¹ Ci Yesu to so Mawusɛnxu xu lɔ mɛ yi ɖe ɖo, Eyi nukplaviwo te yi va gbɔ yi do ase le wo cu Mawusɛnxu xɔ lɔ do nii. ² Eyi Yesu nu nɔwo mɔ: «Mi kpɔkpɔ enu cɛwo pleŋ a? Ŋnu nuiɛ nɔ mi mɔ: ekpe ɖe ɖa gbe kpɔtɔ le ekpe ɖe ji wo a gban wo pleŋ » ³ Ci yi Yesu nɔnyinɔnɔ do olivuciwo to ji ɔ, e yi nukplavi ɖekawo te va gbɔ, yi biɛ se mɔ: «Hwenu yi enyɔ cɛwo ava tɔ jɔjɔ do ɔ? jeshidu wo yi a do asɛ nɔ mi mɔ xexe lɔ jiji a gu ɔ? Nui nɔ mi ». ⁴ eyi Yesu ɖo nu wo mɔ: Mi kpɔ nyuiɖe nɔ mɛɖe ŋgbe va ble mi do mɛ o. ⁵ Ɖo amɛ sugbɔ wo a va va, asɔ nyikɔ vin nyɛ , yi a nu nu ɔ mɔ eyo wo yi nyi klisolɔ! wo a ble amɛsugbɔ wo. ⁶ Nɔ mi va se seɛ mɔ eju ciwo yi sɔ mi gbɔ koɖo ciwo yi jinjin le mi nu wo le ahwa wa ɔ, mi ŋgbe vɔn o. Ahwa hunnɔ wo ɖo a jɔ, vɔ kpɔ ɖe nyi xexe lɔ gugu hwenu yi nyi hunnɔ o. ⁷ Jukɔn ɖe a va tɔ ahwa wa wa koɖo efiɔɖuxuɖe. shive a va to, nɛnɛ ke nyigban a va hunhun le texu sugbɔwo nɛ. ⁸ Enyɔ jɔjɔ hunnɔ wo a va le shigbe veve sese gɔnmɛ jeje nɔ nyɔnu le evijiji gamɛ nɛnɛ. ⁹ Le hwenɔnuwo ɔ, wo a va sa mi, nɔ wo a ɖe efun nɔ mi yi a wu mi. jukɔnwo a gbenu so mi nu do anyita. ¹⁰ Amɛ sugbɔ agbe enu so xɔse nu, yi a sasa wowo nɔnɔ wo yi a gbe xaxa wo wo nɔnɔwo. ¹¹ Amɛ ci wo yi xonɔ evi mɔ yowo yi nyi Mawu ŋɛdotɔwo a va va yi a gble amɛ sugbɔ wo. ¹² Enu vɔnvɔn wa wa a gban do xexe mɛ yi nɔvilɔnlɔn ci yi le amɛ sugbɔ wo mɛ a va bu, ¹³ Vɔ ɔ, amɛ ci yi agbedɔn kaka sɔyi vɔvɔnu a kpɔ hwlɛngan . ¹⁴ Wo a xo efiɔɖuxu ŋɛ nyui cɛ le xexe lɔ keŋkeŋ mɛ koɖo axwa. Enyɔ hunnɔ yi wo a sɔ ɖe kunnu nɔ akɔtawo pleŋ nɛ, yí le yɛ godu ɔ wa a gu xexe lɔ hunnɔ. ¹⁵ Eyi tado yi nɔ mi va tɔ enunyɔnyɔɛ ci yi a kaka nu, ci yi nu yi, eŋɛdotɔ Ɖaniɛlu xo nuxo so, kpɔkpɔ le texu mii lɔ ɔ, mɛ ci yi a hlɛn enu lɔ, ɖe mɔŋjemɛ nyuiɖe . ¹⁶ Nɔ ega lɔ va xo ɔ, amɛ ciwo yi a le Ʒude kanmɛ ɖo a shi a kpe ekpowo ji ɖaa. ¹⁷ Amɛ ci yi a le exɔta, ŋgbe ɖyi a va sɔ enuɖe le eyi xɔmɛ o, ¹⁸ Yi amɛ ci yi, yi a le ebomɛ, ŋgbe gbɔva axwemɛ a va sɔ eyi vuvɔwu o. ¹⁹ Ba bɛɛ nɔ nyɔnu funɔwo koɖo ci yi wo yi le anɔ na a evi hwenɔ nu wo. ²⁰ Mi nɔ gbedoɖa ji nɔ shishi hwenu miwo tɔ ŋgbe je do vuvɔ hwenu alo do gbɔngbɔn ji o. ²¹ Ɖo le ŋkeke hunnɔwo ji ɔ, amɛwo a se veve sugbɔ. ²² Nɔ, Mawu de ɖe vevesese ŋkeke lɔwo kpɔtɔ sa ɔ, amɛɖe kpokpui da ci agbe o. Vɔ ɔ e ɖe le wo ji kpɔtɔ do amɛ ciwo yi e can, nɔ wo a nyi e yi tɔ taɖo. ²³ Nɔ amɛɖe va nu nɔ mi mɔ: «klisolɔ le elɛ! alo le enɔɖaa ɔ, mi ŋgbe xɔɛji se o, ²⁴ ɖo ɔ, evixotɔwo a va va yi a nu mɔ ye wo yi nyi klisolɔalo ye wo yi nyi eŋɛdotɔ Mawu tɔwo kaka yi a le jeshidu wo koɖo enujiŋijŋwo ɖe ɔ tii; kaka nɔ wo kpe ji ɔ, wo a ble Mawu mɛ cancan wo hɛnnɛ. ²⁵ Mi kpɔɖa! ŋ nu enyɔ ci yi jijia jɔ, nɔ mi vɔ.» ²⁶ E yi taɖo nɔ amɛɖe va nu mi mɔ: Mi kpɔɖa, kliso le zoxu sakli sakli mɛ ɔ, mi ŋgbe yi o, nɛnɛke nɔ wo va nu mɔ: Mi kpɔɖa yike be do elɛ ɔ, mi ŋgbe xɔɛ ji se o. ²⁷ Shigbe le han yi eji ɖenɔ ezo le jeŋkui mɛ; so akpa ɖeka ji a va yi akpa bu ji ɔ, nɛnɛ yi agbetɔvi a va va do nɛ. ²⁸ Fi ci yi enukuku le ɔ, enɔ yi klasuwo bɔnɔ do nɛ. ²⁹ Nɔ efunkpekpe sɛŋsɛŋ hwenu lɔ va yi ɖegbɔ ɔ, ewe a do ʒinflu, kpɔ wleci d'a gbe klɛnklɛn ɔ, wlecivi wo wo a hlɛa so jiŋkuimɛ; ŋsɛn ciwo le jiŋkui mɛ wo a hunhun, ³⁰ eyi agbetɔvi lɔ jeshiduwo a ze le jiŋkuimɛ, yi anyigbanjitɔwo keŋkeŋ wo a tɔ ekuifanfan. Yi a kpɔ agbetɔvi lɔ le jeŋkuimɛ zɔwo mɛ, yi a gbɔgbɔ koɖo ŋsɛn gangan ɖeka le klɛnklɛn mɛ. ³¹ Eyi a dɔ yi ekpɛn gangan ɖeka a ɖyi sɛŋsɛŋɖe yi a ɖo eyi dɔla wo ɖaɖa xexe zogo amɛnɛ lɔwo ji mɔ ɖe va yi xoxu y'emɛ cancan wo so xexe mɛ go ɖeka ji a sɔ yi ebu woji nɔ ye. ³² Mi nya ŋ nu sɔ so figici cɛ nu. Nɔ figici tɔ alɔwo jeje, yi ama wo tɔ dɔndɔn nii ɔ, mia nya mɔ hwenu lɔ gogo. ³³ Nɛnɛ ke nɔ mi va tɔ enu hunnɔwo pleŋ kpɔkpɔ ɔ, mi a nya mɔ gamɛ tɔ sunsun yi agbetɔvi lɔ a trɔgbɔ. Mi