¹ Yesu nu nọ ahwakɔn lɔwo pleŋ kɖo e yi nuplaviwo mɔ: ² « Esedɔwatɔwo koɖo Falisitɔwo sɔ ese ciwo yi Mawu do todo Mɔyizi ji wa edɔ yi ɖe wowo gɔnmɛ nɔ amowo. ³ Eyi na taɖo ɔ, miɖo yi a bunɔ wo yi a wanɔ do enyɔ ciwo kpu yi wo nu ji. Vɔ ɔ, mi ŋgbe kpɔ do enu ciwo yi wo wawa nu yi a wa go. Ɖo ɔ, wo ɖe wanɔ do enu ci yi wo kplakpla amowo ji go. ⁴ Wo wonɔ ɖoɖl sugbɔ ciwo yi va trɔ agban kpɛnkpɛn yi ʒinnɔ amowo ji mɔ ɖe hɛn. Vɔ ɔ, wowoŋtɔwo ɖe lɔnnɔ mɔ yowo a do alɔ wo yi a sɔ alɔvi le agban lɔ koɖo wo kpetii go. Wo wanɔ wowo nuwo pleŋ mɔ nɔ amowo a kpɔ. Eyi ɔ, wo blanɔ cila ciwo yi gangan sɔwu amɔwotɔ do ŋgonu koɖo aba nɔ wo wawa kuiƒan. ⁵ Wo gbe sɔnɔ eka lɔnlɔn gblɛlɛlɛ ɖekawo blanɔ do wowo wu vlayawo hoga nu. ⁶ Wo jinɔ bubu tɔxuwo a nɔ le exweɖuxuwo koɖo Mawusɛnxuwo. ⁷ Yi gbe jinɔ mɔ amowo ɖe do egbe nɔ yowo koɖo bubu yi a gbe yɔyɔ yowo koɖo bubu yi a gbe yɔyɔ yowo mɔ mɛganwo le egodoxowo. ⁸ Vɔ miwoɔ, mi ŋgbe jinɔ mɔ wo ɖe yɔyɔ yowo mɔ mɛganwo. Ɖo amɛɖɛkɛwo yi mi nyi yi cicagan kuɖeka yi ti nɔ mi. ⁹ Nɛnɛke yi mi d'a yɔyɔ amɛɖe le nyigban ji mɔ miwo da nɛ. Ɖo eda kuɖeka yi li nɔ mi. Eyi nyi Mawu ci yi le jeŋkuimɛ. ¹⁰ Mi ŋgbe lɔn nɔ wo a yɔnɔ mi m ega go. Ɖo ega kuɖeka yi li nɔ mi. E yi nyi Kliso lɔ. ¹¹ Amɛ ci yi nyi mɛgan le mimɛ ɖo a nyi edɔwavi han nɔ mi. ¹² Nɔ amɛɖe kɔkɔkɔ yiɖeki do eji ɔ, Mawu a bɔbɔɛ va gɔnmɛ yi amɛ ci yi bɔbɔɛ do eji.» ¹³ Yesu nu nɔ wo mɔ : « Babɛɛ nɔ mi, miwo esedɔwatɔwo koɖo Falisitɔ; ayemɛnuwatɔwo ! Mi cu jeŋkuimɛ ƒiɔɖuxu hɔnwo do amowo yi amowo ci ehɔn godu. Miwoŋtɔwo ɖ'a sɛnn yi jeŋkuimɛ ƒiɔɖuxu lɔ mɛ keŋ yi a trɔ xexe emɔ nɔ amɛ ciwo yi e dro. ¹⁴ (Babɛɛ nɔ mi, miwo esedɔwatɔ koɖo ayemɛnuwatɔ! Mi xɔnɔ enuwo pleŋ le kposuwo shi ganŋkegan yi a gbe le kuiƒan gblɛlɛlɛwo waa nɔ amowo a kpɔ. E yi na taɖo yi wo a ɖo kojo koɖo mi veviɖe sɔgbɔ sɔwu amɛ kpɛtɛwo). ¹⁵ _Babɛɛ nɔ mi, esedɔwatɔ koɖo Falisitɔ ayemɛnuwatɔwo! Mi ɖyinɔ esa to do afishafi le nyigban koɖo axu ji yi a jijiɔ maxɔsetɔ kuɖeka kpaŋ kpɔ mɔ yi a trɔ xɔsetɔ kuɖeka kpaŋ kpɔ mɔ yi a trɔ xɔsetɔ yi nɔ mi va kwɛ ɔ, mi sɔ trɔnɔ zamavɔmɛtɔ zeve sɔwu miwoŋtɔwo. ¹⁶ Babɛɛ nɔ mi amɛgkplɔtɔ ŋkuvitɔntɔnnɔwo! mi nunɔ mɔ: Nɔ amɛɖe ta Mawuxwe lɔ do enuɖe ji yi ɖe va wa do ji ɔ, yi ɖe wa ŋde go. Vɔ nɔ amɛɖe ta shika ci yi le Mawuxwe lɔ mɛ do enuɖe ji ɔ, yi ɖo a wa do ji. ¹⁷ Ŋnumanyatɔ koɖo ŋkovitɔntɔnnɔ gbali! Ci yi shika le Mawucwe nɛ, shika nɛ, hinɖe yi le veviɖe le wo mɛ sɔwu gan u halɔ? Shika a alo Mawuxwe ? ¹⁸ Mi gbe nunɔ hɛnnɛ mɔ: " Nɔ amɛɖɛ ta avɔsakpe do enuɖe ji yi ɖ'e va wa do ji ɔ, yi ɖe wa enuɖe; vɔ nɔ amɛɖe ta enonana ci yi le avɔsakpe ji do enuɖe ji ɔ, yi do a wa do ji." ¹⁹ Ŋkuvitɔntɔnnɔ gbali! ci yi enunana le avɔsakpe ji taɖo ɔ, e nyi le veviɖe sɔwu gan nɔviɛ? enunana alo avɔsakpe? ²⁰ E yi na taɖoɔ, nɔ amɛɖe ta avɔsakpe do enuɖe ji ɔ, e ta avɔsakpe lɔ koɖo enu ciwo pleŋ yi le ji wo. ²¹ Nɔ amɛɖe ta Mawuxwe lɔ do enuɖe ji ɔ, e ta Mawuxwe lɔ mɛ. ²² Nɛnɛke nɔ amɛɖe ta jeŋkui do enuɖee ji ɔ, eta Mawu ƒiɔzekpin lɔ koɖo Mawu ci yi nɔnɔ efizekpin lɔ ji. ²³ Babɛɛ nɔ mi, esedɔwatɔ koɖoFalisitɔ ayemɛnu watɔwo! Mi nanɔ madowo Mawu nɔ amahwɛhwɛ anɛti koɖo kumɛn ciwo yi mi do do bomɛ yi ava sɔ ɖanɔ enu ganŋkegan yi gbenɔ enujɔjɔɛwawa, xomɛvuwawa koɖo enuwawa koɖo xɔse ciwo yi le veviɖe sɔwu yi ese nu mɔ wo ɖe wa akpa ɖeka. Enu vevi hunnɔwo yi wo do a wa doŋkɔ sa gbɔxwe yi a sɔ kpetɛwo bɔdo wo nu nɛ. ²⁴ Amɛkpɔtɔ ŋkuvitɔntɔnnɔ! Miwo ƒiɔnnɔ aha kaka yi a ɖe amui tii le mɛ ganŋke yi mimiɔ esɔkpotɔ nɔ blebu! ²⁵ Babɛɛ nɔ mi, esedɔwatɔ! Mi klɔklɔ kpɔtanɔ kɔpu lɔ koɖo kpanuɖunu lɔ, ganŋkegan yi kɔpu koɖo kpanu lɔwo xomɛ ɖɔ koɖo enu ciwo yi mi fin sɔkpenɔ miwo nudroamɛ mi ƒin sɔkpenɔ miwo nudroamɛ vɔinwo. ²⁶ Fasitɔ ŋkuitɔntɔnnɔwo! Mi klɔ xomɛ nɔkɔpu lɔ dŋkɔgahunnɔmɛ nɔ agogbe