɔn lɔ pley bɔ eyi ebiɔwo se mɔ: fini yi oɖo aji kliso lɔ le ɔ? ⁵ Yi wo ɖo nu ni mɔ: Bɛtlehɛmu le ʒude kan mɛ yi woɖo aji,do. Do nyɔci yi mawu nu ɖɛ todo eyi ŋɛdotɔ ɖekaji yi e ŋwlɛ daɖɛ nɛ mɔ: ⁶ Eɔ Bɛtlehɛmu ci yi le yuɖa kan mɛ, ŋkandoji mɔ ɖe nyi eju hwɛhwɛ le ejugan ciwo yi le yuɖakan mɛ o, ɖo ewɔ mɛ yi efiɔ ci yi a va kplɔ jukɔn kinnyɔ israyɛli a to so`. ⁷ Gahunnɔ mɛ yi Elodi dɔ yi wo yɔ enunyatɔ lɔwo vɛ nii le bèbè mɛ yi e biɔ wo se mɔ gahinɖe mɛ yi wlecivi lɔbto teŋ mɛ? ⁸ Le eyi godo ɔ, edɔ wo ɖaɖa Bɛtlehɛmu mɔ: Mi yi biɔ ɖevie nyɔ se nywiɖe. Nɔ mi kpwɛ ɔ mi na nɔ ma nya a yi siin hɛn nɛ. ⁹ Ci yi enunyatɔ lɔ wo se efiɔ Elodi nyɔ ɖegbɔ ɔ, wo so ɖe do, yi wlecivi ci yi wo kpɔ le ewezexu gbe kpɔ tɔ zɔnzɔn le ewezexu le ŋkɔ nɔ wo kaka va yi nɔ ete do tamɛ nɔ fici yi ɖevi lɔ le ¹⁰ ejijɔ enunyatɔ lɔ wo sugbɔ. ¹¹ Eyi wo ɖo axwe lɔ mɛ, yi kpɔ ɖevi lɔ koɖo enɔlɔ Mali. Yi wo doŋ do nii yi siin. le eyi ŋodu ɔ, wo hun wowo yoduwo yi ɖe shika, lifi koɖo amihwɛnte ehovevitɔnmilu yi sɔ nii. ¹² Le hunnɔ godu ɔ, Mawu va xo edrɔ wo mɔ wo ŋgbe trɔ to do Elodi gbɔ o. Eyi va to do emɔ bu yi axwe. ¹³ Ci yi enunyatɔ lɔwo trɔ yi axwe ɖe gbɔ ɔ, Mawu dɔla ɖeka vado asɛ yiɖeki nɔ ʒozɛfu le edro mɛ yi nu nii mɔ: Fɔn ashi kodo ɖevi lɔ koɖo enɔlɔ yi a yi bedo Eʒiputu. Nɔ̀ enɔ́ kaka asɔ na gaci yi mɛ yi na nu nɔ o. Do ɔ, Elodi jíji a va jí ɖeviɛ kpɔ a wii. ¹⁴ ʒosefu fɔn yi kplɔ ɖeviɛ koɖo nɔlɔ yi wo shi yi eʒiputu le zanmɛ. ¹⁵ ʒozɛfu nɔ nɔ koɖo wo kaka sɔ na gaci yimɛ yi efiɔ Elodi ku. NɛNɛ yi enyɔ ci Mawu nu daɖɛ todo eŋɛdotɔlɔ ji mɔ:" ŋ yɔ evinyɛ mɔ yi ɖe so le Eʒiputu " va jɔ da nɛ. ¹⁶ Ci Elodi va nya mɔ enunyatɔ lɔ wo ble ye do mɛ ɔ, xomɛ shin sugbɔ yi e ɖe gbe mɔ wo le wu evi ŋsuvi vefɛnwoji kaka je ciwo yi exwe ve woji le Bɛtelehɛmu koɖo kɔxwi ciwo yi trɔ dii wo mɛ. Enyɔ ci yi enunyatɔ lɔwo nu nii vayi ji yi ezɔndo yi kan exwe amɛve lɔ. ¹⁷ Nɛnɛ yi enyɔ ci yi Mawu ŋɛdotɔ ʒelemi nu daɖɛ va yi jɔ donɛ. Enyɔ lɔ nyi kpɔ mɔ ¹⁸ Egbeɖeka ɖyiɖyi ɔ le hlama, e le axwa sɛnsɛnɖe yi fanfan ecɔvi Hlashɛli yi le eviɛwo ví fan. wo blibli ɔ can egbe mɔ ye d'ase, ɖo ɔ, eviɛwo ku. ¹⁹ Ci yi Elodi ku ɖegbɔ ɔ, Mawu dola ɖeka do asɛ yiɖeki nɔ ʒozɛfu le edrɔ mɛ le Eʒiputu yi nu nii mɔ: ²⁰ "shite a kplɔ ɖevi lɔ koɖo enɔlɔ yi a trɔ gbɔ va Israyɛli jumɛ. Do ɔ, mɛ ciwo yi jijiɛ eku nɔ ɖeviɛ va yi sasa wo ku." ²¹ Eyi Ʒozɛfu shite yi kplɔ ɖevi lɔ koɖo enɔlɔ yi trɔgbɔ va Israyɛli ju mɛ. ²² Vɔ ci yi eva se mɔ akelayusi yi va ɖu efiɔ do edalɔ Elodi du mɛ le ʒude kanmɛ ɔ axwe gbɔ gbɔ va ɖyi vɔnvɔn nii. Eyi Mawu ɖo afɔ afɔ ta nii le edrɔ mɛ yi e yi Galelia kan mɛ ²³ yi va yí ci nazarɛti jugan mɛ. Nɛnɛ yi enyɔ ci yi Mawu fodo eŋɛdotɔ ɖekawo jí mɔ: woa va yɔɛ mɔ nazalɛtitɔ.