ɖo a nya mɔ yi ɖo agbonu vɔ. ³⁴ Le nyɔnɔnyui mɛ ɔ, ŋ nu nu ɔ nɔ mi mɔ egbiviwo d'a ku vɛ gbɔxwe yi enu hunnɔ wo pleŋ a va jɔ o. ³⁵ Jeŋkui koɖo anyigbanwo a va gu, ganke anyi nuxuwo ali tɛgbɛɛ, ɔ. ³⁶ Vɔ amɛɖe de nya ŋkeke aloegaxoxo ci yi ji yí xexe lɔ a gu do o, kaka sɔ je dɔlawo ji le jeŋkuimɛ koɖo Mawu viɛ lɔ ji can wɔ ɖe jeshi azan lɔ o. Mawu Eda ɖekɛ kpaŋ yi jeshi azan hunnɔ ɖɛ. ³⁷ Enu ci yi jɔ le nɔwe hwenu e yi y'a va jɔ le hwenu ci yi agbetɔvi lɔ a va trɔgbɔ ³⁸ eyi gbɔxwe eshgangan lɔ av xɔ eju ɔ, amɛwo le enu ɖu ɔ, e le enu nuɔ, e le nyɔnuwo ɖe ɛ egbe sɔsɔ wo wo viwo na na asu. ³⁹ Kpɔ wo de nya mɔ ŋɖe jɔjɔ ɔ kaka sɔna hwecinu yi nɔwe o ɖakanun lɔ mɛ, yi eshi lɔ ɖɔ yi kplɔ wo hɛn yi o. Nɛnɛ yi agbetɔvi lɔ trɔtrɔgbɔ a va le do nɛ. ⁴⁰ Le hwenɔnu ɔ, ŋsu amɛve a le bomɛ, wa sɔ ɖeka agbe ɖeka ɖɛ. ⁴¹ Nyɔnu amɛve a le ewɔ cu ɔ le ete ji wasɔ ɖeka agbe ɖeka ɖɛ. ⁴² Eyi nataɖo ɔ, mi nɔ ŋzɔn; ɖo mi ɖe nya hweci nu yi miwo wetɔ a trɔ gbɔ o. ⁴³ Mi mɔŋje enyɔ cɛ mɛ nyuiɖe: Nɔ axwetɔ ɖe nya hwecinu yi flafinɔ a va gban axwe nii ɔ, a nɔ ŋzɔn yi d'alɔn yi flafinɔ a ɖo axwemɛ nii o. ⁴⁴ Eyi na tado ɔ, miwo can ni nɔ glaglaji; ɖo ɔ, agbetɔvilɔ a va va do hwecinu yi mi ɖe ɖoŋdo o ⁴⁵ Mɛ e yi nyi edɔwavi egbejinɔtɔ ci yi nya ŋɖɛ ɔ? E ɖyi edɔwavi ci yi eyi ga sɔ ɖo enu nɔ eyí kpenawo yi e nanɔ enuɖuɖu wo do gamɛ ji. ⁴⁶ Enu yi nyɔ nɔ edɔwavi hunnɔ nɔ eyi ga trɔgbɔ yi va kpɔɛ le edɔ hunnɔ yi. ⁴⁷ Le nyɔnɔnyuimɛ ɔ, ŋnu nu ɔ nɔ mi mɔ egalɔ a va e yi dɔkunuwo pleŋ do ashi nii mɔ yi ɖe lewo kpɔ ɔ nɔ eye. ⁴⁸ Vɔ nɔ a nyi edɔwavi dɔndɔn yi e nyi sasa ɔ, nu le jimɛ mɔ ye ga d'a gbɔ ɛ trolo . ⁴⁹ Yi a tɔ eyi kpenawo xoxo, yi a le enu ɔ, a le enu nuɔ koɖo ahanumutɔnɔwo. ⁵⁰ Vɔ ɔ, e yi ga a va trɔ gbɔ le ŋkeke koɖo gaxoxo ci mo nu de ɖoŋ do nu. ⁵¹ Yi anyii eto ciwo wa dɔn nɔ ayemɛnu watɔwɔ ɔ, eyi wa dɔn nii enɔ tɔxu yi amɛwo a fan avi, yi a ɖu aɖukli le nɛ.