¹ ''Jeŋkuimɛ fiɔɖuxu lɔ le shigbe enu ci yi jɔ hwenu yi nyɔnuvi amɛwo ɖekawo sɔ wowo ɖigbanwo yi a vayi do ego nyɔnuɖetɔ ɛnɛ. ² Ayi le ete nɔ nyɔnuvi amatɔn le amɛwo lɔwo domɛ yi amatɔn nyi exlunɔ. ³ Nyɔnuvi ciwo yi nyi exlunɔ sɔ wowo ka ɖigbanwo vɔ kpɔ wo de hɛn ami do eguviwo mɛ bɔdo wo nu go . ⁴ Nyɔnuvi ciwo yi ayi le ete nɔ hɛn wowo kadigbanwo nu. ⁵ Nyɔnuɖetɔ lɔ de va va blaŋ go yi alɔn sɔ wo yi wo dɔn alɔn . ⁶ Le ezandomɛ shigbe ezangawive nɛnɛ , amɛɖeka va tɔ axwa dodo mɔ nyɔnuɖetɔ lɔ ke gbɔgbɔ ke. wo le to a yi do yi . ⁷ Hwenɔnu ɔ, nyɔnuvi lɔwo fɔn zedeka yi na eka nɔ wowo kadigbanwo . ⁸ Eyi nyɔnuvi exlunɔ lɔwo nu nɔ nyɔnuvi ayiletenɔtɔwo mɔ : Mi na ami hwɛɖɛka mi ɖo miwo kaɖigbanwo tɔ cici . ⁹ Ayiletenɔtɔ lɔwo doɖnu nɔ wo mɔ : Gbeɖe , nɔ mi na ami mi ɔ , ci yi a kpɔtɔ nɔ mi d'a va sun nɔ mi go . Nɔ mi a wɛɛ nyuiɖe ɔ , mi yi amisatɔwo gbɔ a yi je. ¹⁰ Ci yi wo yi ami lɔ jegbe ɔ, nyɔnuɖetɔ lɔ va ɖo yi ayiletenɔtɔ ; amɛ ciwo yi le egbesɔsɔ ɖo nyɔnuɖexu lɔ koɖoi yi wo gla ehɔn lɔ. ¹¹ Le yi godu ɔ, nyɔnuvi exlunɔ lɔwo va gbɔ yi va tɔ axwa dodo yɔ ega lɔ mɔ: Mɛgan , mɛgan hun ehɔn nɔ mi ! ¹² Vɔ ɔ , nyɔnuɖetɔ lɔ ɖoŋu nɔ wo mɔ : Le nyɔnunui mɛ ɔ , ŋ nunuɔ nɔ ma mɔ ŋ de Jeshi mi ɖɛ go. ¹³ E yi na taɖo ɔ mi nɔ ŋzɔn hweɖekpokpui , ɖo mi ɖe nya ŋkeke lɔ alo egaxoxo ¹⁴ Yesu nu mɔ : '' A le shigbe ŋsu ɖeka yi jijiɔ a yi emɔ ji yi yɔ yi dɔwaviwo yi sɔ yi dɔkunuwo do alomɛ nɔ wo nɛnɛ . ¹⁵ ŋsu lɔ nya enu ciyi edɔwavi ɖeka ɖeka a sɛn eŋ wa. Eyi e sɔ shikaho sanŋdiatɔn na ɖeka yi sɔ sanŋdive na ebu yi gbe sɔ sanŋdiɖeka na ebu ke . ¹⁶ Ci yi ŋsu lɔ emɔ lɔ jiɔ , edɔwavi ci yi e sɔ shukaho sanŋditɔn na lɔ vayi ashi sɔso eho lɔ nu zedeka yi kpɔ shikawo sanŋdiatɔn do ji . ¹⁷ Nɛnɛ lɔ ke yi amɛ ci yi xɔ sanŋdivɛ trɔ ashi sɔso yitɔ nu yi kpɔ sanŋdive do ji do nɛnɛ. ¹⁸ Vɔ ɔ , amɛ amɛtɔntɔ ci yi xɔ shikaho sanŋdiɖeka vayi ɖe edu do nyigban yi sɔ yi ga ho lɔ wla do mɛ . ¹⁹ ci yi edɔwavi lɔwo ga xɔ azan