¹ Yesu gbe xxo nuxu nɔ amɛwo ke toto labalu mɛ. E nu nɔ wo mɔ : ² « Nɔ wo a sɔ xo nuxu soso jeŋkuimɛ ' fiɔɖuxu lɔ nu ɔ, wo hɛn wo a nu mɔ efiɔ ɖeka yi jikɔ a ɖe nyɔnu nɔ eviɛ ŋsuvi ɖeka yi dɔ yi wo da enu. ³ Efiɔ lɔ dɔ yi dɔwaviwo yi wo vayi kplɔ amɛyɔyɔ va nyɔnuɖexu lɔ nɔ wo a va ɖu enu. Vɔ amɛ lɔwo gbé mɔ yewa d'a va o. ⁴ Eyi e dɔ edɔwavi buwo mɔ: « Mi nu nɔ amɛyɔyɔ lɔwo mɔy ɖa enu vɔ. ŋ wu anyi xwenyi asutɔwo koɖo anyi lanku doami doamiwo. Enuwo pleŋ so egbe. Wo le va nyɔnuṣexu lɔ! » ⁵ Vɔ kpɔ d'e wa eɖe do lanmɛ nɔ amɛ ciwo yi wo yɔkɔ o. Wowo kpe wowo nuwo wagbe Amɛṣekawo yi wowo bojiwo yi amɛ eɖetɔ lɔwo yi wowo' nuwo sagbe ⁶ yi amɛkpɛtɛwo edɔwavi lɔwo yi do aya nɔ wo yi wu wo. ⁷ Efiɔ lɔwa dɔmɛzi yi dɔ yi sɔjawo yi wo vayi wu amɛwutɔ lowo tɔ ezo wowo jugan. ⁸ Le i godu ɔ, e va nu nɔ yi ' dɔwaviwo mɔ enuɖuɖu sɔ egbe le nyɔnuɖexu lɔ. Vɔ wo le va ɖu agɔ koɖo eye de je yi a va o ⁹ Ci yi yi le ahan ɔ, wo lé yi emɔ gangan, emɔ ganganwo ji yi a yɔ amɛ ciwo pleŋ yi wo a kpɔ nɔ wo a va nyɔnuɖexu lɔ le eye gbɔ. ¹⁰ Eyi edɔwavi lɔwo yi emɔwo ji yi vayi bɔ amɛ ciwo pleŋ yi wo kpɔ, amɛdɔndɔnwo fin, amɛnyuiwo fin yi exɔ ci mɛ yi wo ɖukɔ agɔ le nɔ nyɔnuɖeɖe lɔ do. ¹¹ Eyi e biɔɛ se mɔ anyi xlɔ le e wɛɛ do yi ɖo exɔ lɔ mɛ nyɔnuɖexuyiyi wu mado ɔ? ¹² Vɔ, kpɔ ŋsu lɔ ɖe sɛnŋ nu enyɔ ɖe do nu nii o. ¹³ Eyi éfiɔ lɔ nu nɔ yi ' dɔwaviwo mɔ: " Mi lii yi a bla alɔwo koɖo afɔwo nii yi a sɔɛ dɔŋkpe do xexenu le vinvin mɛ fini ciyi a fan avin yi a ɖu aɖukli le". ¹⁴ Eyi yesu va cu eta nɔ enyɔ lɔ mɔ wo yɔ amɛ sugbɔ. Vɔ ɔ, amɛ kankin yi wo can le wo mlɛ. » ¹⁵ Eyi *Falisitɔwo yiekpa yi le lehanci yi wo a do aɖemɛ kpɔ nɔ yesu do kpɔ. ¹⁶ Wo dɔ wowo nukplavi ɖekawo koɖo Elodi ' gbɛvi ɖekwo ɖaɖa yesu gbɔ: yi wo vayi nu nii mɔ: « Cicagan, mi nya mɔ e nanɔ ekpla nyui amɛ soso lehanci yi Mawu dro mɔ wo le nɔ agbe do nu. E nunɔ nyɔnunui yi d'è vɔnnɔ nɔ amɛɖe o. Nɛnɛke ɔ, f'è kpɔnu ŋmɛ no amɛ yi sɔ xonɔ nuxu o. ¹⁷ Nɔ e kpɔ enyɔ ɖe soso enyɔ cɛ nu ɔ, na nu nɔ mi. Miwi se ɖe emɔ mɔ wo le na taga Hlɔmutɔwo ' fiɔgangan a?3» ¹⁸ Vɔ o, Yesu nya susu vɔn ci yi le eta mɛ nɔ wo. Eyi é nu nɔ wo mɔ : « Ayemɛnuwatɔwo, nyi yi jɔ yi mi dokɔ ŋ kpɔ ɔ? ¹⁹ Mi doasɛ gajunho ci yi wo sɔ cunɔ taga ɖrka nɔ ŋ. » Eyi wo ɖe gajunho ɖeka toi nii. ²⁰ E biɔ wo se mɔ : «Mi' takpu yi nyi ecɛ yi wo ta do gajun lɔ ji ɔ? Mi nyikɔ yi nyi ecɛ yi o ŋwlɛ do gɔnmɛ nii o ? » ²¹ Wo ɖoŋci nii mɔ: « Hlɔùuɔwo ' fiɔgangan ' ta koɖo yi nyuikɔ yɔ.» Eyi yesunu nɔ wo mɔ : « Mi sɔ enu ci yi nyi Hlɔmutɔwo' fiɔganlɔ na Hlɔmutɔwo' fiɔgangan yi a sɔ enu ci yi nyi Mawutɔ na Mawu. » ²² Enyɔ ci yi yesu sɔ ɖoŋci no wo lo ji eŋ nɔ wo sugbo yi wo tashii yi so le gbo. ²³ Gbehunnɔgbe lɔ ke ɔ, *Sadukitɔ ɖekawo va yesu gbɔ. Sadukitɔwo yi nunɔ mɔ gbe amɛɖe d'a sɛn eŋ fɔn soso ekuwodi o. Who biɔ enyɔ Yesu se ²⁴ mɔ : « Cicagan Mɔyizi nu do ese wemawo mɛ mɔ : " Nɔ amɛɖe ɖe nyɔnu yi ku evi maji ɔ, nɔviɛ ɖo a sɔ ekpo nyɔnu lɔ. Evi ŋsuvi ŋkɔtɔ ci yi ki tɔ." ²⁵ Sasa lɔ ɔ, nɔvi amadiɛ dekawo trɔ nɔ mi mɛ vayi. ŋkɔtɔ ɖe nyɔnu. Ci yi d'é evi ɖe o gboxwe yi ku ɔ, ashiɛ ciin nɔ nɔviɛ. ²⁶ Evetɔ lɔ sɔ ekpo nyɔnu lɔ yi ku evi maji hɛnnɛ. Etɔntɔ lɔ can, ahan yo nɛ, keke e va je amadrɛtɔ lɔ ji. ²⁷ Le wo amadrɛ lɔwo'ku godu ɔ, nyɔnu lɔ can gbe va ku. ²⁸ le ŋkeke ci jii yi agbetɔwo a fɔn soso ekuwodi ɖee, mitɔ yi a va nyi nyɔnu lɔ le wo mɛ ɔ? Ɖo ɔ, nɔvinɔ amadrɛ lɔwo pleŋ ke ɖii kpɔ ke! » ²⁹ Eyi yesu ɖonci nɔ wo mɔ : « Bu mi bukɔ. Ɖo ɔ, mi de nya Mawu ' nyɔ o. Mi de jeshi Mawu ŋsɛn ɖɛ o. ³⁰ Ɖo o, hwecinu yi wo a fon soso ekuwodi ɔ, asu kodo ashi ' nyɔ ɖe d'a gbe li o. Vɔ, ɔ, wo a nɔ agbe shigbe lehanci yicikplɔtɔwo le jeŋkui mɛ do ɛnɛ. » ³¹ Kuso fɔnfɔnsosokuwodi nu ɔ, mi de hlɛn enyɔ ci yi Mawu nu ,ɔ mi o kpɔ ba? Mawu nu mɔ: ³² "Enyɛ yi nyi Ablahamu, Izaki Mawu koɖo ʒakɔbu Mawu" Yesu va nu kpii mɔ Mawu ɔ, amɛleagbewe Mawu yi yi nyi. Gbe yi de nyi amɛkukuwo Mawu o. » ³³ Yesu ' nukplamɛnyɔ lɔwo ji eŋ nɔ amɛ ciwo pleŋ yi sii. ³⁴ Ci yi *Falisitɔwo se mɔ yesu ɖo enyɔ ŋci nɔ *Sadukitɔwo keke yi wo de gbe kpɔ enyɔ ɖe yi a nu o ɔ, wo yi bɔbɔ ³⁵ yi Falisitɔ lɔwo doɛtɔ ci yi nyi *esedɔwatɔ ɖeka ji mɔ ye a do yesu kpɔ yi biɔɛ se ³⁶ mɔ : « Cicagan, ese ci yi le ŋkɔ no ese lɔwo plɛŋ ɔ? » ³⁷ Yesu ɖoŋci nii mɔ : « " E ɖo a lɔn Tɔhonɔ ao Mawu koɖo ao ' ji blebu, ao' se blebu koɖo ao hlɔnhlɔn keŋkeŋ." » ³⁸ Ese ci yi xo eta nɔ ese lɔwo pleŋ nɛ. ³⁹ Ese amɛvetɔ ci yi gbe le veviɖe shigbe ŋkoto lɔ ɛnɛ yi nyi kpɔ mɔ : "E ɖo a lɔn nɔvio shigbe eoŋtɔ ɛnɛ." ⁴⁰ Ese hunnotɔwo ji yi ese ciwo pleŋ yi Mawu do toto Mɔyizi ji koɖo enu ciwo yi * Mawu ' ŋɛdotɔwo kpla amɛwo nɔ anyinɔnɔ do mɛ. » ⁴¹ Ci yi *falisitɔwo bɔ ɖɛ ɔ, yesu biɔ wo se mɔ : « ⁴² susu ci yi mibunɔ do kliso lɔ nu ɔ? Mi' vi yi nyi *Klisolɔ ɔ? » Wo doŋci nii mɔ : « Davidieviɛ yi e nyi. » ⁴³ Eyi Yesu biɔ wo se mɔ: « Ci e le ahan ɖee, le e wɛɛ yi Gbɔngbɔn kɔkɔɛ do alɔ Davidi yi e yɔ kliso lɔ mɔ Axwetɔ ɔ? Ɖo ɔ, Davidi nu mɔ: ⁴⁴ "Tɔhonɔ nu nɔ anyi' xwetɔ mɔ : Va nɔ anyinɔnɔ do dushimɛ nɔ ŋ, ŋ jikɔ a sɔ ao ketɔwo wa ao'fɔɖojinuwo". ⁴⁵ Nɔ e nyi kpɔ mɔ Davidi yɔ kliso lɔ mɔ Axwetɔ ɖee, le Kliso lɔ a wɛɛ gbe nyi Davidi eviɛ do ɔ? » ⁴⁶ Amɛɖe de kpɔ enyɔ ɖe yi nu do nu nii le wo mɛ o. Eyi soso gbehunnɔgbe ɔ, amɛɖe de gbe gbe edɔn yi biɔ enyɔ ɖe yi se kpɔ o.