a mɛ nii hɛnnɛ. ²⁷ Babɛɛ nɔ mi, esedɔwatɔ koɖe Falisitɔ ayemɛnuwatɔwo! Mi le shigbe yɔdu ciwo yi wo shi kalo yi nɔ yi e le shigbe enunyakpɔkpɔ le agogbe ganŋkegan yi amɛkuku xuwo koɖo enubebe vovovowo ɖɔ xomɛ nii nɛnɛ. ²⁸ Le agogbe ɔ, nɛneke yi miwo can mi wawa enu shigbe amɛjɔjɔɛwo nɛnɛ do enu nɔ amowo vɔ yi ayemɛnuwawa koɖo enuvɔin ɖɔ xomɛ nɔ mi nɛ. ²⁹ Babɛɛ nɔ mi , esedɔwatɔ koɖo Falisitɔ ayemɛnuwatɔwo! Mi mɛmɛɛ ekpe do Mawu ŋɛdotɔwo yɔduwo ji yi dodo ɔ acanwo nɔ amɛjɔjɔɛwo yɔ duwo. ³⁰ Yi nunuɔ mɔ: Nɔ mi li le gacimɛ yi tɔgbiwo wuwuɔ Mawu ŋɛdotɔ ɔ, mi ɖ'a bla enu koɖo yi Mawu ŋɛdotɔwo hun a kɔ do nyigban go." ³¹ Nɛnɛ, mi ɖeɖeɛ kunu kpaŋkɔ miwonɔnɔwo mɔ yowo tɔgbiwo yi wu Mawu ŋɛdotɔwo. ³² Ci yi e nyi nɛnɛ ɖee, mi yi enu ci yi miwo tɔgbiwo tɔ yia ɖe egbɔ yi! ³³ Edan koɖo zakpata xomuwo! bu yi mi bubuɔ mɔ yowo a wɛɛ eɖe kaka yi a shi nɔ enyɔ dɔnnɔamɛ le kojo mɛ ci yi kplɔnɔ amɛ yi ezomavɔ mɛ a? ³⁴ Eyi dɔ taɖo !i ɖo eto a se: na dɔ anyi ŋɛdotɔ ŋɖɛnyatɔwo koɖo esedɔwatɔ adoduiwo ɖaɖa mi. Mi a wu ɖekawo a kan ɖekawo do acisosa ji, a xo do wo le miwo Mawusʒnxu yi a nya wo do todo jugan juganganwo mɛ. ³⁵ Eyi ɔ, a nyi miwo yi a ɖu xomɛvunɔ ciwo hun yi kɔdo anyigban sɔso amɛjɔjɔɛ Abɛli ji kaka vasɔokɔdo zakali, Balashi evɛ ci yi wo wu le Mawuxwe koɖo avɔsakpe gblamɛ wo Le. ³⁶ le nyɔnɔnui mɛ ɔ, nnunuɔ nɔ mi mɔ: egbɛviwo yi a du amɛ ciwo yi wo wu hunnɔwo le» ³⁷ Yesu nu nɔ Ʒeluzalɛmutɔwo mɔ: «Ʒeluzalɛmutɔwo, Ʒeluzalɛmutɔwo, miwo ciwo yi wuwuɔ Mawu ŋɛdotɔwo yi xoxo ɔ ekpe ame ciwo yi Mawu dɔ ɖaɖa mi kaka yi wo a ku! Ŋji mɔ na bɔ mido enyɛɖeki gbɔ zenɛniɖe shigbe lehan yi koklonɔ bɔnɔ evɛwo do e yi wa gɔnmɛ do nɛnɛ ganŋkegan yi mi gbe! ³⁸ Eviɛ ɔ, Mawu a tashi miwo Mawuxwe ɖɛ nɔ aci tootu. ³⁹ Ɖo ɔ, na nu nɔ mi mɔ: sɔso eviɛ kaka a sɔnanɔ hwenu yi wo a nu mɔ: " shicu nɔ amɛ ci gbɔgbɔ lemavɔmavɔ nyikɔ mɛ! ɔ, mi ɖ'a gbe jpɔŋ go.»