sugbɔ le emɔ lɔ ji yi trɔgbɔ ɔ , e va wa kɔnŋta kodo wo . ²⁰ Edɔwavi ci yi xɔ shikaho sanŋdiatɔn hɛn shikaho sanŋdiatɔn bu va yi nu nɔ yi ga mɔ: Mɛgan ci yi e sɔ shikaho sanŋdiatɔn na ŋ ɔ , ŋ kpɔ sanŋdatɔn do ji wp ke . ²¹ Eyi eji jɔ yi ga yi e nu nii mɔ : Edɔwavi adodui ci ji yi wo a kando yi e nyi. Enu a kando yi e nyi . Enu hwɛnhwe hunnɔ yi ŋsɔdo alɔmɛ nɔ wu yi e ziin nyuiɖe nɛnɛ. Na sɔ enu sugbɔ ɔlo alɔmɛ mɛ nɔ wu. Va kpɔ jijɔ koɖɔ ŋ. ²² Edɔwavi ci yi xɔ shikaho sanŋdive can va nu nɔ yi ga mɔ: Mɛgan , ci yi e sɔ sanŋdive nɔ ɲ ɔ , ŋ kpɔ sandive do ji wo ke. ²³ Eyi eji jɔ yi ga e nu nii mɔ ; Edɔwavi adodui ci yi ji wo a kando yi e nyi. Enu hwɛhwɛ hunnɔ yi ŋ e zin nyuiɖe nɛnɛ ? Na sɔ enu sugbɔ do alɔmɛ nɔ wu va kpɔ jijɔ kodo ŋ. ²⁴ Edɔwavi ci yi xɔ shikaho sanŋdiɖeka can va nu nɔ yi ga mɔ : Mɛgan , ŋ nya mɔ ɔwu nyɔ ɖe fanɔ go. E cannɔ jinuku le afi ci yi d'e do jinuku do go , yi bɔnɔ jinuku le afi ci yi d'e hlɛn jinuku do go . ²⁵ ŋ vɔn nɔ wu . E yi na tado yi ŋ yi ku edu do nyigban yi wla awu shikaho do mɛ ɖɛ nɔ wu. Awu ho ke nɔ ewu . ²⁶ Eyi yi ga ɖoŋnu nii mɔ : Edɔwavi dɔndɔn , dyiɖɔnɔ yi nyi. Nɔ e nya mɔ ŋ cannɔ jinuku le afi ci yi ŋ de do jinuku do go yi bɔnɔ jinuku le afi ci ŋ de hlɛn jinuku le afi ci yi ŋ de hlɛn jinuku do go ɔ ²⁷ e ɖo a sɔ anyi ho lɔ dodo ehodadoxu . Gahumɔmɛ nɔ ŋ gbɔ ɔ , ma xɔ anyi ho koɖo evi ci yi a ji do ji. ²⁸ E yi na taɖo ɔ , mi xɔ shikaho sanŋdiɖeka lɔ le shi yi a sɔ jo nɔ amɛ ci shi yi sanŋdi amɛwo le. ²⁹ Do amɛ ci shi yi enu le ɔ wo a sɔ enu sugbɔ kpe nii nɔ a su egbɔ nii doji . Vɔ amɛ ci shi yi enu sugbɔ de le ɔ , wo a xɔ kankin lɔ le shi . ³⁰ Mi sɔ edɔwavi manyienuɖe cɛ dɔ ziŋflu mɛ le xexenu . Enɔtɔxu yi fan avin yi a ɖu aɖukli le nɛ . '' ³¹ ''Hwenu yi Agbetɔvi lɔ a va le yi klɛnklɛn mɛ koɖo cikplɔtɔwo pleŋ ɔ , a va nɔ anyunɔnɔ do yi fiɔzinkpin ji . ³² Eyi wo a bɔ nyigban ji jukɔnwo pleŋ do ŋko nii yi a ma wo mɛ do vovovo shigbe lehan yi lɛngbɔkplɔtɔ manɔ lɛngbɔwo koɖo gbɔgbɔɛwo mɛ do nɛnɛ . ³³ A na yi lɛngbɔwo a nɔ yi ɖushimʒ yi gbɔgbɔɛwo a nɔ yi miɔmɛ . ³⁴ Eyi efiɔ lɔ a va nu nɔ amɛ ciwo yi le ɖushimɛ mɔ : MI va Miwo ciwo yi edanyɛ cu eshi nɔ. Wo dra jeŋkuimɛ fiɔɖuxu lɔ do nɔ mi sɔso xexe lɔ gɔnmɛjeje. Mi va xɔɛ nɔ a nyi miwotɔ. ³⁵ Ɖo ɔ shive ci ŋ yi na enu ŋ yi ŋ ɖu. Shikɔ ci ŋ yi mi na ŋ yi nu . ŋ nyi mɛdru yi va ze mi gbɔ yi mi xɔ ŋ nyuiɖe . ³⁶ Ŋ le amaama yi mi na awu ŋ yi ŋ do . ŋ leleɔ edɔ yi mi va ji ŋ kpɔ . ŋ le gakpa mɛ yi mi va yɔ ŋ kpɔ . ³⁷ Eyi amɛjɔjɔɛwo a biɔ se mɔ : Axwetɔ , hwenu yi mi kpɔ yi shive ciciɔ ewu yi mi na enu ewu yi e ɖu ? Hwenu yi mi kpɔ yi shikɔ ciciɔ ewu yi mi na eshi ewu yi e e nu ? ³⁸ Hwenu yi e nyi mɛdruyi va ze mi gbɔ yi mi xɔ wu nyuɖe . ³⁹ Hwenu yi mi kpɔ yi e le amaaman yi mi na awu ewu yi e do ? Hwenu yi mi kpɔ yi e le edɔ alo yi e le gakpa mɛ yi mi va ji wu kpɔ ɔ ? ⁴⁰ Eyi efiɔ lɔ a doŋnu nɔ wo mɔ : Le nyɔnɔnui mɛ ɔ , ŋ nɔ mi mɔ nɔ mi wa enuɖe nɔ nɔvinyɛ cɛwo domɛtɔ ɖe ɔ , mi a nya mɔ enyɛ yi me wɛɛ nɔ . ⁴¹ Le yi godu ɔ , efiɔ lɔ a va nunɔ amɛ ciwo yi le yi miɔmɛ mɔ : Mi teyi ɖaa le ŋ nu miwo ciwo yi wo donu wo . Mi yi ezomavɔ ci yi wo drado ɖɛ nɔ legba koɖo yi cikplɔtɔ mɛ ! ⁴² Do ɔ , shive ci ŋ yi mi de na enuɖe ŋ yi ŋ ɖu go . Shikɔ ci ŋ yi mi de na eshi ŋ yi ŋ nu go . ⁴³ Ŋ nyi mɛdru yi va ze mi gbɔ yi mi de xɔ ŋ nyuiɖe go. ŋ le amaama yi mide na awu ŋ yi ŋ do go . Ŋ leleɔ yi mi de va ji ŋ kpɔ go. ŋ le gakpa mɛ yi mi de va yɔ ŋ kpɔ go. ⁴⁴ Eyi wo a ɖoŋnu nii mɔ : Axwetɔ , hwenu yi mi kpɔ yi shive ciciɔ ewu alo shikɔ ciciɔ ewu alo e nyi mɛdru yi va ze mi alo yi e le amaama n alo yi e le edɔ , alo yi e le gakpa mɛ yi mi de kpedo ewu nugo ɔ ? ⁴⁵ Efiɔ lɔ a ɖoŋnu nɔ wo mɔ : Le nyɔnɔnui mɛ ɔ , ŋ nunuɔ nɔ mi mɔ hwe ɖekpokpui ci yi mi de wa enuɖe nɔ ɖehwɛ ciwo domɛtɔ ɖe go ɔ , mi a nya mɔ enyɛ yi mi de wɛɛ nɔ go . ⁴⁶ Eyi amɛ ciwo a yi rfunkpekpemavɔ mɛ yi amɛjɔjɔwo a yi agbemavɔ mɛ .''